Այ քեզ ծնունդ...Ինչու է ամբողջ համացանցը քննարկում Ամալյա Բորիսովնայի ծնունդը

Արդեն 214-րդ ընկերուհիս է հարցնում. Կամո, ո՞վա Ամալյան, որ տեեենց ծնունդա նշել: Եթե Ամալյա Բորիսովնային չեք ճանաչում, ուրեմն երբեք չեք եղել Դվին Մյուզիք Հոլում հարսանեկան երեկոյի: Նրան գիտեն որպես Դվինի Ամալիկ, կամ՝ մեր Ամալյա Բորիսովնա և նրա ծնունդը երևի ամենաաստղային ու ճոխ ծնունդն էր, որին ես ներկա եմ եղել Երևանում, վերջին 10 տարիների ընթացքում: Այո, DRESS CODE-ը BLACK էր:

Կամո Թովմասյան

25 տարի ոլորտում, որից 20-ը ես ինքս ծանոթ եմ և հետևել եմ Ամալյայի աշխատանքին: Գիտեք, մի լավ կենաց հնչեց երեկոյի ընթացքում՝ ոչ թե Ամալյա թիմակցի, այլ ընտանիքի անդամի կենաց, ու իրոք, Ամալյան կարծես բոլորիս հետ արյունակցական կապ ունենա, ոնց որ մեր բոլորի քեռու աղջիկը լինի: Կան չէ մարդիկ, ում բոլորը սիրում են, հարգում են, այ Ամալյան այդ մարդկանց թվումա ու նրա ծնունդը հենց մի սրահում էր հավաքել նրան իրոք սիրող մոտ 400 հյուրի:

Այ այսպիսի շքեղ զգեստ էր նրա համար ստեղծել դիզայներ Արայիկ Գաբաջյանը: Ձևավորումը MON AMIE սրահինն էր, կազմակերպել էր բոլորին հայտնի ARPI WEDDINGS-ը, իսկ տորթն էր QUEEN CAKE-ից էր. կարճ ասած ոլորտի լավագույնները միացել էին իրար՝ գեղեցկացնելու մեր Ամալյայի ծնունդը ու իհարկե, ինչպես հենց նա նշեց բեմից՝ ամենամեծ շնորհակալությունը հենց Դվին Մյուզիք Հոլի տնօրինությանն էր ուղղված և անձնակազմին:

Այդ երեկո Ամալյայի կողքին էին նրա ամենամտերիմները և նրա բոլոր ընկերները: Բեմում էին բոլոր սիրված արտիստները՝ Էրիկից մինչ Սարոն, Գրիշա Աղախանյանից մինչ Հռիփսիմե Հակոբյանը, Սպիտակցի Հայկոյից մինչ Մհեր Արմենիան: Իսկ վարում էին ծնունդը միանգամից 5 հայտնի վարողներ՝ Լուիզա Ղամբարյանը, Ժպիտի Գարիկը, Սամվել Գրիգորյանը, Ժակը, Լյուսյա Լյուբիմովան, Ավետ Բարսեղյանն ու Ռաֆայել երանոսյանն էլ հատուկ կենցաներով ողջունեցին: