L’OCCITANE-ը նշեց իր 50-ամյակը Լոռվա հեքիաթայաին բնության գրկում

Այս տարի ֆրանսիական L’OCCITANE en Provence բրենդը նշում է իր հիմնադրման 50-ամյակը։ Հայաստանում, որտեղ բրենդը ներկայացված է արդեն 14 տարի, հոբելյանը նշվեց Լոռու մարզի բնության գրկում՝ գեղեցիկ, ջերմ ու իսկապես շքեղ միջավայրում։

Հակոբ Քալաշյան
Կամո Թովմասյան

Ցավոք, այդ օրերին ես գտնվում էի Վրաստանում և չկարողացա անձամբ ներկա լինել այս գեղեցիկ միջոցառմանը։ Շնորհավորում եմ L’OCCITANE-ի ողջ թիմին 50-ամյակի առթիվ՝ մաղթելով նոր հաջողություններ, հավատարիմ հաճախորդներ և դեռ երկար տարիներ շարունակել տարածել բնական գեղեցկության ու պրովանսյան նրբագեղության փիլիսոփայությունը։

Ֆրանսիական հանրահայտ L’OCCITANE en Provence բրենդը ստեղծվել է 1976 թվականին Օլիվյե Բոսսանի կողմից և այսօր ներկայացված է աշխարհի տասնյակ երկրներում՝ պահպանելով իր գլխավոր արժեքը՝ բնությունից ներշնչված խնամքը։ Այսօր Հայաստանում L’OCCITANE-ի բնական խնամքի և գեղեցկության աշխարհին կարելի է ծանոթանալ Երևանի երկու բուտիկներում՝ Մաշտոցի պողոտա 37 և Dalma Garden Mall առևտրի կենտրոնում, որտեղ ներկայացված է բրենդի ամբողջական տեսականին՝ դեմքի, մարմնի և մազերի խնամքի միջոցներից մինչև սիրված բույրեր և նվերների հավաքածուներ։

Շնորհավորում եմ իմ սիրելի գործընկեր Հասմիկ Նուշիկյանին և L’OCCITANE en Provence-ի հայաստանյան ողջ թիմին՝ այս անմոռանալի օրը կազմակերպելու և Հայաստանում բրենդն այսքան գեղեցիկ ներկայացնելու համար։ Ամեն ինչ այնքան գեղեցիկ էր, որ ես ինքս խնդրեցի Հակոբ Քալաշյանի ֆոտոշարքը, որպեսզի կիսվեմ այն իմ բլոգում։ Թող ամբողջ աշխարհը տեսնի, թե որքան հեքիաթային է մեր Լոռու բնությունը և ինչպես իր գեղեցկությամբ բնավ չի զիջում ֆրանսիական Պրովանսին։