DUBAI FASHION WEEK SS2024-ը Vahe Step-ի օբյեկտիվում

Նախորդ շաբաթ Դուբայում մեկնարկել էր DUBAI FASHION WEEK SS2024-ը: Մեկ շաբաթվա ընթացքում մոտ 25 դիզայներներ և դիզայներական տներ 12 երկրներից ներկայացնում էին իրենց նոր հավաքածուները: Լուսանկարիչ Vahe Step-ն այս օրերին նորաձևության շաբաթվա հյուրերից էր և մենք խնդրեցինք նրան ուղարկել մեզ ֆոտոռեպորտաժ գլխավոր ցուցադրություններից:

Կամո Թովմասյան

Իհարկե նորաձևության շաբաթվա գլխավոր հյուրը Նաոմի Քեմբելն էր: Լեգենդար մոդելն առաջին անգամ էր մասնակցում DUBAI FASHION WEEK-ին և ներկայացնում էր RIZMAN RUZAINI բրենդը: Հատուկ հյուրերի թվում էր նաև աշխարհահռչակ դիզայներ CAROLINA HERRERAN՝ ում ցուցադրությամբ էլ հենց սկսվեց նորաձևության շաբաթը: Հետաքրքիր էր նորաձևության շաբաթվա գործընկերների ցանկը. Air France-ը որպես պաշտոնական ավիացիոն գործընկեր, META-ն որպես պաշտոնական մեդիա գործընկեր, Microsoft-ը որպես պաշտոնական տեխնոլոգիական գործընկեր: Ինչպես նաև Dyson, Schwarzkopf Professional, Waldorf Astoria և Fiji Water: Ֆոտոշարքում օգտագործվել են հենց Vahe Step-ի անձնական արխիվից լուսանկարներ, ինչպես նաև DUBAI FASHION WEEK-ի պաշտոնական հաղորդագրության լուսանկարներից: