lifestyle

Հիշեցնեմ, որ օրերս Ստրասբուրգում՝ Եվրոպական խորհրդարանի հրապարակում, տեղի ունեցավ Գագա և Նարա Ամատունիների / Design DeLuxe Interior հեղինակած «Արմատագիր» մոնումենտալ քանդակի հանդիսավոր բացումը։ Ստեղծագործությունը նվիրված է երկխոսության գաղափարին՝ որպես ժողովուրդների խաղաղ համակեցության հիմքի: Քանդակի գաղափարական առանցքում լեզուն է՝ որպես մշակույթի, հիշողության և ինքնության ակունք։

Հայկական այբուբենը՝ աշխարհի հնագույն այբուբեններից մեկը, այստեղ ներկայացված է որպես ամբողջական գեղարվեստական ձևի անբաժանելի մաս՝ ընդգծելով այն գաղափարը, որ յուրաքանչյուր ժողովուրդ պահպանում է իր յուրահատուկ ինքնությունը՝ միաժամանակ գտնվելով ընդհանուր արժեքների և փոխըմբռնման միասնական տարածքում։ Քանդակը մարմնավորում է բազմազանության մեջ միասնության սկզբունքը և հաստատում երկխոսությունը որպես համամարդկային արժեք՝ խաղաղության, փոխադարձ հարգանքի և համագործակցության հիմքում։

Մեզ համար մեծ պատիվ և պատասխանատվություն է ներկայացնել մեր ստեղծագործությունը հենց այստեղ՝ Ստրասբուրգում, Եվրոպական խորհրդարանի հրապարակում՝ մի վայրում, որը խորհրդանշում է ժողովուրդների միջև երկխոսությունը, փոխադարձ հարգանքը և խաղաղ համակեցությունը,-նշում են Գագա և Նարա Ամատունիները:

Ի դեպ, ես ճշտեցի՝ քանդակն այստեղ ժամանակավոր չի տեղադրված, ինչը այս իրադարձությունն ավելի տպավորիչ ու պատմական է դարձնում։

Հայ դիզայներներ և ստեղծագործական զույգ Գագա և Նարա Ամատունիները Design DeLuxe Group ընկերության հիմնադիրներն են։ Նրանք գործունեություն են ծավալում ինտերիերի, էքստերիերի, HoReCa և բեմական դիզայնի ոլորտներում՝ ստեղծելով նախագծեր Հայաստանում և արտերկրում։ Design DeLuxe ընկերությունը ստեղծվել է 1998 թվականին, իսկ 2009 թվականին ստեղծվեց համանուն ամսագիրը, որը երկար ժամանակ համարվում էր ոլորտի լավագույն տպագիր ամսագրերից մեկը՝ ներկայացնելով ճարտարապետության, դիզայնի և մշակույթի կարևոր իրադարձությունները։ Ես այդ ժամանակից հետևում եմ նրանց գործունեությանը՝ անգամ առիթ ունենալով նկարահանել ընկերության հեղինակած մի շարք աշխատանքներ։

Գագա Ամատունին երկար տարիներ զբաղեցրել է նաև Երևանի գլխավոր դիզայների պաշտոնը՝ մասնակցելով քաղաքային միջավայրի ձևավորման մի շարք կարևոր նախաձեռնությունների։ Նրա գործունեության ընթացքում վերականգնվեցին և բարեկարգվեցին քաղաքի բազմաթիվ դալաններ, որոնք ստացան նոր գեղագիտական տեսք։ Նարա Ամատունին հանդես է գալիս որպես ստեղծագործական և արվեստի ուղղության ղեկավար՝ ակտիվորեն մասնակցելով մշակութային, դիզայներական և միջազգային համագործակցության նախագծերին։ Զույգը մասնակցել և հաղթել է նաև մի շարք միջազգային մրցույթներում։ Գագա և Նարա Ամատունիները նաև «Հայկո Հակոբյան» մշակութային հիմնադրամի հոգաբարձուների խորհրդի անդամներ են՝ ներգրավված լինելով արտիստի ստեղծագործական ժառանգության պահպանման և տարածման գործում։ Նրանց ստեղծած բազմաթիվ նախագծերից ես առանձնացրել եմ 10-ը, որոնք անձամբ ինձ հատկապես հարազատ և հետաքրքիր են։ Գրեթե բոլոր այդ վայրերում ես հաճախ եղել եմ, լինում եմ նաև այսօր և և նաև նկարահանել եմ։

Առանձնացրել եմ 10 աշխատանք, որոնք ես ինքս հավանում եմ, գրեթե բոլոր այս վայրերում հաճախ եղել եմ, լինում եմ և նկարահանել եմ: 

Coba club 360 sky restaurant

Pavle Restaurant

Paris Hotel Yerevan

Yans Music Hall

Montmartre Cocktail Bar

Mezzo Club

CÉCILE trattoria (USA)

Cactus Restaurant

Ararat Tavern

 «Արմատագիր». Ստրասբուրգ