Ինչպե՞ս ես FASTEX-ի հրավերով մասնակցեցի ICE BARCELONA-ին

Հենց նոր եմ վերադարձել Բարսելոնայից, ու շտապում եմ կիսվել տպավորություններովս: ICE BARCELONA-ն FASTEX-ի հետ՝ դա երեք օր թվային նորարարության, նոր ծանոթությունների, բացառիկ միջոցառումների, արվեստի և երաժշտության գերակտիվ փորձություն էր, որը փորձում եմ ներկայացնել առաջին դեմքից:

Հայկ Շաբանյան
Կամո Թովմասյան

Երկու տարի շարունակ Fastex էկոհամակարգի հրավերով մենք մեկնում էինք Լոնդոն՝ ներկա լինելու ICE London ամենամյա էսքպոյին, սակայն այս տարի ICE-ի կազմակերպիչները որոշել էին տեղափոխել ցուցահանդեսը Բարսելոնա, քանի որ քաղաքը դարձել է տվյալ ուղղության համար խոշոր կենտրոններից մեկը Եվրոպայում:

Չարթերային թռիչք կեսօրին, 4.30 ժամ նոր ֆիլմեր, լավ մյուզք և հետաքրքիր ինքնաթիռային շփում՝ այդ թվում 2025-ի նախագծերի քննարկում:

Օդանավակայանում մեզ սպասում էին 9 բրենդավորված ավտոբուսներ, որոնք բոլոր մասնակիցներին տեղափոխեցին իրենց հյուրանոցներ:

Եվս մեկ անգամ նշեմ, որ ICE-ը Բարսելոնայում առաջին անգամ էր կազմակերպվում, սակայն մենք նաև ներկա ենք եղել նախորդ երկու տարիներին, Լոնդոնում կամզակերպված ICE LONDON-ին, որը կարող եք դիտել ԱՀԱ ԱՅՍՏԵՂ:

ICE-ը ներկայացնում է նորարարական լուծումներ, առաջատար տեխնոլոգիաներ և կարևոր տեղեկություններ ոլորտի վերաբերյալ: Այս տարի մասնակցում էին ավելի քան 55 000 խաղերի մասնագետներ ամբողջ աշխարհից, նախատեսված ավելի քան 80 000 այցելու ամբողջ աշխարհից, իսկ մասնակից երկրների թիվն ավելի քան 160 էր: Միջոցառման հիմնական թեմաները ներառում են՝ կարգավորող միտումներ, տեխնոլոգիական առաջընթացներ, խաղային ոլորտում կայունության ապահովում:

ICE Barcelona-յին Fastex էկոհամակարգը մասնակցում էր իր մի շարք պրոդուկտներով: Fastex-ն արագ զարգացող Web3 էկոհամակարգ է, որն իր օգտատերերին տալիս է հսկայական հնարավորություններ և հարմարավետ միջավայր՝ առաջարկելով Fastex Exchange կրիպտո փոխանակման հարթակը, Fastex Card-ը, Fastex Wallet-ը և ftNFT-ն՝ իր հարթակներով և ֆիջիթալ սփեյսներով, ինչպես նաև YoHealth՝ առողջ ապրելակերպը խթանող հավելվածը։