17 տարի ընդմիջումից հետո! Արման Հովհաննիսյանի մենահամերգը և հյուրերը

Այո, 17 տարի Արմանը մենահամերգով հանդես չէր եկել, եթե ճիշտ եմ հիշում, իր վերջին ձայնասկավառակը նա հենց 2015թ.-ին թողարկեց՝ «Սեր և Հայրենիք»: Ճիշտ է, 2020 թվականին Լաս Վեգասի Փառքի ծառուղում բացվեց Արման Հովհաննիսյանի անվանական աստղը, նա շարունակում էր ստեղծագործել, մի քանի նոր հիթեր թողարկեց, բայց միևնույնն է, ժամանակն էր նման մասշտաբային վերադարձի: Մարտ ամսին միանգամից երգու մենահամերգ էր պլանավորված՝ նախ Մոսկվայում, ապա Երևանում: Երևանյան համերգը մարտի 22-ին է, Կ.Դեմիրճյանի անվ. մարզահամերգային համալիրում, եթե դուք դեռ չեք հասցրել ձեռք բերել տոմսեր, կարող եք դրանք գնել ԱՅՍՏԵՂԻՑ:

Ինչո՞ւ եմ ես այսքան ծանոթ Արմանի գործունեությանը... բանն այն է, որ մենք երկուսս ծնվել ենք 1980 թ.-ին, ես մայիսի 11-ին, նա՝ մայիսի 12-ին: Չեմ կարող չանդրադառնալ նրա այսօրվա հրաշալի ֆիզիկական տեսքին, այնպիսի տպավորություն է, որ Արմանը 17 տարով երիտասարդանում էր: Կնկատեք նաև, որ փոխել է իր ոճը, ինչն իհարկե միայն դրական ազդեցություն ունի, Դուք դա նույնիսկ ֆոտոշարքում կզգաք, էլ չասեմ հենց լայվ համերգի ընթացքում:

Վերջին օրերին հայկական մամուլում նաև տարածվել էր նրա հարցազրույցը, որտեղ Արմանը խոստովանում է, որ «փախցրել է» կնոջը, իսկ Արմանը շատ հազվադեպ էր հարցազրույցներ տալիս: Իհարկե, կինը և դուստրերը ևս ներկա էին նրա մենահամերգին Մոսկվայում: Հարցազրույցը եթե չեք դիտել, կարող եք դիտել ԱՅՍՏԵՂ:

Հին բառա ԱՆՇԼԱԳԸ, բայց հենց այս բառնա փոխանցում նրա մոսկովյան մենահամերգի հաջողությունը, վստահ եմ, երևանյան մենահամերգը ևս հրաշալի կանցնի: Մոսկվայի մենահամերգի կազմակերպիչն էր՝ Producing Centre Euromusic ընկերությունը: Ֆոտոշարքը՝ Գարիկ Գորգյանի: Ի դեպ, հենց մարտի 22-ին կարող եք հետևել երևանյան մենահամերգի լավագույն պահերին իմ ինստագրամյան էջում:

Համերգը լի է անակնկալներով և աստղային հյուրերով: Քանի որ մենահամերգների բեմադրող ռեժիսորը ընկերս է՝ Արթուր Մանուկյանը, մի քանի ներքին խոհանոցային ինֆո եմ հայթայթել, որով կկիսվեմ Ձեզ հետ երևանյան մենահամերգից առաջ:

Շուրջ 3 ժամ կենդանի հնչողությամբ համերգի ընթացքում հնչելու են Արմանի բոլոր հայտնի երգերը, նաև դուետներ լեգենդար Ձախ Հարութի, Ռուբեն Մաթևոսյանի, Արմենչիկի, Սարոյի, Ավրաամ Ռուսսոյի, Սարինա Կռոսի, Նորոյի հետ: Բեմում լինելու է ԿԱՐԵՆ/ՍԵՎԱԿ բենդը, իսկ այ Լիլիթ Հովհաննիսյանը և Գոհար Ավետիսյանը երևանյան համերգին չեն լինի, նրանց հետ դուետները կարողացան կենդանի հնչողությամբ վայելել մոսկովյան համերգի հանդիսատեսը: Ի դեպ, թե Լիլիթի թե դիմահարդար Գոհարի հետ դուետներն իրոք անսպասելի էին հանդիսատեսի համար: Եվս մեկ անգամ նշեմ, որ մենահամերգների Բեմադրող ռեժիսորը Արթուր Մանուկյանն է: