"Kaissa Amateour Open" շախմատի առաջնությունը Արմենիա Մարիոթ հյուրանոցում

Մրցաշարը սիրողական բնույթի էր, որի նպատակն էր միավորել շախմատի սիրահարներին։ 44 շախմատիստ իրենց ուժերը փորձեցին Ռապիդ մրցաշարի շրջանակներում, 7 խաղափուլով, պարտիայի համար՝ 5 րոպե և յուրաքանչյուր քայլի համար՝ 5 վայրկյան ավելացմամբ։ Հաղթողները պարգևատրվեցին պատվոգրերով, մեդալներով, գավաթներով, ինչպես նաև դրամական մրցանակներով։ Անցկացվեց նաև Վիկտորինա խաղ֊մրցաշար, որի ընթացքում մասնակիցներին տրվեցին շախմատային բլից հարցումներ, իսկ հաղթողները հնարավորություն ստացան մասնակցելու անվճար շախմատային դասի` "Կաիսա" շախմատի դպրոցի լավագույն մասնագետների հետ։ Մրցաշարին զուգահեռ "Կաիսա" դպրոցի սաները միաժամանակյա խաղում իրենց ուժերը փորձեցին Միջազգային Գրոսմաստեր Հովհաննես Գաբուզյանի հետ։

Միջոցառման գլխավոր հովանավորներ են` Базилик Premium էլիտար մսամթերքի արտադրություն, D-LEX consulting իրավաբանական գրասենյակը և GEOTERMO системы геотермального отопления կազմակերպությունները։ "Կաիսա" շախմատի դպրոցը հիմնադրվել է 2012 թվականին հայ շախմատիստ, գրոսմայստեր, Թուրինի համաշխարհային օլիմպիադայի հաղթող Տիգրան Նալբանդյանի կողմից: Ներկայումս` դպրոցում հավաքված է Հայաստանի մարզչական լավագույն կազմը։ Միջոցառումն այս տարի անցկացվում էր առաջին անգամ։ "Կաիսա" շախմատի դպրոցը կանի հնարավորինս` մրցաշարին շարունակական բնույթ ընձեռելու համար։