lifestyle

NISSI-ն հոգևոր խորհուրդ ունեցող ձեռագործ բացառիկ զարդերի միակ բրենդն է Հայաստանում: NISSI-ի զարդերը դառնում են մնայուն ու հավերժ արժեքներ, որոնք կարող են փոխանցվել միմյանց սերնդեսերունդ ժամանակի ու տարածության մեջ: NISSI ընկերությունը ներկայանում է շուկային իր յուրօրինակ զարդերի տեսականիով, որոնցից յուրաքանչյուրը ունի իր խորհրդանիշը և ստեղծման պատմությունը։ Առաջին խորհրդանշական զարդը «խոնարհված» տառերի կախազարդն էր, ինչը պատահական չէ, քանի որ աշխարհի ամենազորեղ ուժը հավատքն է, որ մեզ ավելի ուժեղ է դարձնում բարդ իրավիճակներում և ավելի է երջանկացնում ուրախ պահերին։ Բրենդի լոգոյի խորհուրդը՝ «Nissi» ընկերության լոգոյի անբաժանելի մասը՝ երեքնուկը Սուրբ երրորդության խորհրդանիշն է։

Բացի էսթետիկ բաղադրիչից զարդերը ունեն գաղափար, որի շուրջ էլ հենց համախմբվում են մարդիկ: Դրանց նպատակն է հիշեցնել միմյանց հավատքի ու հոգևորի մասին, սերմանել ներդաշնակություն սիրելի մարդկանց հոգիներում, փոխանցել մեր հարուստ մշակութային ու պատմական ժառանգությունը, մոտեցնել բնությանն ու արմատներին: NISSI ձեռք բերելով կամ նվիրելով` Դուք փոխանցում ենք մեր սիրելիներին ոչ միայն զարդը, այլև Ձեր սերը, հոգու մի մասնիկը և հենց այն էմոցիաները, որոնցով լցված եք և ուզում ենք փոխանցել տվյալ մարդուն: Այն յուրահատուկ ու արժեքավոր նվեր է հենց յուրահատուկ մարդկանց ու առիթների համար: Ու եթե ցանկանում եք իսկապես արժեքավոր որևէ բան նվիրել, որը կդառնա մնայուն իր և ջերմ հիշողություններ կարթնացնի ձեր սիրո, ընկերության և այլ կարևոր արժեքների մասին, ապա NISSI-ն կդառնա ձեր տարբերվող ընտրությունը: 

 Բրենդի հիմնադիր Մարինա Նուշիկյան 

Ինչու՞ NISSI և ո՞րն է բրենդի հիմնական գաղափարախոսությունը:
«NISSI» թարգմանաբար նշանակում է «հաղթանակ»։ Զարդերի ստեղծման գաղափարն առաջացել է պանդեմիայի ժամանակ, երբ ցանկություն ծագեց զբաղվել մի բանով, որը ներդաշնակություն և հանգստություն կբերի շուրջբոլորը: Բրենդի կարգախոսը հետևյալն է` «Կրելով NISSI` կրում ես այն ամենը, ինչ արժևորում ես»: Զարդերը հոգևոր և պատմական արժեքների արտացոլումն են, հավատքի արտահայտման յուրօրինակ միջոց:

Ինչու՞ որոշեցիք բացի օնլայն վաճառքի տարբերակից ունենալ նաև օֆլայն սրահ:
Այս տարիների ընթացքում NISSI-ն հասցրել է ճանաչվել և սիրվել հանրության կողմից: Բացի օնլայն տարբերակից զարդերի բրենդը ցուցադրված է նաև Dalma Gold Gallery-ում: Իսկ այժմ արդեն բացում ենք մեր նոր կոնցեպտուալ խանութ-սրահը:

Քանի՞ հավաքածու եք ստեղծել այս 4 տարիների ընթացքում, և կա՞ն արդյոք ֆավորիտներ՝ մոդելներ, որոնք բեսթսելլերներ են դարձել:
Հավաքածուներն այս պահին 10-ն են, իսկ ֆավորիտ և բեսթսելլեր մոդելները շատ են: Օրինակ` «Գեղարդ»-ը,«Սեր»-ը, «Քերովբե» և «Այբուբեն» հավաքածուները:

Ո՞րն է Նիսսի զարդերի առանձնահատկությունն ու առաքելությունը և ովքե՞ր են կրում Ձեր աշխատանքները, ինչպե՞ս կբնութագրեք Ձեր հետևորդներին:
NISSI-ն հոգևոր խորհուրդ ունեցող ձեռագործ բացառիկ զարդերի առաջին բրենդն է Հայաստանում: «NISSI»-ի յուրաքանչյուր զարդը միտված է մարդկանց մեջ հավատքի ամրապնդմանը, ներդաշնակություն փոխանցելուն, Աստծուն, բնությանը և նաև մշակույթին մոտեցնելուն: Մեր հետևորդներն ու հաճախորդները մարդիկ են, ովքեր կիսում են մեզ հետ նույն գաղափարները, հավատքի, սիրո մասին պատկերացումները, ցանկանում են բացի զարդից կրել նաև դրա խորհուրդը և տարբերվել:

 Կարծես թե Ձեր զարդերը միայն կանանց համար են, չի՞ եղել արդյոք պահանջ ստեղծել հավաքածու նաև տղամարդկանց համար:
Այո´, NISSI-ի բոլոր հավաքածուներն այս պահին միայն կանանց համար են: Սակայն զգալով պահանջարկը նաև արական սեռի ներկայացուցիչների կողմից` շատ շուտով մեր առաջիկա պլաններում նախատեսում ենք ունենալ տղամարդկանց հավաքածու:

Գրեթե բոլոր զարդերը կրում են քրիստոնեական խորը իմաստ և խորհրդանշում են հավատքը: Ինչպե՞ս եք սկսում նոր զարդի ստեղծումը, ինչի՞ց եք ոգեշնչվում:
NISSI բրենդի յուրաքանչյուր զարդ նախքան ստեղծվելն անցնում է երկար ճանապարհ նախ իմ մտքում և հոգում: Զարդերը հիմնականում արտահայտում են այն հոգեվիճակը, հույզերը, որոնք ես ցանկանում եմ փոխանցել նաև մնացածին: Դրանք իմ գաղափարները, էմոցիաները փոխանցելու, ինչպես նաև ազգային, մշակութային ու հոգևոր արժեքները արտահայտելու ամենալավ միջոցն են: Զարդերի դիզայնը ստեղծելիս ոգեշնչում են բնությունը, քրիստոնեության պատմությունն ու մեր հարուստ պատմությունը, մշակույթը: Ստեղծագործելու համար ինձ առաջնահերթ անհրաժեշտ է բնության հետ շփումը: Հենց քաղաքից դուրս եմ ես լիցքավոուվում: Բնությունն օգնում է ստեղծել նոր գաղափարներ ու ստեղծագործել:

Արդյո՞ք ձեր զարդերը ստեղծելիս հետևում եք նորաձևությանը, թրենդներին:
NISSI-ի զարդերը կարճաժամկետ թրենդների մասին չեն, դրանք ստեղծվում են որպես հավերժ և մնայուն արժեք, որը կարելի է փոխանցել սերնդեսերունդ: Բացի էսթետիկ բաղադրիչից պետք է լինի նաև գաղափար, որի շուրջ էլ հենց համախմբվում են մարդիկ: Իսկ ինձ համար ամենակարևոր գաղափարներից մեկն այն է, որ ամեն շունչը, ամեն ստեղծագործությունը բնության մեջ փառաբանում է Աստծուն: «NISSI»-ի հավաքածուները հավատքի լուռ խորհրդանիշն են և հիշեցնում են աշխարհիկ մարդկանց մեր արմատների, սկզբնաղբյուրի, ինչպես նաև Աստծո անտեսանելի ներկայության մասին:

Առաջարկում եմ միանալ բրենդի սոցիալական էջերին՝ հետևելու համար նոր հավաքածուներին:

Մաշտոցի 35

(091) 77 88 77

FB/IG