White House-ը վերաբացվեց Պապ Թագավոր 24-ում՝ ավելի մեծ ու ընդլայնված ձևաչափով

White House-ի հիմնադիրը Ամալյա Մալխասյանն է՝ գործարար և բիզնես քոուչ, ով տարիների ընթացքում փոքրիկ գեղեցկության սրահը վերածել է իր ձեռագիրն ու հավատարիմ հաճախորդներն ունեցող բրենդի։

Ամալյայի պատմությունն իրականում հետաքրքիր է նաև բիզնեսի տեսանկյունից։ Սիրահարվելով և ամուսնանալով Հայաստանում՝ նա տեղափոխվեց այստեղ և հենց քովիդյան տարիներին սկսեց իր առաջին փոքրիկ կոսմետիկ սրահի բիզնեսը։

Տարիների ընթացքում այն աստիճանաբար ընդլայնվեց և դարձավ White House՝ կենտրոնանալով հատկապես մատնահարդարման և ոտնահարդարման բարձրակարգ ծառայությունների վրա։ Սրահը նախկինում գործել է այլ հասցեներում, իսկ այսօր արդեն հասել է զարգացման նոր փուլի՝ վերածվելով մեծ, լուսավոր ու երկհարկանի գեղեցկության տարածքի։

Նոր White House-ում շատ լույս կա, տարածքը բաց է ու հարմարավետ, բայց միաժամանակ մտածված է նաև նրանց մասին, ովքեր նախընտրում են առավել առանձնացված սպասարկում։ Սրահում կա 4 առանձին սենյակ, որտեղ հնարավոր է հանգիստ անցկացնել պրոցեդուրան՝ առանց ընդհանուր սրահի ակտիվության։

Ի դեպ, White House-ի մթնոլորտի մեջ շատ զգացվում է հենց Ամալյայի բնավորությունը։ Նա չափազանց հյուրընկալ, անմիջական ու բաց մարդ է, և իր ստեղծած բիզնեսն էլ կարծես ստացել է նույն վայբը․ այստեղ փորձում են այնպես անել, որ հաճախորդը ոչ միայն ստանա ծառայություն, այլ նաև մի քանի ժամով կտրվի առօրյայից։

White House-ի հիմնական ուղղությունը պրոֆեսիոնալ մատնահարդարումն ու ոտնահարդարումն է՝ ինչպես կանանց, այնպես էլ տղամարդկանց համար։

Այստեղ կարելի է կատարել դասական և ապարատային մատնահարդարում ու ոտնահարդարում, եղունգների ծածկույթ, ամրացում, ձևի և երկարության շտկում, դիզայն և խնամքի տարբեր պրոցեդուրաներ։

Հատկապես հարմար է նրանց համար, ովքեր միշտ ժամանակի խնդիր ունեն․ White House-ում առաջարկվում է նաև միաժամանակյա սպասարկում՝ 4 կամ 6 ձեռքով։ Այսինքն՝ մի քանի մասնագետ կարող են միաժամանակ իրականացնել տարբեր պրոցեդուրաներ, ինչը զգալիորեն կրճատում է սրահում անցկացրած ժամանակը։

Դրա համար նախատեսված են հատուկ հարմարավետ բազկաթոռներ, որոնց կոնցեպտը հիշեցնում է ինքնաթիռի բիզնես դասի սպասարկումը․ դուք հանգստանում եք, իսկ մասնագետները միաժամանակ աշխատում են։

Ծառայությունների ցանկը չի սահմանափակվում միայն եղունգներով։ White House-ում հասանելի են նաև հոնքերի և թարթիչների ծառայություններ, իսկ մասնագետները պարբերաբար վերապատրաստումներ են անցնում արտերկրում՝ հետևելով ոլորտի նոր տեխնիկաներին և ստանդարտներին։

Առանձին ուշադրություն է դարձվում նաև խնդրահարույց եղունգների և ոտքերի խնամքին։ Անհրաժեշտության դեպքում հաճախորդները կարող են դիմել համապատասխան մասնագետի՝ եղունգների և ոտնաթաթերի տարբեր խնդիրների ու պաթոլոգիական դեպքերի մասնագիտական խնամքի և խորհրդատվության համար։

Hermès, Sultan de Saba և մանրուքներ, որոնք փոխում են սպասարկման մակարդակը

Ես ինքս հասցրել եմ սպասարկվել White House-ում դեռևս պաշտոնական վերաբացումից առաջ։ Ինձ համար ամենակարևորներից մեկը որակյալ նյութերի օգտագործումն էր և այն մանրուքները, որոնցից իրականում ձևավորվում է պրեմիում սպասարկումը։

Օրինակ՝ առանձին սենյակում պրոցեդուրայից հետո ինձ համար ձեռքերի մերսում արեցին Hermès-ի խնամքի միջոցներով։ Նրանք, ովքեր ծանոթ են բրենդին և գնահատում են նման դետալները, արդեն կարող են պատկերացնել, թե սպասարկման ինչ նշաձող է փորձում սահմանել White House-ը։

Սրահում օգտագործվում են նաև Sultan de Saba պրեմիում խնամքի միջոցներ։ Այսինքն՝ շեշտը դրված է ոչ միայն վերջնական արդյունքի, այլ ամբողջ պրոցեսի՝ հարմարավետության, խնամքի և հաճելի զգացողության վրա։

White House-ը վստահ է նաև իր մասնագետների աշխատանքի որակի հարցում․ կատարված աշխատանքի համար, կախված ծառայությունից, գործում է 7–14 օրվա երաշխիք։

Եվ ևս մեկ կարևոր ծառայություն, որը հատկապես հարմար է զբաղված մարդկանց համար․ White House-ի մասնագետները նաև այցելում են տուն։ Այսինքն՝ եթե որևէ պատճառով չեք ցանկանում կամ չեք կարող այցելել սրահ, հնարավոր է կազմակերպել սպասարկումը ձեր տանը։

Սրահում առանձնահատուկ ուշադրություն է դարձվում հիգիենային և անվտանգությանը։ Աշխատանքային աքսեսուարների մեծ մասը մեկանգամյա օգտագործման է, ինչը շատ հաճախորդների համար կարևոր և վստահություն ներշնչող առավելություն է։

Առաջին հարկում գործում է նաև առանձին ախտահանման և ստերիլիզացման սենյակ, որտեղ յուրաքանչյուր գործիք անցնում է մշակման բոլոր անհրաժեշտ փուլերը։ Ստերիլիզացման գործընթացին այստեղ մեծ կարևորություն են տալիս՝ ապահովելով մաքրության և անվտանգության բարձր չափանիշներ յուրաքանչյուր հաճախորդի համար։

Սրահը հիմնականում աշխատում է 09:00–21:00, սակայն ժամային գրաֆիկը կարող է ճկուն լինել՝ պայմանավորված նախնական գրանցումներով։ White House-ը պարզապես հերթական գեղեցկության սրահը չէ։ Այստեղ փորձել են ստեղծել մի տարածք, որտեղ յուրաքանչյուր հաճախորդ ստանում է ոչ միայն որակյալ ծառայություն, այլև ուշադրություն, հանգիստ ու այն զգացողությունը, որ այդ մի քանի ժամը հենց իրենն է։

Ինձ համար այս վերաբացումը հետաքրքիր է նաև նրանով, որ այստեղ տեսանելի է մի բիզնեսի իրական աճը՝ փոքր տարածքից մինչև արդեն մեծ, երկհարկանի և ամբողջական կոնցեպտով սրահ։

Եթե հետաքրքրվում եք բիզնեսով կամ ինքներդ ցանկանում եք սկսել ձեր գործը, խորհուրդ կտամ նախ միանալ նաև Ամալյա Մալխասյանի անձնական էջին։ Նա այնտեղ բավական բաց կիսվում է իր բիզնեսի ընթացքով, փորձով, դժվարություններով ու խորհուրդներով, սովորեցնում և ուղղորդում է սկսնակ կանանց, ովքեր ցանկանում են իրենց առաջին քայլերն անել բիզնեսում։

INSTAGRAM/amalia_pro_beauty_