lifestyle

Մաաանրամասն բացատրում եմ: WizzAir ընկերությունը Երևանից-Լարնակա ուղիղ չվերթ ունի: Լարնական Կիպրոսի մեծությամբ երրորդ քաղաքնա: Ուղիղ չվերթի տևողությունը կարծեմ մոտ 3 ժամ էր: Լոքոսթ ավիաընկերության հետ ոչ մի կապ չունեմ, սա գովազդ չի, իրականում այն ունի իր շաաատ վատ կողմերն էլ, էնպես որ զգույշ եղեք: Շատ հաճախ փոխում են օրերը, ժամերը, օրինակ օգոստոսի 1-3-ի Երևան-Վիլնյուս իմ չվերթը պարզապես հանեցին: Գումարը իհարկե վերադարձնում են, բայց դե հո գումարը չի էստեղ կարևոր: Ամրագրում եմ ինքս, արդեն ձևը սովորել եմ, բայց կարող եք նաև դիմել տուր-ընկերությունների: Ես գնել էի տոմսս մարտ ամսին 18 եվրոյով՝ Երևան-Լարնակա, մեկ ուղղություն, երբ ավելացնում ես 10 կգ ուղեբեռ, վճարում ես ևս 10 եվրո: Նման ակցիաներ հաճախա լինում, պարզապես պետքա հետևել էփին ու բռնացնել: Օրինակ ընկերներս 5 եվրոյով Աբու Դաբիի տոմս գնեցին ու մեկնեցին, գովազդային մախինացիաներա էլի, բայց ռեալա: Երբ օգոստոսին մեկնում էի, տոմսն արդեն 400 եվրո էր: Հիմա, օրինակ Վիեննայի տոմս եմ գտել նոյեմբեր ամսին, մեկ կողմը 69 եվրո: Ինքնաթիռը նորմալա, սնունդը գնում ես, թռիչքները հիմնականում ցերեկային ժամերին են: Ընտանիքով, իհարկե ավելի դժվարա, քանի որ ուղեբեռա պետք, դե տղաներին ավելի հեշտա՝ մայկաներ, շորտեր ու վերջ: 

Ցերեկը 4-ին թռանք, սովորաբար ուշացումներ են միշտ լինում, օրինակ նախորդ օրվա նույն թռիչքը վերջին պահին չեղարկվել էր, ու մենք մինչև վերջին վայրկյանը ստուգում էինք մեր թռիչքը, բայց մեր բախտն այսպես ասած բերեց: Լարնակայից մինչ Այիա Նապա մոտ 40 րոպե էր, դա իրենց Սրևանն է, բայց ավելի մարդաշատ ու ակումբաշատ:

Արդեն հյուրանոցի, տրանսֆերի և այլ հարցերով ես դիմեցի Sidon Travel ընկերությանը: Այ իրենց կարող եմ հանգիստ սրտով գովազդել, քանի որ փորձված է: Մեզ դիմավորեցին, ուղեկցեցին դեպի հյուրանոց, հյուրանոցն էլ էի հենց Sidon Travel-ում ամրագրել, շատ գոհ եմ նրանց ծառայություններից: Թողնում եմ հղումը:

VASSOS NISSI PLAGE HOTEL. Ուրեմն երբ պատրաստվում էի, գերհոգնած էի ու ընտրեցի այս հյուրանոցը, որը կենտրոնի աղմուկից հեռու է, հանգիստ է, ավելի ընտանեկան: Իրականում երբ մեկնեցի, արդեն փոշմանել էի, քանի որ հակառակը՝ ուզում էի աղմուկ, կենտրոն, բարձր ձայներ: Լավագույն հոթելներից մեկն է, տեսնում եք ինչ սուպեր ափով, հրաշալի սննդով, շատ մեծ համարներով: Ի դեպ, այստեղ շատ էին Հայաստանից ժամանած ընտանիքները, ովքեր հյուրանոցից դուրս էլ չէին գալիս, այնքան կոմֆորտ էր: Առաջին գիծ լավագույն հյուրանոցներից մեկը, երկու բաց ու մեկ փակ լողավազանով, հիմնականում դեպի ծով նայող ընդարձակ համարներով: 

Միանգամից պետքա ասեմ, ու սա գովազդ չի. ԿԻՊՐՈՍՈՒՄ ՀԱՄԵՂ ՉԷՐ ԻՐԵՆՑ ՍՈՒՐՃԸ: Շատ լավա, որ ես իմ սուրճն ունեի, էնպես որ մեր հայկական սուրճի համը էնտեղ կարոտելու եք:

Շատ երկար տարիներ ճանապարհորդում եմ Ռոյալ Արմենիայի հետ միասին ու այս ուղեցույցը ստեղծում եմ նրանց շնորհիվ:

Ես տաքսիներից եմ օգտվել էնտեղ, այդպես ավելի հարմար էր: 10 եվրո ուր ուզես, կապ չունի 10 եվրոյից չի անցնում գինը: Կարող եք կվադրոցիկլ ամրագրել, մոտոցիկլ, բուռան...ամեն ինչ: Գինը՝ 10-150 դոլար:

Շատ դուր եկավ այս մեծ տաքսիները, որտեղ 6-8 անձ տեղավորվում են: Ընտանեկան կամ ընկերական հանգստի դեպքում հիանալի տարբերակ է:

LOVE BRIDGE. Այիա Նապայի Instagram-յան գլխավոր գրավչությունը Սիրո կամուրջն է։ Գեղեցիկ բնական կազմավորում, որը սիրում են բոլորն առանց բացառության։ Սիրո կամուրջը գտնվում է Pantachou Beach-ի և Glyki Nero լողափերի անմիջապես հետևում:

VASSOS PSAROLIMANO. Միակ նորմալ ռեստորանը, որը մենք գտանք ծովի ափին: Հենց տեղում կշռում ես լոբստերը ու հետևում ես, թե իչպես են պատրաստում: Ամենահայտնի ու մարդաշատ սիֆուդ ռեստորանը, որտեղ ավելի լավ է նախապես սեղան ամրագրել: Եթե սիֆուդի սիրահար չեք, այցելեք հենց կենտրոնական հրապարակում գործող MEGU ճապոնական ռեստորան, որը մնացած ռեստորանների ֆոնին տարբերվեց նորմալ սպասարկմամբ, սպասքով ու ցիվիլ այցելուներով: Ի դպ, մենյուում կա KAMO ուտեստ, որը բադի միս է տերիակի սոուսով: 

THE BLACK PEARL PIRATES. Այստեղի ամենահետաքրքիր տուրերից մեկը, մի քանի ժամ շրջում ես ծովահենի նավով, մասնակցում խաղերի, իհարկե լուսանկարվում ծովահենների հետ: Տուրի արժեքը՝ 45 եվրո:

MUSAN UNDERWATER MUSEUM. Մի փոքր բարդ, բայց հետաքրքիր նոր ատրակցիոն: Նախապես ամրագրում ես դայվինգ ծառայություն, հետո հայտնվում ես Musan թանգարանում, որը ծովի հատակին է: Անկազմակերպ ընկերություն բայց ֆանտաստիկ էմոցիաներ: Արժեքը 70-80 եվրո: Կա ևս մեկ դայվինք ատրակցիոն, արդեն ջրային կրիաների հետ: Հարցրեք Ձեր հոթելում:

NISSI BEACH. Այիա Նապայի լավագույն լողափը՝ նուրբ սպիտակ ավազով և ափից դուրս գտնվող փոքրիկ կղզով: Միշտ կա մյուզիք, ֆաստֆուդ ու լիքը ռուս (ի դեպ, հայերն էլ քիչ չէին):

THE CASTLE CLUB. Այիա Նապայի միակ նորմալ ակումբը 4 պարահրապարակով և ամեն շաբաթ կազմակերպվող boat party-երով: Այիա Նապայի ակումբային հասարակությունը՝ 18-25 տարեկան: 

Չմոռանաք բերել էնտեղից...հասկացաք ինչ: Իրականում խոնավությունն այնքան էր, որ լողափից մինչ համար հասնում ես, արդեն հարբուխ ունես: Չմոռանաք մեկնել շաաաատ մեծ ԱՊՏԵՉԿԱՅՈՎ:

Այս տարի հայերի ամենասիրված հանգստի տարբերակն էր Այիա Նապան: Ինքս էլ չեմ վերադառնա, իմը չէր, բայց երիտասարդների համար կարծում եմ լավ տարբերակա:

Կհարցնեք, մեկ կողքի արժեքը 18 եվրո էր, բա հետո՞: Հետո Այիա Նապայից, նույն WizzAir գնեցի տոմս դեպի Հռոմ, 40 եվրոյով, հետո Հռոմից դեպի Իբիցա՝ 10 եվրոյով, Իբիցայից Վիեննա՝ 24 եվրոյով, Վիեննայից Երևան՝ 99 եվրոյով: Ամեն ինչ մանրամասն ներկայացնում եմ իմ ինստագրամյան էջում, կարող եք միանալ ու հետևել, նաև սպասել հոկտեմբեր ամսին պլանավորված երկու սուպեր ուղևորություններիս: Տեղադրում եմ մի քանի ֆոտոներ արդեն Հռոմից: