END Skylounge Bar & Restaurant. Նոր ամառային հասցե Երևանի սրտում

Այս պահին գործում է բացօթյա հատվածը, որը քաղաքի կենտրոնում առաջարկում է նոր ձևաչափի ժամանցային միջավայր՝ համադրելով բարձրակարգ սպասարկումը, հեղինակային կոկտեյլները, երաժշտությունն ու Երևանի համայնապատկերային տեսարանները։ Շուտով կգործարկվի նաև փակ լաունջ հատվածը, որը տեղակայված է նույն հարկի տակ և հանդիսանում է առանձին նախագիծ։ Երկու նախագծերն էլ միավորված են END բրենդի և կոնցեպտի ներքո։

Հեղինակը ճարտարապետ ու դիզայներ Ժյուլիեն Ֆարհատն է՝ ARCREA Studio ընկերության հիմնադիրը։ Նա արդեն շուրջ 20 տարի զբաղվում է ճարտարապետական, ինտերիերի և քաղաքաշինական նախագծերի ստեղծմամբ։ ARCREA Studio-ն միջազգային ճարտարապետական ստուդիա է, որի գլխավոր գրասենյակը գտնվում է Ֆրանսիայում, իսկ ակտիվ գրասենյակներ ունի նաև Բեյրութում, Ստամբուլում և Նիկոսիայում։ Ընկերությունը նախագծեր է իրականացրել Ֆրանսիայում, Լիբանանում, Թուրքիայում, Կիպրոսում և Մերձավոր Արևելքի տարբեր երկրներում։

Ժյուլիեն Ֆարհատը հայտնի է իր ժամանակակից և մինիմալիստական ճարտարապետական մոտեցմամբ, որտեղ մեծ ուշադրություն է դարձվում լույսի, տարածության և նյութերի ներդաշնակ համադրությանը։ Նախագծի կառուցապատումը վստահվել են MIQ.SHIN ընկերությանը, որի աշխատանքների շնորհիվ տարածքը ստացել է ժամանակակից, մինիմալիստական և քաղաքային միջավայրին համահունչ տեսք։

Տարիների ընթացքում ձևավորված փորձն ու լսարանի պահանջների խորքային ըմբռնումը դարձել են END Skylounge-ի ստեղծման հիմքը՝ նպատակ ունենալով Երևանում ձևավորել միջազգային չափանիշներին համապատասխան նոր ժամանցային մշակույթ և բարձրակարգ լաունջային միջավայր։ END Skylounge-ը նպատակ ունի Երևան բերել միջազգային ակումբային և լաունջ մշակույթին մոտ ձևաչափ։ Հատուկ ուշադրություն է դարձվում մթնոլորտին, հյուրերի ընտրությանը և սպասարկման որակին, ինչի համար գործում է նաև խիստ face control համակարգ։

Երաժշտական քաղաքականության հիմքում ժամանակակից house, afro house և melodic house ուղղություններն են։ Ռեզիդենտ DJ-ներից բացի, այստեղ պարբերաբար ելույթ կունենան նաև արտերկրից հրավիրված արտիստներ։ Ամսվա ընթացքում նախատեսված են հատուկ հյուր-դիջեյներով վիքենդներ, որոնք END-ը դարձնելու են քաղաքի նոր երաժշտական կենտրոններից մեկը։

END Skylounge Bar & Restaurant-ը գտնվում է Opera Suite Hotel-ի տանիքում՝ Երևանի մշակութային և ժամանցային կյանքի կենտրոնում, և արդեն հավակնում է դառնալ 2026 թվականի ամառվա ամենաքննարկվող նոր հասցեներից մեկը։