BELLAGIO-Ն ԱՄԱՌԸ ՍԿՍԵՑ ՆՈՐ ՁԵՎԱՉԱՓՈՎ

Երևանի հյուրընկալության ոլորտում կան անուններ, որոնք վաղուց արդեն դարձել են որակի, ավանդույթի և վստահության խորհրդանիշ։ Այդպիսի բրենդ է BELLAGIO-ն, որն արդեն 23 տարի շարունակ իր առանձնահատուկ տեղն ունի երևանցիների և քաղաքի հյուրերի սրտերում։ Այս ամառ BELLAGIO-ն իր հյուրերին ներկայացնում է լիովին նորացված ամառային սրահը, որն առանձնանում է ժամանակակից ձևավորմամբ, նոր կոնցեպտով և ավելի հարմարավետ միջավայրով։ Նոր տարածքը ստեղծվել է այնպես, որ համատեղի ընտանեկան ջերմությունը, ընկերական հանդիպումների հաճելի մթնոլորտը և տոնական երեկոների էներգիան։

Տարիների ընթացքում BELLAGIO-ում նշվել են հազարավոր ծննդյան տոներ, հարսանիքներ, կնունքներ, ընտանեկան և կորպորատիվ միջոցառումներ։ Սակայն BELLAGIO-ն երբեք չի սահմանափակվել միայն անցյալի հաջողություններով. տարիների հետ այն շարունակել է զարգանալ, կատարելագործվել և ամրապնդել իր հեղինակությունը՝ պահպանելով ամենակարևորը՝ բարձր որակը, բացառիկ սպասարկումը և իսկական հայկական հյուրընկալությունը։

Ամառային երեկոները BELLAGIO-ում մեկնարկում են ամեն օր՝ 19:00-ից մինչև 23:00-ը՝ կենդանի երաժշտության ուղեկցությամբ։ Իսկ 23:00-ից հետո, պահպանելով գործող կանոնակարգերը, երեկոն շարունակվում է ավելի հանգիստ ու հաճելի ձևաչափով՝ ստեղծելով հարմարավետ միջավայր հյուրերի համար։

BELLAGIO-ի գլխավոր այցեքարտերից մեկը շարունակում է մնալ ռեստորանի լեգենդար BELLAGIO բենդը՝ Արթուր Բուռնուչյանի գլխավորությամբ։ Տարիների ընթացքում այն դարձել է հաստատության անբաժանելի մասը՝ ներկայացնելով բազմաժանր երաժշտական ծրագիր՝ հայկական սիրված երգերից մինչև համաշխարհային դասական և ժամանակակից հիթեր։ Թեև BELLAGIO-ի բեմում պարբերաբար ելույթ են ունենում հանրահայտ և սիրված արտիստներ, հյուրերի համար հաստատության գլխավոր երաժշտական խորհրդանիշը շարունակում է մնալ հենց BELLAGIO BAND-ը։

Ամառային սրահի բացման անակնկալը դարձավ Մարբեյի ակումբային live set-ը, որը ներկայացվեց միայն այդ երեկոյի համար՝ ստեղծելով յուրահատուկ մթնոլորտ և հիշարժան մեկնարկ նոր սեզոնի համար։ Սակայն նորությունները շարունակվում են։ Շուտով BELLAGIO-ն կներկայացնի նաև իր նոր VIP հատվածը, որն առանձնանալու է նոր ձևավորմամբ, ավելի մասնավոր մթնոլորտով և բարձրակարգ սպասարկման նոր մշակույթով։ Ի դեպ, ամառային սրահի նոր ձևավորումը վստահվել էր MON AMIE սրահին:

23 տարի անց BELLAGIO-ն շարունակում է մնալ Երևանի հյուրընկալության մշակույթի կարևոր խորհրդանիշներից մեկը։ Տարիները միայն ամրապնդել են այն արժեքները, որոնց վրա կառուցվել է այս բրենդը՝ որակ, վստահություն, պրոֆեսիոնալիզմ և հյուրերի նկատմամբ առանձնահատուկ վերաբերմունք։

BELLAGIO-ն պարզապես ռեստորան չէ․ այն վայր է, որտեղ ստեղծվում են հիշողություններ, նշվում կյանքի կարևորագույն պահերը և ձևավորվում են գեղեցիկ ավանդույթներ։