Հայկական PIRALOFF բրենդի սրահի բացումը Աբովյան 21 հասցեում

Piraloff-ը Roberto Piraloff խանութների ցանցի առավել պրեմիում ուղղությունն է, որը ստեղծվել է այն հաճախորդների համար, ովքեր գնահատում են բացառիկ դիզայնը, բարձրակարգ վարպետությունն ու անհատական մոտեցումը։ Ի տարբերություն Roberto Piraloff-ի բազմաբրենդային տեսականու՝ Piraloff սրահում ներկայացված է հիմնականում հայկական արտադրության համանուն ապրանքանիշը, որն արտադրվում է Հայաստանում՝ հայկական վարպետության և իտալական տեխնոլոգիաների համադրությամբ։

Նորաբաց սրահում հաճախորդները կարող են ոչ միայն ընտրել պատրաստի հավաքածուներից, այլև օգտվել անհատական պատվերի ծառայությունից։ Այստեղ հնարավոր է պատվիրել կոշիկներ՝ հաշվի առնելով անձնական նախասիրությունները, նյութերի, գույների և դիզայնի ընտրությունը՝ ստանալով յուրահատուկ, անհատական ոճին համապատասխան մոդել։

Բացի հիմնական տեսականուց, սրահում ներկայացված է նաև էքսկլյուզիվ մոդելների հավաքածու, որը նախատեսված է առավել պահանջկոտ և բացառիկ լուծումներ նախընտրող հաճախորդների համար։ Այս շարքում ընդգրկված են սահմանափակ քանակությամբ արտադրվող, ավելի պրեմիում և հեղինակային մոդելներ, որոնք ընդգծում են Piraloff-ի գլխավոր գաղափարը՝ ստեղծել ոչ պարզապես կոշիկ, այլ անհատականություն արտահայտող արվեստի գործ։

Բացման շնորհանդեսը վարում էր սիրված դերասան Արսեն Գրիգորյանը, ով տարիներ շարունակ հանդիսանում է Roberto Piraloff-ի ամենաճանաչված դեսպաններից և բազմիցս ներկայացրել է բրենդի նոր հավաքածուները՝ իր նրբաճաշակ ոճով ու բարձր գնահատանքով հայկական արտադրանքի նկատմամբ։

Piraloff՝ հայկական արտադրություն՝ միջազգային որակով

Նորաբաց սրահի գլխավոր հերոսը Piraloff ապրանքանիշն է՝ հայկական արտադրանք, որը ստեղծվում է Հայաստանում՝ իտալական տեխնոլոգիաների, սարքավորումների և մասնագիտական փորձի համադրությամբ։ Ընկերության պատմությունը սկսվել է 1991-1992 թվականներին, իսկ այսօր Piraloff-ը դարձել է հայկական կոշկագործության վերածննդի խորհրդանիշներից մեկը։ Արտադրությունն իրականացվում է ժամանակակից գործարանում, որտեղ հայ վարպետները վերապատրաստվում են իտալացի մասնագետների հետ, իսկ արտադրության որակը մշտապես վերահսկվում է միջազգային չափանիշներին համապատասխան։

30 տարվա ճանապարհ՝ վստահության և որակի հետ

Այս տարին առանձնահատուկ է ընկերության համար, քանի որ Roberto Piraloff-ը նշում է իր 30-ամյակը։ Երեք տասնամյակի ընթացքում բրենդը դարձել է հայկական նորաձևության ոլորտի ամենաճանաչված անուններից մեկը՝ համադրելով միջազգային միտումները, բարձր որակը և հաճախորդների վստահությունը։ Այսօր Roberto Piraloff-ը ներկայացված է Երևանում, Գյումրիում, Վանաձորում և շարունակում է ընդլայնել իր գործունեությունը։

Նորաբաց սրահը ևս մեկ կարևոր քայլ է ընկերության զարգացման ճանապարհին՝ առաջարկելով ամբողջությամբ հայկական Piraloff հավաքածուն մեկ վայրում և ստեղծելով նոր հարթակ նրանց համար, ովքեր ընտրում են ոճը, որակը և հայկական արտադրությունը։

Աբովյան 21, 011-255 855
Ամեն օր՝ 10:00-22:00

FB / IG