Իտալական Boggi Milano-ն բացեց իր առաջին սրահը Երևանում՝ Հյուսիսային պողոտայում

Իտալական Boggi Milano ապրանքանիշը վերջապես ներկայացվեց Հայաստանում շնորհիվ Free Style Group-ի: Հյուսիսային պողոտայում բացված առաջին սրահում ներկայացված է բացառապես տղամարդկանց հավաքածուն՝ միաձուլելով իտալական էլեգանտությունն ու ժամանակակից քաղաքային ոճը։

Հյուսիսային պող. 11
bgmilano.am

Կամո Թովմասյան

Boggi Milano-ն հիմնադրվել է 1939 թվականին Միլանում՝ իտալական կլասիկ ոճի ավանդույթները նորովի մեկնաբանելու տեսլականով։ Տասնամյակների ընթացքում այն դարձել է ժամանակակից տղամարդկանց համար բարձրորակ հագուստի և աքսեսուարների խորհրդանիշ՝ պահպանելով "Made in Italy" որակի նշանը։ Բրենդը ներկայումս ունի ավելի քան 200 սրահ աշխարհով մեկ և համարվում է իտալական գործնական ու ամենօրյա էլեգանտության կատարյալ արտահայտություն։

Երևանի Boggi Milano սրահում ներկայացված է միայն տղամարդկանց շարքը՝ դասական կոստյումներից մինչև casual հագուստ և աքսեսուարներ։ Հավաքածուն ընդգծում է ուժեղ, ինքնավստահ և քաղաքային տղամարդու կերպարը՝ զուգակցելով հարմարավետությունն ու վայելչությունը։

Հայաստանում բրենդի ամբասադորն է դարձել դերասան Խորեն Լևոնյանը։ Նրա ընտրությունը պատահական չէ․ բրենդի ներկայացուցիչների խոսքով՝ Լևոնյանը մարմնավորում է այն արժեքները, որոնք կրում է Boggi Milano-ն՝ տղամարդկային խրոխտություն, համեստ հզորություն և վստահություն։ Նրա էլեգանտությունն ու դերասանական խարիզման դարձնում են նրան իդեալական ընտրություն բրենդի համար՝ հայ տղամարդու նորաձևության նոր չափանիշ սահմանելու նպատակով։

Սրահի պաշտոնական բացումից հետո "Գոլդեն Փալաս" հյուրանոցի Level Eleven ռեստորանում տեղի ունեցավ ընթրիք հատուկ գործընկերների հետ՝ նվիրված երևանյան Boggi Milano-ի բացմանը։ Երեկոն անցավ ջերմ և ոճային մթնոլորտում՝ համադրելով իտալական երաժշտություն, բարձրակարգ խոհանոց և միլանական շունչ։

Boggi Milano-ի մուտքը հայաստանյան շուկա խոստանում է դառնալ նոր էջ՝ հայ տղամարդկանց նորաձևության աշխարհում՝ ընդգծելով, որ իսկական էլեգանտությունը միշտ ժամանակակից է։

Հյուսիսային պող. 11

INSTAGRAM