Տարածաշրջանի ամենամեծ Nike Store-ը բացվեց Հյուսիսային պողոտայում

Նույն մթնոլորտը, նույն դիզայնը և նույն փորձառությունը, ինչ այսօր կարելի է տեսնել ԱՄՆ-ի, Եվրոպայի և Ասիայի առաջատար Nike խանութներում։

Ամենահաճելի նորություններից մեկն էլ այն է, որ այստեղ ձեզ սպասում են էքսկլյուզիվ մոդելներ, որոնք չեք գտնի մյուս սրահներում։ Իհարկե, կլինեն նաև Nike-ի ամենասիրելի դասական հավաքածուները, բայց այս խանութը ստեղծվել է հենց նրանց համար, ովքեր սիրում են առաջինը կրել ամենանորն ու էքսկլյուզիվը։

Բացմանը Երևան էին ժամանել Nike-ի տարածաշրջանային ղեկավարները և ընկերության ամենաբարձր մակարդակի ներկայացուցիչները, ինչը ևս մեկ անգամ ցույց է տալիս, թե որքան կարևոր է հայկական շուկան բրենդի համար։

Արդեն 18 տարի Nike-ի պաշտոնական ներկայացուցիչը Հայաստանում հետևողականորեն զարգացնում է բրենդը, իսկ այս նոր խանութի բացումը հերթական մեծ քայլն է՝ համաշխարհային մակարդակի shopping experience-ը Երևան բերելու ճանապարհին։

Հետաքրքիր էր նաև Nike Armenia-ի և «Շունչ» բնական ջրերի համագործակցությունը․ խանութի բացման առթիվ ներկայացվել էր սահմանափակ քանակությամբ հատուկ թողարկված պրոդուկցիա, որը հասանելի էր միայն այս միջոցառման շրջանակում։

Nike Run Club-ը՝արդեն նաև Երևանում‍

Nike-ը Հայաստան է բերում նաև իր ամենահայտնի միջազգային նախաձեռնություններից մեկը՝ Nike Run Club-ը, որը միլիոնավոր մարդկանց միավորում է առողջ ապրելակերպի և վազքի շուրջ։ Nike Run Club-ը գործում է աշխարհի բազմաթիվ խոշոր քաղաքներում, և այժմ այս միջազգային համայնքի մասնիկը կարող եք դառնալ նաև Հայաստանում։ Մասնակցությունն անվճար է, և միանալ կարող է ցանկացած ցանկացող՝ անկախ տարիքից կամ ֆիզիկական պատրաստվածությունից։ Ակումբն ունի Telegram-ի պաշտոնական ալիք, որտեղ նախապես հրապարակվում են վազքի օրերը, մարզումների ժամանակացույցը, հանդիպման վայրերը և բոլոր կարևոր հայտարարությունները։ Եթե չեք ցանկանում բաց թողնել հաջորդ վազքը, պարզապես միացեք ալիքին և հետևեք թարմացումներին։

Մարզումները կազմակերպվում են պարբերաբար, իսկ մասնակիցները բաժանվում են երկու խմբի՝ սկսնակների և փորձառու վազորդների, որպեսզի յուրաքանչյուրն իր տեմպով ու հնարավորություններին համապատասխան մարզվի։ Սա հիանալի հնարավորություն է ոչ միայն ավելի ակտիվ կյանք վարելու, այլև նոր ընկերներ ձեռք բերելու, մոտիվացիա ստանալու և դառնալու համաշխարհային Nike Run Club համայնքի մի մասը։