ՆՈՐ QUEEN BURGER-ի բացումը Տիգրան Մեծ 17/4 հասցեում

Երևանի հանրային սննդի ոլորտում բուրգերի կոնցեպտի տարածողն ու առաջատարը սկսած 1996 թ-ից հենց QUEEN BURGER ռեստորանն էր, որը երեւանցիներին եւ մայրաքաղաքի հյուրերին այդ ժամանակների համար հաճելիորեն զարմացրեց` ծանոթացնելով արեւմտյան գաստրոմշակույթի ամենասիրված ուտեստներից մեկին՝ բուրգերին: Այդ տարիներին քաղաքում առանց այն էլ քիչ էին ժամանցավայրերը: QUEEN BURGER-ը բոլորիս սիրված վայրն էր, որտեղ ես նույնիսկ 17-ամյակս եմ նշել ընկերներով: Հենց Ռոսսիա կինոթատրոնի դիմաց գտնվող ռեստորանն այն տարիների երիտասարդների հավաքատեղին էր, ամենաթրենդային վայրերից մեկը, նաև առաջին վայրերից էր, որն ուներ առանձին մանկական խաղահատված:

Հայաստանի "Հոթելյերների եւ Ռեստորատորների ասոցիացիային" վստահվել է այս նախագծին նոր շունչ եւ կյանք տալ: Ընդամենը 6 ամիսների ընթացքում QUEEN BURGER-ն անճանաչելիորեն փոխվեց, եւ փոխեց նաեւ միջավայրը։ Բացի վիզուալ փոփոխությանը`փոխվել է նաեւ իմիջային մոտեցումն ու դիրքավորումը: Սա առաջին երիտասարդական սրճարանն է, որն իր հյուրերին սպասում է վաղ առավոտից`08:00-ից, մինչ ուշ գիշեր`03:00 (հետագայում 05:00):

Մենյուն բացման փուլում ստարտային է եւ ամբողջական կդառնա մի քանի ամիսների ընթացքում։ Այն կազմված է բուրգերներից ինչպես մեծերի, այնպես էլ փոքրերի համար, ներառում է սթրիփսեր, համեղ նագեթսներ, թևիկներ, խրթխրթան կաղամարների օղակներ եւ ծովախեցգետին տեմպուրա, ֆրի, հոթդոգներ, տոստեր, ինչպես նաեւ սառը բուտեռներ կռուասանով, չիաբատայով, բագետով աղցաններ, մաֆիններ եւ այլ քաղցրավենիքներ…

Կոցեպտի յուրահատկությունը նախանշելիս մտահղացման հիմքում է դրվել հասանելի ֆաստֆուդ սնունդը մատուցել բարձրարժեք միջավայրում, լավ երաժշտությամբ, հաճելի ինտերիերով և հարմարավետ կահույքով, որպեսզի հյուրերը պարզապես չցանկանան հեռանալ այստեղից։ QUEEN BURGER-ը հարմար է աշխատանքային, ընկերական, անձնական հանդիպումների համար, որի խոհանոցը աշխատում է մինչեւ ուշ գիշեր`03:00-ն: Ռեստորանն աշխատում է «բաց խոհանոց»-ի մոդելով, այսինքն հյուրերը սրահից կարող են տեսնել ինչպես է պատրաստվում իրենց պատվերը և հետևել ընթացքին:

Ավելացնեմ շատ համեղ սուրճը, լցնովի կոլան եւ մանգոն: Ռեստորանը հատուկ համագործակցություն ունի Փինք Բերիի հետ. բացի սիրված լցնովի պաղպաղակից` միայն այստեղ նոր սեզոնին կառաջարկվի բացառիկ համ` հապալասե պաղպաղակ:

Մանկական սրահի գաղափարի հիմքում պահպանվել է խաղային միջավայրը, միաժամանակ` ձգտելով մի փոքր ավելի գիտահանրամատչելի վիդեովիզուալների եւ հատուկ ձեւավորված միջավայրի մոջոցով հետաքրքրութրուն առաջացնել դեպի տիեզերքը, եւ ուղղակի դուրս գալ մանկական սրահի ստերեոտիպային տրամաբանությունից։

QUEEN BURGER-ը նոր ստանդարտներ է սահմանում հանրային սննդի ոլորտում` արագ սննդի սիրահարներին հնարավորություն ընձեռելով այն վայելել վարձրակարգ ռեստորանային միջավայրում: Շնորհավորում եմ 90-ականների սերնդին, ովքեր այստեղ կգտնեն իրենց մանկությունը՝ այցելելով արդեն իրենց երեխաների հետ, ինչպես նաև այսօրվա երիտասարդներին, ովքեր հենց այստեղ կստեղծեն իրենց ապագայի հաճելի հիշողությունները:

ՏԻԳՐԱՆ ՄԵԾ 17/4

033- 500 507

FB / IG