lifestyle

Վերջին տարիներին արհեստական բանականությունն աստիճանաբար մտնում է նորաձևության աշխարհ՝ փոխելով ոչ միայն կոնտենտի ստեղծման ձևերը, այլև բրենդերի ինքնարտահայտման լեզուն։ Եթե նախկինում AI-ն ընկալվում էր որպես ֆուտուրիստիկ գաղափար, ապա այսօր այն դարձել է օգտակար գործիք, որն ակտիվորեն օգտագործվում է համաշխարհային նորաձևության ոլորտում։

Խոշոր բրենդներն արդեն կիրառում են AI կերպարներ՝ որպես մոդելներ, դեմքեր կամ պատմություն փոխանցող կերպարներ։ Այս մոդելներն ապահովում են վերահսկելի և շարունակական ներկայություն՝ առանց ֆիզիկական, ժամանակային կամ լոգիստիկ սահմանափակումների։ AI մոդելները կարող են ադապտացվել տարբեր մարքեթինգային արշավներին, սեզոններին և կոնտենտի ձևաչափերին՝ պահպանելով նույն կերպարն ու նույն լեզուն։

Սակայն AI մոդելների արժեքը միայն տեխնիկական առավելությունների մեջ չէ։ Ժամանակի ընթացքում դրանք սկսում են կրել բրենդի գաղափարախոսությունը, արտացոլել արժեքներ և դառնալ բրենդային հաղորդակցության մի մաս։ Այս փուլում AI-ը դադարում է լինել պարզապես գործիք և վերածվում է լիարժեք բրենդային կերպարի։

Հայաստանի շուկայում այս մոտեցումը դեռ նոր է, սակայն արդեն ունենք տեղական օրինակ։ Մոլլին Երևան Մոլի կողմից ստեղծած AI մոդելն է, որը ներկայացվում է որպես քաղաքի նոր դեմք ու դուրս է գալիս սովորական մոդելի կամ գովազդային կերպարի սահմաններից։ Նրա միջոցով Երևան Մոլը ցույց է տալիս իր նորարարական մտածողությունը և պատրաստակամությունը քայլել ժամանակի հետ համընթաց։ Մոլլին խոսում է այն մասին, որ Երևան Մոլը չի վախենում նոր տեխնոլոգիաներից, նոր հնարավորություններից և համարձակ փորձարկումներից։

INTAGRAM / molly.yerevanmall

Երևան Մոլն առաջին մոլն է Հայաստանում, որը ստեղծել է իր սեփական AI մոդելին՝ որպես բրենդի դեմք։ Սա ոչ միայն տեխնոլոգիական քայլ է, այլև մտածողության փոփոխություն․ Երևան Մոլը բաց է նոր ձևաչափերի, նոր լեզվի և երիտասարդ սերնդի հետ կապ կառուցելու նոր ուղիների համար։

Այս կերպարով Երևան Մոլը ներկայանում է ոչ միայն որպես գնումների վայր, այլ որպես ժամանակակից, զարգացող և նորարար քաղաքային միջավայր, որտեղ տեխնոլոգիան, ոճը և մշակույթը համադրվում են մեկ ամբողջության մեջ։

Մոլլիի կերպարը արտացոլում է Gen Z-ին բնորոշ ազատ մտածողությունը, ինքնարտահայտման համարձակությունը և նորի հանդեպ բաց լինելը։ Նա չի կրկնօրինակում իրական մարդկանց, այլ ձևավորվել է որպես նոր սերնդի մոդել, որը չունի ավանդական սահմանափակումներ և կարող է զարգանալ ժամանակի հետ միասին։

Այս օրինակը ցույց է տալիս, որ հայկական բրենդներն էլ պատրաստ են փորձարկել նոր ձևաչափեր և քայլել համաշխարհային թրենդերին համընթաց։ Երևան Մոլի կողմից AI մոդելի ստեղծումը խոսում է ոչ միայն տեխնոլոգիական հետաքրքրության, այլ մտածողության փոփոխության մասին․ բրենդը պատրաստ է խոսել նոր լեզվով և կառուցել կապ երիտասարդ սերնդի հետ՝ նրանց միջավայրում։

Միևնույն ժամանակ Մոլլին բացում է ավելի լայն քննարկում՝ որտեղ է անցնում սահմանը տեխնոլոգիայի և մարդկային ընկալման միջև։ Երբ մարդիկ մոռանում են, որ իրենց դիմաց AI կերպար է, և սկսում են ընկալել նրան որպես «դեմք», դա արդեն խոսում է ոչ թե տեխնոլոգիայի, այլ ազդեցության մասին։

Ի դեպ, արհեստական բանականությամբ ստեղծված «վիրուալ մոդելներից» մի քանիսը դարձել են հայտնի բրենդերի դեմքեր, հայտնվել են ամսագրերի շապիկներին և միլիոնավոր հետևորդներ են հավաքել սոցիալական ցանցերում։ Ահա 5 ամենահայտնի օրինակները.

1. Shudu Gram
Ստեղծվել է լուսանկարիչ Cameron-James Wilson-ի կողմից ու համարվում է առաջին «վիրուալ սուպերմոդելներից» մեկը: Համագործակցել է այնպիսի բրենդերի հետ, ինչպիսիք են Balmain-ը, Fenty Beauty-ն, ու նույնիսկ հայտնվել է Vogue-ի հետ կապված նախագծերում:

INSTAGRAM

-----------

2. Lil Miquela
Ստեղծվել է Brud ստարտափի կողմից և ունի միլիոնավոր հետևորդներ Instagram-ում: Գովազդել է Prada, Calvin Klein, այլ բրենդեր և հայտնվել է տարբեր ամսագրերի ու մեդիայի հրապարակումներում: Լիլ Միքվելան հաճախ դիտվում է ոչ միայն որպես մոդել, այլ նաև որպես «վիրուալ ինֆլուենսեր» և երաժշտական արտիստ։

INSTAGRAM

-----------

3. Imma
Ճապոնական վիրուալ մոդել՝ հայտնի իր վարդագույն մազերով: Նա համագործակցել է IKEA-ի և այլ բրենդերի հետ, հայտնվել է ճապոնական նորաձևության ամսագրերի շապիկներին ու հաճախ օգտագործվում է տեխնոլոգիայի և ապագայի թեմայով նախագծերում:

INSTAGRAM

-----------

4. Noonoouri
Ստեղծվել է դիզայներ Joerg Zuber-ի կողմից, համագործակցել է այնպիսի բրենդերի հետ, ինչպիսիք են Dior-ը և Versace-ն: Հայտնի է իր անիմացիոն, «տիկնիկային» տեսքով, հայտնվել է սոցիալական մեդիայի և բարձր նորաձևության արշավներում:

INSTAGRAM

-----------

5. Aitana López
Ստեղծվել է Իսպանիայում՝ The Clueless գործակալության կողմից: Նա արագ հայտնի դարձավ սոցիալական ցանցերում որպես «AI ինֆլուենսեր» ու մասնակցեց հագուստի և սպորտային բրենդերի գովազդներին: Օրինակ է, թե ինչպես են ընկերությունները ստեղծում ամբողջովին թվային մոդելներ մարքեթինգի համար:

INSTAGRAM

--------

AI-ը նորաձևության մեջ այսօր այլևս ապագայի թեմա չէ։ Այն արդեն ներկա է և զարգանում է նաև տեղական շուկաներում։ Մոլլիի օրինակը ցույց է տալիս, թե ինչպես կարող է AI մոդելը դառնալ ոչ միայն բովանդակության մաս, այլև քաղաքային միջավայրի անդամ՝ ձևավորելով նոր պատկերացում բրենդի, քաղաքի և ժամանակակից ինքնության մասին։