lifestyle

Կորպորատիվ երեկոները սովորաբար ստանդարտ են, դա ընկերության աշխատակիցների տարեվերջի հանդիպումն է, գործունեության ամփոփումը, բայց պարզվում է, որ նույնիսկ կորպորատիվ երեկոն կարելի է անցկացնել օրիգինալ, շքեղ ու բնականաբար ավելի հիշվող: Factory Production-ը ստեղծել էր յուրօրինակ կոնցեպտ՝ տեղափոխելով բոլոր հյուրերին դեպի հեքիաթային միջավայր:

Մտածված էր յուրաքանչյուր դետալ՝ երեկոն ավելի հիշարժան դարձնելու համար: Դահլիճի և սեղանների ձևավորումը, բեմի վիզուալ փոփոխումը, ֆոտոսթենդերը և մոդելները, վերջիններիս թեմատիկ հանդերձանքը, շքամուտքը, ամեն ինչ դետալապես մտածված էր:

Ես համագործակցում եմ  EVOCABANK-ի հետ արդեն շուրջ 8 տարի, երբ առաջին անգամ հրավիրված էի նրանց ռեբերնդինգի շքեղ երեկոյին: Հենց այդ երեկո էլ արդեն պարզ էր, որ սա հերթական բանկը չէ, որն ասոցացվում է զուտ բիզնեսի ,փողերի և խիստ դեմքով տղամարդկանց հետ, իսկ մեզ մոտ եկեք համաձայնվենք, որ բանկային ոլորտը հենց նման ձեռագիր է միշտ ունեցել:

 EVOCABANK-ը ցույց տվեց, որ բանկային գործընթացը և տպավորությունները ևս կարող է լինել հաճելի, գունեղ, թեթև և այ այսպես շքեղ:

Ողջ երեկոն իրականում կարծես մեծ բեմականացված մյուզիքլ լիներ՝ լի անակնկալներով, սիրված արտիստներով, հատուկ ֆոտոզոնաներով և իհարկե նվերներով: Միջոցառման ավարտին բոլոր հյուրերին սպասվում էին հատուկ բրենդավորված ձմեռային շարֆեր, որը շատ հաճելի նվեր էր օրվա ավարտին:

Ինչպես միշտ հրաշալի կերպ վարեց երեկոն Ներսես Ավետիսյանը: 

Անականկալներից մեկն էր 5 միլիոն դրամի խաղարկությունը  EVOCABANK-ի մասնաճյուղերի և բաժինների թիմերի միջև:

Հետաքրքիր է որ մեկ միլիոն դրամ արժողությամբ 5 քարտերը շահեցին Վանաձորի, Կոտայքի, Դավթաշենի, Գարեգին Նժդեհ մասնաճյուղերը, ինչպես նաև Հաճախորդների վերլուծությունների և ձևակերպումների բաժինը: 

Welcome drink-ից և ֆոտոզոնայում նկարահանումներից հետո բոլոր հյուրերին սպասվում էր տոնական ընթրիք: Ինչպես նշեցի, Դվին Մյուզիք հոլի առանց այն էլ գերժամանակակից սրահը էլ ավելի էր զինվել լուսային և վիզուալ էֆեկտներով հատուկ այս երեկոյի համար: Պարային խմբերին և Մարբեյի լայվ կատարումներին հաջորդեց Kami Friends-ի լայվ կատարումները: Ինչպես միշտ սպասված և դռայվով արտիստների ցանկում Արամ MP3-ն է, որի կատարումների ընթացքում երբեք նստած հյուրեր չեն լինում դահլիճում: Իվետա Մուկուչյանն իր նոր և արդեն սիրված հիթերով, ինչպես նաև միշտ տարբերվող իր պարային խմբով երեկոյի հաջորդ աստղային հյուրն էր: Ամենաանսպասելի ու վստահ եմ, ամենատպավորիչ անակնկալը հյուրերին սպասվում էր վերջում: Առաջին անգամ EVOCA-ի կողմից հյուրընկալվել էր Արկադի Դումիկյանը, ով կարծում եմ այս տարվա ամենահիթային հայ կատարողն է: Ի դեպ, հատուկ EVOCA-ի CHRISTMAS PARTY-ի համար Արկադի Դումիկյանն էլ իր հերթին էր անակնալ պատրաստել: Նա առաջին անգամ կատարեց իր նոր Ամանորյա երգը, որի պրեմիերան կայացավ հենց EVOCA-ի բեմում: Արկադիի կատարումներին էլ հաջորդեց արդեն ներկայիս ամենապահանջված երիտասարդ DJ JOKEY-ն իր սեթով, մինչ կեսգիշեր: Արտիստների կատարումները և հյուրերի տպավորություններին կարող եք հետևել իմ ինստագրամյան էջում:

Իվետա Մուկուչյանը ոչ միայն բանկի միջոցառումների հատուկ հյուրն է, այլ, ինչպես գիտեք, EVOCABANK-ի դեմքն է արդեն 8 տարի:

Շնորհավորում եմ իմ սիրելի գործընկեր բանկի ողջ անձնակազմին և անհամբերությամբ սպասում եմ, թե ինչ հետաքրքիր նախաձեռնություններով և հաղթանակներով է  EVOCABANK-ը ներկայանալու 2025 թ.-ին: 

 EVOCABANK-ը Հայաստանի առաջատար թվային բանկերից մեկն է, որը հիմնադրվել է 1990թ.: 2017 թ.-ին վերանվանվելով EVOCABANK՝ բանկը փոխեց իր ռազմավարությունը և բիզնես մոդելը՝ անցնելով mobile-first ֆորմատի։  Բանկն ունի 14 մասնաճյուղ՝ Երեւան, Աբովյան, Գյումրի եւ Վանաձոր քաղաքներում։ EVOCABANK-ի կարգախոսն է՝ «Դեպի նոր իրականություն»: 

GALLERY