Ծաղկաձորի կենտրոնական հրապարակը՝ ամբողջությամբ նոր տեսքով․ Արկադի Դումիկյանի համերգը և «Պալլադա» համալիրի մեծ նախագիծը

Այս միջոցառմանը մասնակցելու հրավերը ստացել էի New City Projects կառուցապատող ընկերությունից, որը, ինչպես արդեն շատերդ գիտեք, հենց Ծաղկաձորի կենտրոնական հատվածում իրականացնում է իր ամենահետաքրքիր նախագծերից մեկը՝ «Պալլադա» (PALLADA) բազմաֆունկցիոնալ բնակելի և հյուրանոցային համալիրը։

Նոր հրապարակ՝ նոր շունչ Ծաղկաձորին

Ծաղկաձորը վերջին տարիներին բավական ակտիվ զարգանում է։ Եթե նախկինում քաղաքը հիմնականում ասոցացվում էր ձմեռային հանգստի, դահուկային սպորտի և ճոպանուղու հետ, ապա այսօր այն աստիճանաբար վերածվում է տարվա բոլոր եղանակներին ակտիվ հանգստի, ժամանցի և զբոսաշրջության կենտրոնի։ Եվ այս համատեքստում կենտրոնական հրապարակի վերափոխումն իսկապես կարևոր իրադարձություն է։ Նորացված տարածքը նախատեսված է ոչ միայն զբոսանքների և հանգստի, այլև քաղաքային միջոցառումների, համերգների ու տարբեր տոնակատարությունների համար։ New City Projects ընկերությունը Pallada Tsaghkadzor նախագծի շրջանակում հիմնովին վերակառուցել է Ծաղկունյաց հրապարակը՝ այն նվիրելով Ծաղկաձոր քաղաքին։ Հրապարակի մակերեսը կազմում է 2 400 քմ։ Իրականացվել է 1 000 քմ կանաչապատում։ Հրապարակի տարածքում տեղադրված են յուրահատուկ դիզայնով նստարաններ, առկա են սահադաշտ եւ շատրվան։ Հրապարակը զարդարում են նաեւ Ծաղկաձորի բնությունը հիշեցնող խորհրդանշական արձաններ։ Նախաձեռնության նպատակն է նոր շունչ հաղորդել քաղաքի հանրային միջավայրին՝ բնակիչների եւ այցելուների համար ստեղծելով հանգստի, հանդիպումների եւ մշակութային միջոցառումների բարեկարգ տարածք։

Երեկվա բացման արարողությունն էլ դրա լավագույն օրինակն էր։ Գեղեցիկ լուսավորություն, բազմաթիվ այցելուներ, տոնական տրամադրություն և Արկադի Դումիկյանի համերգը, որը երեկոն դարձրեց իսկապես հիշարժան։ Ինձ համար հատկապես հաճելի է տեսնել, երբ Հայաստանում իրականացվող կառուցապատման նախագծերը չեն սահմանափակվում միայն նոր շենքերի կառուցմամբ, այլ նաև նպաստում են շրջակա քաղաքային միջավայրի զարգացմանը։

«Պալլադա»․ 8 մասնաշենք և հյուրանոցային սպասարկում

Իսկ հիմա պատմեմ այն նախագծի մասին, որի շնորհիվ New City Projects ընկերությունն արդեն բավական հայտնի է Ծաղկաձորում։ «Պալլադա» (PALLADA) համալիրը կառուցվում է քաղաքի հենց կենտրոնում՝ Ծաղկունյաց հրապարակ 5 հասցեում։ Այն բաղկացած է լինելու 8 մասնաշենքից։ PALLADA-ն Ծաղկաձորի կենտրոնում կառուցվող ութ մասնաշենքից բաղկացած բազմաֆունկցիոնալ համալիր է, որը համադրում է բնակարանները, հյուրանոցային բաղադրիչը եւ հանգստի ենթակառուցվածքները։ Նախագծում նախատեսված են ռեստորաններ եւ սրճարաններ, մանկական ժամանցի կենտրոն, կանաչապատ հանգստի գոտիներ, լողավազան, մարզասրահ, սպա կենտրոն եւ պադելի կորտ։

Սակայն «Պալլադա»-ի գաղափարը պարզապես բնակարաններ կառուցելը չէ։ Նախագիծը համադրում է ժամանակակից բնակելի համալիրի առավելությունները և բարձրակարգ հյուրանոցային սպասարկման հնարավորությունները։ Այսինքն՝ այստեղ բնակարան ձեռք բերողները կարող են օգտագործել այն սեփական հանգստի համար, իսկ ցանկության դեպքում՝ նաև հանձնել մասնագիտացված կառավարման՝ վարձակալության նպատակով։ Համալիրում նախատեսված են շուրջօրյա կոնսիերժի ծառայություն, անվտանգություն, մաքրության և գույքի սպասարկման ծառայություններ։

Ի դեպ, նախագծի կարևոր առանձնահատկություններից է նաև միջազգային հյուրանոցային ոլորտի հետ համագործակցությունը։ 2025 թվականի դեկտեմբերին New City Projects-ը և Best Western Hotels միջազգային հյուրանոցային ցանցը ստորագրել են համագործակցության համաձայնագիր, որի նպատակն է «Պալլադա»-ում ներդնել հյուրանոցային սպասարկման միջազգային չափանիշներ։ Pallada-ի 6-րդ, 7-րդ եւ 8-րդ մասնաշենքերը գործելու են Best Western Premier բրենդի ներքո։ 7-րդ մասնաշենքը գործելու է որպես հյուրանոց, իսկ 6-րդ եւ 8-րդ մասնաշենքերը՝ որպես ապարտամենտներ։ 1–5-րդ մասնաշենքերը գործելու են Best Western-ի ստանդարտներին համապատասխան։ Pallada-ում հնարավոր է ձեռք բերել բնակարան եւ այն հանձնել վարձակալության կառավարմամբ զբաղվող ընկերությանը կամ Best Western-ին՝ վարձակալությունից եկամուտ ստանալու նպատակով։

SPA, լողավազան, ռեստորաններ, պադելի կորտեր և նույնիսկ ուղղաթիռի հարթակ

«Պալլադա»-ի ենթակառուցվածքների ցանկն իսկապես տպավորիչ է։ Նախագծով նախատեսված են լողավազան, SPA կենտրոն, մարզասրահ, պադելի երկու կորտ, ռեստորաններ, սրճարաններ, սուպերմարկետ, մանկական խաղահրապարակ և խաղասրահ։ Քանի որ խոսքը Ծաղկաձորի մասին է, առանձնահատուկ ուշադրություն է դարձվել նաև ձմեռային հանգստի սիրահարներին։ Նախատեսված են դահուկների պահոց-չորանոցներ, ձնագնացների և ամենագնացների կայանման հնարավորություններ։

Համալիրը կունենա նաև ստորգետնյա ավտոկայանատեղիներ, կանաչապատ տարածքներ և, ուշադրություն, նույնիսկ ուղղաթիռի հարթակ՝ տանիքում։ Այս ամենի նպատակն է ստեղծել այնպիսի միջավայր, որտեղ բնակիչներն ու հյուրերը կարող են լիարժեք հանգստանալ՝ առանց համալիրի տարածքից հաճախ դուրս գալու անհրաժեշտության։

Ինչո՞ւ է «Պալլադա»-ի գտնվելու վայրը կարևոր

Անշարժ գույքի ցանկացած նախագծի դեպքում ամենակարևոր գործոններից մեկը գտնվելու վայրն է։ Եվ այս առումով «Պալլադա»-ն ունի բավական հետաքրքիր դիրք։ Համալիրը կառուցվում է Ծաղկաձորի կենտրոնական հրապարակում՝ քաղաքի հիմնական զբոսաշրջային և ժամանցային ենթակառուցվածքների հարևանությամբ։ Մոտակայքում են Կեչառիսի վանական համալիրը, ռեստորանները, սրճարանները, ինչպես նաև Ծաղկաձորի հայտնի ճոպանուղին և ակտիվ հանգստի այլ վայրեր։ Այս տեղակայումը հետաքրքիր է ինչպես սեփական հանգստի համար բնակարան ձեռք բերողների, այնպես էլ նրանց համար, ովքեր Ծաղկաձորի անշարժ գույքը դիտարկում են որպես հնարավոր ներդրում։

New City Projects․ ոչ միայն շինարարություն, այլև քաղաքի զարգացման նոր մոտեցում

Ինձ համար այս նախագծի ամենահետաքրքիր կողմերից մեկն այն է, որ «Պալլադա»-ի կառուցապատմանը զուգահեռ New City Projects ընկերությունը նախաձեռնել է նաև Ծաղկաձորի կենտրոնական հրապարակի վերափոխումը։ Սա այն մոտեցումն է, երբ կառուցապատողը մտածում է ոչ միայն իր համալիրի, այլև այն միջավայրի մասին, որտեղ այդ համալիրն իրականացվում է։

Եվ երեկ արդեն կարող էինք տեսնել այդ աշխատանքի արդյունքը՝ ամբողջությամբ նոր տեսք ստացած կենտրոնական հրապարակը։ Կարծում եմ՝ նման նախագծերը կարևոր են հատկապես Հայաստանի զբոսաշրջային քաղաքների համար, քանի որ ժամանակակից հանրային տարածքները, որակյալ սպասարկումն ու նոր ենթակառուցվածքները կարող են նպաստել ինչպես զբոսաշրջության, այնպես էլ տեղական բիզնեսի զարգացմանը։

Ծաղկաձորը փոխվում է, և դա արդեն տեսանելի է

Երեկվա երեկոն ևս մեկ առիթ էր համոզվելու, որ Ծաղկաձորը շարունակում է փոխվել։ Նորացված կենտրոնական հրապարակը, Արկադի Դումիկյանի գեղեցիկ համերգը, քաղաքի տոնական տրամադրությունը և անմիջապես հարևանությամբ կառուցվող «Պալլադա» համալիրը միասին ստեղծում են զարգացող Ծաղկաձորի նոր պատկերը։ Շնորհակալություն New City Projects ընկերությանը հրավերի և գեղեցիկ երեկոյի համար։ Իսկ ես շարունակելու եմ հետևել «Պալլադա» նախագծի զարգացմանը և ներկայացնել դրա հետաքրքիր նորությունները KAMOBLOG.TV-ում։