Լոնդոնից մինչ Երևան. Ինչպես AZAT MARD բրենդը դարձավ հայ երիտասարդության ամենապահանջված բրենդը

AZAT MARD լյուքս դասի բրենդը հիմնադրել են Գարեն Չոբանյանը և Նեյլ Մալհոտրան: Գարենը խաղացել է Հայաստանի երիտասարդների ֆուտբոլի միջազգային թիմում, իսկ Նեյլն ավարտել է Միլանի նորաձևության դպրոցը։ Հանդիպելով Մեծ Բրիտանիայում՝ երկու ընկեր որոշում են հիմնել AZAT MARD բրենդը, ամբողջությամբ ոգեշնչվելով Հայաստանից: Յունիսեքս, արդեն նաև երեխաների համար նախատեսված հագուտ, աքսեսուարներ, որոնք այսօր կրում են ամբողջ աշխարհի հայերը: Հատուկ համագործակցություն Ararat բերնդի, Շառլ Ազնավուրի և Սերգեյ Փարաջանովի տուն-թանգարաների հետ, և մշտապես նոր արտադրանքով զարմացնող տեսականի, որը հենց նույն պահին դառնում է մեյնսթրիմ և հայտնվում ամենուր:

Ես իքնս հաճախ եմ կրում AZAT MARD, բացատրեմ ինչու: Նախ, արտադրանքն իրոք որակով է, օրինակ շապիկներն ավելի ազատ են, ինչը հայ տղամարդկանց դեպքում շատ կարևոր է, տեսանիկին նորաոճ է, հնարավոր է համադրել ինչպես սպորտային, այնպես էլ ցանկացած տիպի միջոցառման ընթացքում, դուր է գալիս ինձ նաև դիզայներական մոտեցումը՝ դետալներ, որոնք առաջին հայացքից գուցե նկատելի չեն, սակայն ես ինքս կարևորում եմ դրանք: Այսօր AZAT MARD-ը ցանկացած մարդու համար սպասված նվեր է, լինի դա գլխարկ, շապիկ, կամ հուդի:

Գարենը, ինչպես և Նեյլը հաճախ են լինում Հայաստանում և հերթական այցի ընթացքում որոշեցի հանդիպել Գարենին՝ կրկին շնորհավորելու նորանոր հաջողությունների առթիվ և զրուցելու ապագա պլանների մասին:

-Հենց երեկ մոտենում է ինձ մի տղա Հյուսիսային պողոտայում ու հարցնում. “Կամո ջան, էդ AZAT MARD որ հագնում ես, ախր դա ի՞նչա նշանակում”. Դու ինքդ ինչպե՞ս կբացատրես…

Ես այն ձևակերպում եմ, որպես «ազատություն երազելու»: Կարևոր է, որ հայ լինելով, մենք ցուցադրենք մեր երկիրը դրական լույսի ներքո: Իմ անձնական ճանապարհով ես փորձում եմ դա անել՝ պատրաստելով բարձրորակ հագուստ և նախագծելով ինքնատիպ դիզայն, որը սկիզբ է առնում Հայաստանի խորհրդանշական առանձնահատկություններից, այդ թվում և պատմական վայրերից: Նպատակն է նաև մարդկանց հիշեցնել Հայաստանի պատմությունը և Աշխարհին ցույց տալ, թե իրականում որքան զարմանալի է երկիրը:

-Եթե անկեղծ՝ 5 տարի առաջ երբ հանդիպեցինք, ես չէի հավատում որ բրենդը նման հաջողություն կունենա, Դուք ինքդ այն ժամանակ մտածո՞ւմ էիր, որ կարճ ժամանակահատվածում այն այսքան կսիրվի ամբողջ աշխարհում:

Իրոք, երբ մենք 2019թ.-ին հանդիպեցինք, ես նույնպես չէի կարծում, որ ապրանքանիշն այսքան արագ առաջընթաց կունենար, սակայն ես հստակ տեսլական ունեի և գիտեի դեպի ուր եմ շարժվում. դա հիմնական ապրանքանիշի ինքնություն ստեղծելն է և խաղի կանոններին հավատարիմ մնալը:

-Ինչ ես կարծում ի՞նչը դարձավ պատճառ. որակը, գինը, ձևափափը, ինչո՞ւ են բոլորն այսօր կրում AZAT MARD:

Արագ հաջողությունը դեռ ոչինչ չի որոշում: Պարտադիր է մշտապես հագուստի որակը բարձր պահելը, ամենամսյա թողարկվող հետևողական առանձնահատուկ դիզայնը: Գինը մի փոքր ավելի բարձր է, քան մյուս ապրանքանիշերը, բայց ես զգում եմ հաճախորդի գոհունակությունը, երբ նրանք ստանում են իրենց պատվերը, քանի որ որակը չափազանց լավ է գնի համար:

-Եթե ճիշտ եմ հասկանում, բրենդի վաճառքի գլխավոր հարթակը հենց azatmardofficial.com կայքն է, կա՞ն արդյոք ֆիզիկական խանութներ ևս, բացի երևանյան YooTo սրահից և օնլայն հարթակից:

Ամրագրումներ ստանում ենք ամբողջ աշխարհից, հիմնականում մեր կայքից: Կան բազմաթիվ առանցքային քաղաքներ, որտեղ հայկական սփյուռքը տարածվել է, օրինակ՝ Փարիզ, Նյու Յորք, Լոս Անջելես, Տորոնտո, Լոնդոն: Բոլոր այս քաղաքներում AZAT MARD բրենդի առցանց գնորդների մեծ բանակ է ձևավորվել:

-Իսկ որքան մեծ է AZAT MARD թիմը: Ով է որոշում հավաքածուները, ով է ստեղծում դիզայնը, մարքեթինգը, որտեղ է այն կարվում, մի փոքր տեխնիկական դետալներ կներկայացնե՞ս:

Թիմն իրականում շատ փոքր է, Ես հիմնականում կենտրոնանում եմ հավաքածուների, դիզայնի, գործարանների և ապրանքների տեղաբաշխման գործում: Իմ բիզնես գործընկեր Նիլը կենտրոնանում է կայքի և տեխնիկական կողմի վրա՝ համոզվելով, որ ամեն ինչ հարթ է ընթանում: Իհարկե վերջում մենք բոլորս հավաքվում ենք, քննարկում ենք մեր նոր գաղափարները և հաստատում այն:

-Հետաքրքիր է, բրենդն արդեն կարո՞ղ ես համարել ստացված բիզնես նախագիծ, այն բերում է ստաբիլ շահույթ, թե դուք դեռ ներդրում եք կատարում՝ ամրապնդելով դիրքերը շուկայում:

Բրենդն իմ աչքում դեռ շատ երիտասարդ է, գրեթե ամբողջ շահույթը կրկին ներդրվում է ապրանքանիշի աճի մեջ: Կարծում եմ, դեռ շատ բան կա գնալու: Չեմ ուզում ոգևորվել արագ հաղթանակներով, փորձում եմ լուռ ստեղծել շքեղ հագուստի շարք, որը մի օր կդառնա համաշխարհային շուկայում առաջատար ապրանքանիշ:

-Եղե՞լ է արդյոք առաջարկ, գուցե հենց Հայաստանից, վաճառելու բրենդը, եթե այո, ինչ թվի մասին կարող է խոսք գնալ նման դեքում:

Այս շրջանում նման առաջարկներն ինձ չեն հետաքրքրում։

-Հավանաբար քեզ ցույց տվել են Հայաստանում հայտնված ֆեյք AZAT MARD արտադրանք, որոնք կարող են գնել տոնավաճառներում: Ինչպե՞ս ես վերաբերվում դրանց և փորձե՞լ ես արդյոք արգելել արտադրությունը՞

Այո, ես շատ եմ տեսել ֆեյքերը: Սկզբում ես դա ընկալեցի որպես հաճոյախոսություն, քանի որ կեղծիքներ ես տեսնում միայն այն ժամանակ, երբ ինչ-որ բան հաջողվում է: Բայց հիմա դա տեղի է ունենում այնքան, որ ես դա արդեն համարում եմ սխալ, կարծում եմ, որ դա արդար չէ: Աշխատել օր ու գիշեր՝ ստեղծելով հավաքածուներ, իսկ մեկ ամիս հետո էլ շուկայում կեղծ տարբերակը…մեղմ ասած հաճելի չէ: Մենք հայ ենք! մենք ընտանիք ենք! ինչու՞ վնասել միմյանց:

-Մոռացա հարցնել, թե որն է այս անգամ այցելությանդ առիթը. նոր համագործակցությո՞ւն:

Այս անգամ Երևանում եմ Z&A խանութների հետ համագործակցության նպատակով: Մենք ունենք նոր գրաֆիկական շապիկներ, որոնք կարող եք ձեռք բերել միայն Հյուսիսային պողոտայի խանութում։ Ի դեպ, հաջորդ շաբաթ հրավիրում եմ փակ շնորհանդեսին, վստահ եմ հավանելու ես մեր նոր աշխատանքը:

-Բոլոր հայկակն մեծ ընկերությունները, թանգարանները, նույնիսկ բանկերը ցանկանում են քեզ հետ համագործակցել: Ինչպես ես ընտրում, թե ում հետ աշխատել և ինչ պայմաններով ես դրանք անում: Ի դեպ, ո՞րն է եղել օրինակ ամաենատարօրինակ առաջարկը որը մերժել ես:

Կան բազմաթիվ առաջարկներ ու իրականում չափազանց դժվար է ընտրություն կատարել: Վերջին աշխատանքներից է նաև Արամ Խաչատրյանի «Սուսերով պարը» բալետից ոգեշնչված շապիկը, որը կթողարկվի շաբաթվա վերջ:

-Նա, ում տեսել ես AZAT MARD կրելիս ու հպարտացել ես:

Ամենամեծ հպարտությունը, երբ փողոցում տեսնում եմ անծանոթ մարդկանց՝ AZAT MARD կրելիս: Դա ցույց է տալիս, որ մարդիկ այն կրում են բրենդի հանդեպ սիրո և դրա հիմքում ընկած իմաստի համար:

-Մտավախություն չկա՞, որ նման անսպասելի բումից հետո բրենդը կարող է դառնալ մի քիչ մեյնսթրիմ և հոգնեցուցիչ: Նկատի ունեմ, որ շրջելով Երևանում, դուք ամենուր կարդում եք AZAT MARD, և նույնիսկ միջազգային նորաձևության միտումներն այժմ հանգեցնում են նրան, որ բրենդները փորձում են անցնել մաքսիմալ փորի տարբերանշանին:

Միշտ կա անհանգստություն, ո՞վ գիտի, թե ինչ անակնկալ է մեզ պատրաստել վաղվա օրը: Ահա թե ինչու է այդքան կարևոր հաճախորդին ներգրավված պահելը: Նոր հետաքրքիր ձևավորում, նոր համագործակցություններ, նոր հայտնիներ, ովքեր միանում են մեր AZAT MARD ընտանիքին:

-Առաջարկում եմ 5 տարի անց նորից հանդիպենք Երևանում և նորից զրուցնեք, կարծում եմ՝ այդ ժամանակ ևս հետաքրքիր զրույց կունենանք։

Համաձայն եմ, ո՞վ գիտի, թե որտեղ ենք երկուսս լինելու 2029-ին և ինչի մասին ենք խոսելու այդ ժամանակ:

Հայաստանում AZAT MARD հավաքածուն ձեռք բերելու ամենալավ տարբերակը azatmardofficial.com կայքն է, որտեղից գնումները ժամանում են 7-15 օրերի ընթքացքում, ինչպես նաև Հյուսիսային պողոտայում գործող YooTo սրահն է, նաև yooto.online հարթակը , որտեղ պաշտոնապես ներկայացված է բրենդը և մշտապես թարմացվում է տեսականին:

Լուսանկարիչ՝ Հայկ Շաբանյան

Նկարահանման վայր՝ Panda Rooftop: