Շառլ Ազնավուրի արձանի բացումը Երևանում

Քիչ առաջ Երևանի Շառլ Ազնավուրի անվան հրապարակում բացվեց Հայաստանի ազգային հերոս, ֆրանսահայ նշանավոր երգիչ, շանսոնիե, բանաստեղծ և հասարակական գործիչ Շառլ Ազնավուրի արձանը: Երևանի քաղաքապետի նախաձեռնությամբ 2024 թվականին, մեծանուն արվեստագետի ծննդյան 100-ամյակի շրջանակներում, հայտարարվեց Ազնավուրի արձանի էսքիզային նախագծերի մրցույթ, որում, մրցութային հանձնաժողովի քվեարկությամբ, հաղթող ճանաչվեց քանդակագործ Դավիթ Մինասյանի հեղինակած նախագիծը:

Երևանի քաղաքապետարանն առաջին անգամ իր վրա է վերցրել «Լա Բոհեմ» արձանի տեղադրման ամբողջ ֆինանսավորումը՝ հատկացնելով շուրջ 85 միլիոն դրամ: «Լա Բոհեմ» վերնագիրը կրող արձանի մտահղացման հիմքում ընկած է Ազնավուրի կերպարը՝ հանդիսատեսի ծափահարությունների ուղեկցմամբ՝ «Լա Բոհեմ» երգի կատարման ընթացքում։

Արձանը պատրաստված է բրոնզից, օգտագործվել են նաև այլ նյութեր՝ մարմար, կարմիր էմալ: Քանդակագործ՝ Դավիթ Մինասյան: Դավիթ Մինասյանը հայ քանդակագործ և բեմանկարիչ է, Հայաստանի վաստակավոր նկարիչ, ծնվել է Թբիլիսիում։ Նրա աշխատանքաներից Ձեզ ծանոթ են «Տղամարդիկ» արձանը, Սոս Սարգսյանի հուշարձանը, լեոնիդ Ենգիբարյանի հուշարձանը, «Հնչող արձան»-ը, Արամ Մանուկյանի հուշարձանը: