Modamont Fashion Group-ը սահմանում է նորաձևության նոր չափանիշներ Հայաստանում

Օրերս Modamont Fashion Group-ը կազմակերպել էր աննախադեպ Fashion Show, որի ընթացքում ցուցադրվեցին մի շարք եվրոպական ապրանքանիշեր, այդ թվում՝ Zimmermann, Marni, №21, Ermanno Scervino, Alberta Ferretti, Stella McCartney, MSGM, MaxMara, Peserico և Fabiana Filippi։ Այս շարքում կան ապրանքանիշեր, որոնց հետ ընկերությունը համագործակցում է արդեն երկար տարիներ, և կան այնպիսի ապրանքանիշեր, որոնք նոր է սկսում ներմուծել՝ դառնալով դրանց միակ և բացառիկ ներկայացուցիչը Հայաստանում։

Modamont Fashion Group-ը շարունակում է իր ճանապարհը՝ միավորելով եվրոպական նորաձևությունը և հայկական էլեգանտությունը՝ բերելով բարձրակարգ ոճ և բացառիկություն Հայաստանի սրտին՝ Երևանին։ Սա շատ կարևոր և նշանակալի քայլ է միջազգային նորաձևության քարտեզին Հայաստանի անունը ավելացնելու ճանապարհին:

Fashion Show-ին ներկայացված էին համադրված կերպարներ՝ ստեղծված Modamont Fashion Group-ի կողմից՝ վերոնշյալ ապրանքանիշերի վերջին հավաքածուներից։ Բոլոր ցուցադրված մոդելները հնարավոր կլինի մանրամասն ուսումնասիրել, փորձել և ձեռք բերել ընկերության խանութ-սրահներում։

Արդեն երեք տասնամյակի ընթացքում Modamont-ը հայաստանյան շուկայում ձևավորել է էլեգանտության, որակի և բացառիկության համբավ՝ ներկայացնելով միայն եվրոպական առաջատար ապրանքանիշեր՝ պրեմիում սեգմենտում, իսկ հիմա արդեն նաև լյուքս սեգմենտում։

Ընկերությունը չի դադարում ընդլայնվել և մեծանալ. ամեն տարի բացվում են նոր խանութ-սրահներ, որոնց թիվը Երևանում այժմ 16-ն է: Modamont Fashion Group-ը շուտով կներկայացնի եվրոպական նոր ապրանքանիշեր, որոնք էքսկլյուզիվ ներկայացված կլինեն նոր բացվող department store-ում: