ԶՈՎՔ-ը շարունակում է ընդլայնվել․ Շենգավիթ վարչական շրջանում բացվեց ևս մեկ Շուրջօրյա մասնաճյուղ

ՇՈՒՐՋՕՐՅԱ! Երևանի Շենգավիթ վարչական շրջանի՝ Գարեգին Նժդեհ 21 հասցեում, իր դռներն է բացում «ԶՈՎՔ» սուպերմարկետների ցանցի նոր մասնաճյուղը։ Նոր հասցեն ևս մեկ կարևոր քայլ է ընկերության շարունակական ընդլայնման ճանապարհին։

Չնայած Շենգավիթ վարչական շրջանում արդեն իսկ գործում են «ԶՈՎՔ»-ի մասնաճյուղեր, տարածքում ցանցի նկատմամբ մեծ պահանջարկը ստեղծեց ևս մեկ սրահի անհրաժեշտություն։ Հենց այդ պատճառով էլ ընտրվեց նոր՝ Գարեգին Նժդեհ 21 հասցեն՝ «ԶՈՎՔ»-ը դարձնելով ավելի հասանելի նաև այս հատվածի բնակիչների համար:

«ԶՈՎՔ»-ի պատմության հիմքում տարիներ շարունակ մնացել են երեք կարևոր արժեքներ՝ վստահությունը, որակը և հաճախորդակենտրոն մոտեցումը։ Ընկերությունը զարգացել է՝ միաժամանակ փորձելով պահպանել այն սկզբունքները, որոնց շնորհիվ ձևավորվել է հավատարիմ հաճախորդների մեծ շրջանակ։

Այստեղ ևս գնորդներին սպասում է «ԶՈՎՔ»-ին բնորոշ լայն տեսականի՝ թարմ մթերքներից և առօրյա անհրաժեշտության ապրանքներից մինչև տան համար անհրաժեշտ տարբեր ապրանքատեսակներ։ Եվ, իհարկե, պահպանվում է ցանցի գլխավոր սկզբունքներից մեկը՝ առաջարկել թարմ և մատչելի ապրանքներ ամեն օր։

Նոր մասնաճյուղի բացումը միայն հերթական նոր հասցեն չէ։ Այն նաև ցույց է տալիս, թե ինչ ճանապարհ է անցել «ԶՈՎՔ»-ը 27 տարիների ընթացքում՝ շարունակաբար ընդլայնելով իր ներկայությունը և ավելի մոտ գտնվելով իր հաճախորդներին։