EXCLUSIVE! Առաջին MADE BY ARMENIANS գագաթնաժողովը Ռաս ալ-Խայմայում

Երեք օր ընթացող գագաթնաժողովին մեզ սպասվում էին պանելային քննարկումներ բիզնես ոլորտի առաջամարտիկների, ՀՀ ու ԱՄԷ պետական մարմինների ներկայացուցիչների մասնակցությամբ, գործընկերային կապերի հաստատման հնարավորություններ ԱՄԷ և միջազգային ներդրողների հետ, ինչպես նաև հայկական ապրանքանիշերի եզակի առաջարկների ներկայացման հնարավորություններ, նաև հագեցած մշակութային ծրագիր:

Ինձ համար սա ևս մեկ հնարավորություն էր գեղեցիկ ներկայացնելու իմ հայրենակիցների աշխատանքը, ինչպես նաև նոր կապեր, ծանոթություններ և հիշողություններ ձեռք բերելու հաճելի առիթ:

MBA-ը 2025-ը մեկնարկային միջոցառում է, որը կազմակերպվում է MADE BY ARMENIANS հասարակական ընկերության կողմից՝ Ռաս ալ-Խայմայի առևտրաարդյունաբերական պալատի հետ համատեղ: Գլխավոր գործընկերն էր ftNFT-ն, որը հայկական ստեղծագործականությունն ու նորարարությունը ներկայացնում է համաշխարհային մակարդակով:

Անի Մանուկյանը MADE BY ARMENIANS գագաթնաժողովի հիմնադիրն է:

Գագաթնաժողովին ներկա էր նաև ՀՀ Էկոնոմիկայի նախարար Գևորգ Պապոյանը:

Գագաթնաժողովի հանդիսավոր բացմանը ներկա էին ԱՄԷ-ի քաղաքական գործիչներ, գործարարներ: Հատկապես ուշագրավ էր Սոֆի Դևոյանի հոգու և պարի թատրոնի հրաշալի բեմականացումը, որը փարաջանովյան ձեռագրով էր: Գագաթնաժողովի ընթացքում նաև տեղի ունեցավ մրցանակաբաշխություն, որտեղ ներկայացվեցին ԱՄԷ-ում զգալի հաջողություն գրանցած հայ և միջազգային ձեռներեցները:

Գագաթնաժողովին նաև ներկա էր FASTEX Ecosystem-ի համահիմնադիր Վիգեն Բադալյանը:

MADE BY ARMENIANS գագաթնաժողովում ներկայացված հայկական ապրանքատեսակները շատ չէին, հուսով եմ հաջորդ գագաթնաժողովին ավելի շատ թվով արտադրողներ կներկայացվեն: Առհասարակ երեք օրը կարծում եմ մի փոքր երկար էր, հաշվի առնելով, որ սա առաջին նախաձեռնությունն էր, ավելի ամբողջական կլիներ, եթե ամեն ինչ իրագործվել մեկ օրում՝ հագեցած ծրագրով: Ներկայացված մոտ երկու տասնյակ հայկական ընկերությունների թվում էին տարբեր ոլորտներ ներկայացնող ընկերություններ, անհատներ, արվեստագետներ: Սննդից մինչ անշարժ գույք, զբոսաշրջությունից մինչ թվային նորարար տեխնոլոգիաներ և նորաձևություն:

Գիգանտ ընկերությունների կողքին հաճելի էր տեսնել նաև ավելի երիտասարդ հայ ձեռներեցների, ինչպես օրինակ UHI ապրանքանիշն էր՝ իր յուրօրինակ զարդերով: Բրենդի հիմնադիր և Գլխավոր դիզայներ Արմեն Շահինյանը գագաթնաժողովին ներկայացրեց ինքնատիպ ակնոցների նոր շարքը: UHI Jewlry-ի մասին ավելին՝ uhijewelry.com կայքում:

Made by Armenians Անդրանիկ գագաթնաժողովի գլխավոր գործընկերն էր ftNFT-ն, որը հայկական ստեղծագործականությունն ու նորարարությունը ներկայացնում է համաշխարհային մակարդակով: Ստեղծված լինելով Հայաստանում և իր գործունեությունը շարունակելով Դուբայում՝ ftNFT-ն հանդես է եկել մի շարք ֆիզիկական և թվային նորարարություններով, որոնք կցուցադրվեն գագաթնաժողովի ընթացքում:

MBA-Made By Armenians գագաթնաժողովի երկրորդ օրը, Faina հայկական բրենդը ներկայացրեց իր նոր հավաքածուն: Տարբերվող ցուցադրությանը կարող եք հետևել մեր առանձին փոստում ԱՀԱ ԱՅՍՏԵՂ:

Ականատեսը եղանք ՆԱև ՆՈՒՌ-ի գլխավորությամբ 12 արտիստների տպավորիչ արտիստիկ ելույթին: Այս բացառիկ ցուցադրության ընթացում ստեղծագործությունը, մշակույթը և արհեստագործությունը կենդանանում էին հմայող քանդակների և կենդանի արվեստի արտահայտությունների միջոցով:

Immersive Live Art – հուզիչ ներկայացման ընթացքում ավանդույթը համեմվեց ժամանակակից ստեղծագործության հետ: Հայաստանի քարտեզի սահմաններում արվեստագետները ստեղծեցին ապագա Հայաստանը և ավելին... Ոգեշնչող ստեղծագործությունից բացի դարձանք նաև 13 վարպետների քանդակների և մտածելու տեղիք տվող արվեստի գործերի ականատեսը:

Դե իսկ գագաթնաժողովի երաժշտական անակնկալը 3.33 խմբի բացօթյա համերգն էր, որից հետո նվագեց DJ Guevo-ն: Նախապես հայտարարված Reincarnation խմբի համերգը, տեխնիկական պատճառներով տեղի չունեցավ: