Sweet Travel-ը նշում է 16-ամյակը․ նոր հասցե, նոր ծրագրեր և շքեղ նվերներ հավատարիմ հաճախորդներին

2010 թվականին հիմնադրված Sweet Travel-ն այսօր արդեն 16 տարվա փորձ ունի զբոսաշրջության ոլորտում։ Այս տարիների ընթացքում ընկերությանը հաջողվել է ձևավորել հավատարիմ հաճախորդների մեծ շրջանակ, որոնցից շատերը շարունակում են իրենց ճանապարհորդությունները վստահել հենց Sweet Travel-ին։ Եվ սա, թերևս, ցանկացած տուրիստական ընկերության աշխատանքի որակի ու հուսալիության լավագույն գնահատականներից մեկն է։ Հետաքրքիր էր, որ նոր գրասենյակի բացման հյուրերի թվում կային նաև մարդիկ, որոնք ընկերության կողքին են գործունեության առաջին իսկ օրերից։ Սա ևս մեկ անգամ փաստում է, որ տարիների ընթացքում ձևավորված վստահությունն ու մարդկային հարաբերությունները բիզնեսի հաջողության կարևորագույն բաղադրիչներից են։

Նոր գրասենյակ՝ նոր հնարավորությունների և ծրագրերի համար

Sweet Travel-ի նոր գրասենյակի բացումը պարզապես հասցեի կամ տարածքի փոփոխություն չէ։ Ընկերության համար սա զարգացման նոր փուլ է՝ նոր նախագծերով, ընդլայնվող հնարավորություններով և սպասարկման նոր չափանիշներով։ Զբոսաշրջության ոլորտը մշտապես փոփոխվում է։ Փոխվում են ճանապարհորդների նախասիրությունները, պահանջները, հանգստի կազմակերպման ձևաչափերը, և բնականաբար, փոխվում են նաև տուրիստական ընկերությունների աշխատանքի մոտեցումները։ Sweet Travel-ում վստահ են, որ նոր ժամանակաշրջանը պահանջում է նոր լուծումներ, իսկ նոր գրասենյակը հենց այդ փոփոխությունների ու զարգացման խորհրդանիշն է։

Ճանապարհորդությունը միայն ավիատոմս կամ հյուրանոց ամրագրելը չէ

Sweet Travel-ի աշխատանքի կարևորագույն սկզբունքներից մեկն այն է, որ հաճախորդի հետ համագործակցությունը չի ավարտվում տուրիստական փաթեթի վաճառքով։ Ընկերությունում համոզված են, որ լավ կազմակերպված հանգիստը սկսվում է դեռ առաջին խորհրդատվությունից և շարունակվում մինչև հաճախորդի վերադարձը Հայաստան։ «Մեզ համար ճանապարհորդությունը պարզապես ավիատոմս կամ հյուրանոց ամրագրելը չէ։ Մենք մեր հաճախորդների կողքին ենք մեկնելու պահից մինչև վերադարձ՝ մշտապես կապի մեջ լինելով նրանց հետ»,– նշում է հիմնադիր Լուիսնե Համբարյանը։

Sweet Travel-ը տարբեր երկրներում ունի վստահելի գործընկերներ, ինչը հնարավորություն է տալիս ճանապարհորդության ընթացքում առաջացած խնդիրներին արագ արձագանքել և հնարավորինս կարճ ժամանակահատվածում լուծումներ գտնել։ Ի վերջո, որքան էլ մանրակրկիտ կազմակերպված լինի հանգիստը, զբոսաշրջությունն այն ոլորտներից է, որտեղ երբեմն հնարավոր չէ բացառել չնախատեսված իրավիճակները։ Չվերթների փոփոխություններ, հյուրանոցային հարցեր կամ այլ կազմակերպչական խնդիրներ կարող են առաջանալ ցանկացած ճանապարհորդության ընթացքում։ 16 տարիների ընթացքում Sweet Travel-ը ձեռք է բերել այնպիսի փորձառություն, որը թույլ է տալիս ոչ միայն կազմակերպել հետաքրքիր ճանապարհորդություններ, այլև հաճախորդներին ապահովել առավել հանգիստ ու վստահելի սպասարկմամբ։

Հանգիստ՝ տարբեր նախասիրությունների և բյուջեների համար

Ընկերության առավելություններից մեկն անհատական մոտեցումն է յուրաքանչյուր հաճախորդին։ Sweet Travel-ում ընդգծում են, որ իրենց կարող են դիմել տարբեր բյուջե ունեցող ճանապարհորդներ։ Կարևորը հաճախորդի ցանկությունները, նախասիրություններն ու հնարավորությունները հասկանալն է, որից հետո մասնագետներն առաջարկում են համապատասխան տարբերակները։ Այստեղ փորձում են յուրաքանչյուրի հետ առանձին քննարկել ճանապարհորդության մանրամասները՝ ուղղությունից և հյուրանոցի ընտրությունից մինչև հանգստի ձևաչափն ու նախատեսված ծախսերը։ Այս մոտեցումն էլ տարիների ընթացքում օգնել է ընկերությանը ոչ միայն ձեռք բերել նոր հաճախորդներ, այլև պահպանել երկարամյա համագործակցությունները։

Մալդիվներ, Սեյշելներ, Բալի և այլ պահանջված ուղղություններ

Sweet Travel-ի ամենապահանջված ուղղություններից են Մալդիվները, Սեյշելյան կղզիները, Բալին, Սինգապուրը, Թաիլանդն ու Մալայզիան։ Հատկապես առանձնանում են Մալդիվները, որոնց ուղղությամբ ընկերությունն ունի բացառիկ գործընկերային պայմանավորվածություններ։ Դրանց շնորհիվ Sweet Travel-ը կարողանում է հաճախորդներին առաջարկել հատուկ պայմաններով հանգստի փաթեթներ։Իհարկե, ընկերության առաջարկները չեն սահմանափակվում միայն այս ուղղություններով։ Յուրաքանչյուր հաճախորդի համար ընտրվում է իր նախասիրություններին և հնարավորություններին համապատասխան ճանապարհորդություն։

16-ամյակի ամենասպասված պահը՝ շքեղ խաղարկություն հաճախորդների համար

Նոր գրասենյակի բացումն ու ընկերության 16-ամյակը նշանավորվեցին նաև հաճելի անակնկալներով։ Sweet Travel-ը որոշել էր իր տոնական օրը կիսել հաճախորդների հետ՝ կազմակերպելով հատուկ խաղարկություն, որի ընթացքում խաղարկվեցին արժեքավոր ճանապարհորդական նվերներ։ Մրցանակների թվում էին հյուրանոցային կացություններ Միկոնոսում, Դոհայում և Մալդիվներում, այդ թվում՝ 7-օրյա հանգիստ 5-աստղանի հյուրանոցում, ինչպես նաև ավիատոմսեր մեկ անձի համար։ Գլխավոր մրցանակը Մալդիվներում հանգիստն էր, ինչը պատահական չէր․ հենց այս ուղղությունն է Sweet Travel-ի մասնագիտացված և առանձնահատուկ գործընկերային առաջարկներից մեկը։

16 տարվա վստահություն և նոր սկիզբ

Sweet Travel-ի պատմությունը լավ օրինակ է, թե ինչպես կարող են տարիների հետևողական աշխատանքը, հաճախորդների հանդեպ հոգատարությունն ու վստահելի գործընկերային հարաբերությունները վերածվել կայուն և զարգացող բիզնեսի։ Այսօր ընկերությունը շարունակում է ընդլայնել իր հաճախորդների շրջանակը, զարգացնել միջազգային համագործակցությունները և ներկայացնել նոր առաջարկներ։ Նոր գրասենյակը նոր հնարավորությունների սկիզբ է, իսկ 16-ամյակը՝ լավ առիթ հետադարձ հայացք գցելու անցած ճանապարհին և նոր նպատակներ սահմանելու համար։