Ծաղկաձորից՝ Երևան․ սիրված Dahook Beer House-ը բացվեց Մոսկովյան 31 հասցեում

Dahook Beer House-ը պարզապես գարեջրատուն չէ։ Նոր կոնցեպտի գաղափարն է ստեղծել մի վայր, ուր գալիս ես ոչ միայն ուտելու կամ գարեջուր խմելու, այլ ընկերների հետ երկար ժամանակ անցկացնելու, խաղալու, շփվելու և լավ երեկո ունենալու համար։

Dahook-ի պատմությունը՝ ճանապարհորդությունից մինչև Ծաղկաձոր

Dahook-ի լոգոյի հերոսը պատահական կերպար չէ։ Այն իրական ասիական Dahook թռչունն է, որը, ըստ բրենդի ստեղծած լեգենդի, ունի բծախնդիր քիմք և առանձնահատուկ սեր՝ նոր համեր բացահայտելու նկատմամբ։

Dahook-ը ճանապարհորդում է աշխարհով մեկ, բացահայտում տարբեր երկրների լավագույն համերն ու փորձառությունները, ընտրում դրանցից ամենահետաքրքիրները և վերջապես հասնում Հայաստան՝ Ծաղկաձոր։ Հենց այստեղ էլ ծնվում է Dahook-ը և ճանապարհորդություններից ստացած ոգեշնչմամբ ստեղծվում են սեփական գարեջրի չորս տարբեր տեսակներն ու Dahook-ի հեղինակային սոուսները։ Այս պատմությունն ամփոփում է նաև բրենդի գաղափարախոսությունը՝ Dahook — Sip the Adventure։

4 տեսակի սեփական արտադրության գարեջուր

Dahook-ի գլխավոր առանձնահատկություններից մեկը սեփական արտադրության գարեջուրն է։ Այն պատրաստվում է գերմանական տեխնոլոգիայով և Ծաղկաձորի ջրով, իսկ մատուցվում է չֆիլտրված և չպաստերիզացված տարբերակով։

Այս պահին Dahook-ն արտադրում է չորս տեսակի գարեջուր։

Schwarz — Schwarzbier
Hell — Helles
Red IPA
Weiss — Weissbier

Beer House, որտեղ գարեջուրը պատմության միայն մի մասն է

Երևանյան Dahook Beer House-ի նոր կոնցեպտում շեշտը դրված է ամբողջական ժամանցային փորձառության վրա։ Սեփական craft beer, սնունդ, երաժշտություն, ընկերներ և մի քանի խաղեր, որոնք նախատեսված են թե՛ փոքր ընկերական խմբերի, թե՛ ավելի մրցակցային երեկոների համար։

Հատկապես հետաքրքիր է դարթսը, որը Dahook-ի ներկայացմամբ Հայաստանում իր տեսակով առաջին նման համակարգն է։ Խաղացողների միավորները ցուցադրվում են էկրանին, իսկ համակարգն անգամ հուշում է՝ որ թվերին և հատվածներին է նպատակահարմար խփել՝ հաշիվն ավելի արագ զրոյացնելու համար։ Կարելի է խաղալ անհատական, թիմային կամ պարզապես ընկերական ձևաչափով։

Այստեղ կլինի նաև մեծ փայտե բլոկներով Jenga․ խաղացողները հերթով բլոկներ են հանում աշտարակից ու տեղափոխում վերև՝ մինչև ինչ-որ մեկի հերթին ամբողջ կառույցը փլվի։

Եվս մեկ տարբերակ է Cornhole-ը՝ խաղ, որի ժամանակ մոտ 6 մետր հեռավորությունից փոքր պարկերը պետք է նետել հատուկ հարթակի ուղղությամբ՝ հնարավորինս շատ միավորներ հավաքելու համար։

Ծաղկաձորում սկսված պատմությունը շարունակվում է Երևանում

Այսպիսով, Ծաղկաձորում արդեն իր լսարանը ձևավորած Dahook-ը Երևանում սկսում է նոր փուլ։ Նոր Dahook Beer House-ը պահպանում է բրենդի հիմքում եղած սեփական գարեջրի, նոր համերի ու բացահայտումների գաղափարը, բայց այն լրացնում է ավելի ընդգրկուն entertainment կոնցեպտով։

Այստեղ կարելի է գալ ընկերներով, փորձել Dahook-ի չորս տեսակի գարեջուրները, համադրել դրանք խոհանոցի առաջարկների և հեղինակային սոուսների հետ, խաղալ, լսել երաժշտություն ու պարզապես լավ ժամանակ անցկացնել։