OSCARS 2024-ը, հաղթողները, կարմիր գորգը և ֆիլմերի հղումները

Ինչպես ամեն տարի, այս տարի ևս չեմ քնել ողջ գիշեր, որպեսզի «համով հոտով» ու «տեղը տեղին» լուսաբանեմ OSCARS 2024-ը: Այս փոստում կգտնեք հաղթողների ցանկը, կարմիր գորգի լավագույն աստղերին և նրանց լուքերը, ինչպես նաև հաղթող ֆիլմերը օնլայն դիտելու հղումները: Էլ ուրիշ ոչ մի տեղ ման մի եկեք, Կամոբլոգում ամենաամբողջական լուսաբանումնա, իսկ ինստաէջումս էլ՝ այս ամենի վիդեո լուսաբանումը. հա, մեկ էլ որ տառասխալ գտնեք չզարմանաք, առավոտյան 07.00-նա արդեն, մենք էլ ենք մարդ:

Կամո Թովմասյան

Համառոտ պատմեմ մրցանակաբաշխության մասին (դե կարողա լինեն դեռահասներ, ովքեր առաջին անգամ են դիտում): Կինոարվեստի և գիտության ակադեմիայի 96-րդ մրցանակաբաշխությունը այս գիշեր տեղի ունեցավ Հոլիվուդի Դոլբի կինոթատրոնում, Լոս Անջելես, Կալիֆորնիա։

Օսկարի մրցանակները 23 անվանակարգերում էին, ներկայացված էին 2023 թ.-ին թողարկված ֆիլմերը: Կատակերգու Ջիմի Քիմելը չորրորդ անգամ էր վարում շոուն: Հիշեցնեմ, որ «Օփենհայմեր» ֆիլմը ներկայացված էր 13 (հաղթեց 7 անվանակարգերում), «Աղքատ դժբախտները» և «Ծաղկավոր լուսնի մարդասպանները»՝ համապատասխանաբար 11 և 10 անվանակարգերում:

Իհարկե սկսում ենք կարմիր գորգից և աստղային լուքերից: Ամենաանհավանական լուքերն իմ ինստա էջում են, իսկ այստեղ ամենաճաշակով աստղերն են:

Աննա Թեյլոր / Christian Dior

Ջեմի Լի Քերթիս / Dolce & Gabbana

Եվա Լոնգորիա / Tamara Ralph

Բիլլի Էիլիշ / Chanel

Էմմա Սթոուն / Louis Vuitton

Մետ Բոմեր / Brunello Cucinelli

Ռայան Գոսլինգ / GUCCI

Արիանա Գրանդե / Giambattista Valli

Բրեդլի Քուպեր / Louis Vuitton

Կիրստեն Դանստ / Gucci

Կիլիան Մերֆի

Ջենիֆեր Լոուրենս / DIOR

Զենդայա / Armani Privé

Շարլիզ Տերոն / GUCCI

Մարգո Ռոբի / Versace

Հաղթեցին լավագույնները՝ նրանք, ովքեր վերջին ամիսներին նույն անվանակարգերում ստացել էին արդեն մրցանակներ և բուքմեյքերները միաձայն հուշում էին, որ անակնկալներ այս Օսկարին չեն սպասվում: Կիլիան Մերֆի, Էմմա Սթոուն, «Օփենհայմեր»...

BEST PICTURE- Oppenheimer

BEST ACTRESS-Emma Stone, Poor Things