«Երևան Մոլ»-ը ներկայացրեց իր նոր էջը․ ռեբրենդինգի բացառիկ ընթրիքը կազմակերպվել էր մոլի տանիքում

«Երևան Մոլ»-ը պաշտոնապես ներկայացրեց իր նոր բրենդային ինքնությունը՝ կազմակերպելով բացառիկ ընթրիք, որը միավորել էր շուրջ 100 գործընկերների, ինֆլյուենսերների և «Երևան Մոլ»-ի անձնակազմի անդամների։ Երեկոն նվիրված էր ոչ միայն նոր տարբերանշանի ներկայացմանը, այլև այն նոր փիլիսոփայությանը, որով այսուհետ առաջնորդվելու է մոլը։

Կամո Թովմասյան

Տանիք՝ վերամբարձ կռունկով

Միջոցառման ամենատպավորիչ պահերից մեկն արդեն իսկ հյուրերի ժամանումն էր։ Մասնակիցները մոլի տանիք էին բարձրանում հատուկ վերամբարձ կռունկով, ինչն առաջին իսկ րոպեներից ստեղծում էր անակնկալներով լի և յուրահատուկ մթնոլորտ։ Քաղաքի համայնապատկերով բացվող տեսարանը, մայրամուտը և տանիքում ստեղծված բացառիկ միջավայրը երեկոյին հաղորդում էին առանձնահատուկ տրամադրություն։

Նոր տարբերանշան, նոր վայբ, նոր փուլ

Ռեբրենդինգը խորհրդանշում է «Երևան Մոլ»-ի զարգացման նոր փուլը։ Մոլի նոր տարբերանշանը արտացոլում է ժամանակակից մոտեցումները, թարմ էներգիան և նոր տեսլականը։ «Նոր տարբերանշան, նոր վայբ, նոր պատմություն» գաղափարով կազմակերպված երեկոն դարձավ այդ փոփոխությունների խորհրդանիշը։

Կոկտեյլներ, կենդանի երաժշտություն և ջերմ ընդունելություն

Երեկոյի ընթացքում հյուրերը վայելեցին հատուկ պատրաստված կոկտեյլներ, նրբաճաշակ ընթրիք և կենդանի երաժշտություն, որոնք ստեղծել էին ջերմ ու տոնական մթնոլորտ։ Միջոցառման ընթացքում ողջույնի խոսքով հանդես եկավ «Երևան Մոլ»-ի փոխտնօրեն Շուշան Ավագիմյանը՝ շնորհակալություն հայտնելով բոլոր գործընկերներին, ինֆլյուենսերներին և թիմի անդամներին տարիների վստահության ու համատեղ աշխատանքի համար։

Նոր էջ «Երևան Մոլ»-ի պատմության մեջ

Ռեբրենդինգի ընթրիքը դարձավ ոչ միայն նոր տարբերանշանի ներկայացում, այլև «Երևան Մոլ»-ի պատմության հերթական կարևոր հանգրվանը։ Միջոցառումը ևս մեկ անգամ ցույց տվեց, որ մոլը շարունակում է զարգանալ, ստեղծել նոր փորձառություններ և իր շուրջը համախմբել մարդկանց, ովքեր տարիներ շարունակ եղել են այդ ճանապարհի կարևոր մասը։

Երևան Մոլը Հայաստանի առաջատար առևտրի և ժամանցի կենտրոններից մեկն է, որը գործում է Երևանում՝ Արշակունյաց պողոտա 34/3 հասցեում։ Այստեղ ներկայացված են 200-ից ավելի միջազգային և տեղական բրենդներ, ինչպես նաև գործում են ԿինոՊարկ 4K կինոթատրոնը, «Նավապետ Քիդի գանձերի կղզի» մանկական ժամանցի կենտրոնը, ռեստորաններ և սրճարաններ՝ ապահովելով ամբողջական շոփինգի և ժամանցի փորձառություն։