lifestyle

Միջոցառումների ոլորտում ավելի քան 10 տարի աշխատելուց հետո, իմ լավ ընկերուհի Մարգարիտա Աղինյանը որոշեց համարձակ քայլ անել և մեկնարկել իր սեփական նախագիծը: 2023 թվականին ծնվեց Majestic Creative Agency-ն՝ հստակ առաքելությամբ. միջոցառումների ասպարեզ բերել նորարարություն, թարմ հայեցակարգեր և իրական ստեղծագործականություն: Վերջին երկու տարիների ընթացքում Majestic-ը հաջողությամբ կյանքի է կոչել բազմաթիվ նախագծեր, որոնցից յուրաքանչյուրն ուներ իր յուրահատուկ փորձը: Հավանաբար տեսել եք համացանցում Courtyard by Marriott Yerevan-ի հանդիսավոր բացումը, որը գրավեց հասարակության ուշադրությունը և սահմանեց նոր չափանիշ:

Չնայած կոմպակտ հիմնական թիմ ունենալուն, Majestic Creative Agency-ն գործում է շատ ավելի մեծ գործակալության ազդեցությամբ և արդյունավետությամբ: Գլխավոր մեխը կայանում է վստահելի մասնագետների ցանցի, անխափան համակարգման և գործնական մոտեցման մեջ, որը ապահովում է, որ յուրաքանչյուր մանրուք անթերի կատարվի: Կարճ ժամանակահատվածում ձեռք բերված գործընկերների թվում են՝ Audi-ն, Porsche-ն, Grohe-ն, Chronograph-ը և շատ ուրիշներ: Պորտֆոլիոն բազմազան է՝ սկսած թեմատիկ ծննդյան երեկույթներից և նրբագեղ հարսանիքներից մինչև բարձրակարգ միջազգային շնորհանդեսներ և հանդիսավոր բացումներ: Հետաքրքիր է, որ Majestic-ի ճանապարհորդությունը նոր է սկսվում. կարծում եմ շուտով նրանց նախագծերը կընդլայնվեն Երևանից դուրս՝ Մարգարիտայի և նրա թիմի ստեղծագործական տեսլականը հասցնելով նոր քաղաքներ և լսարաններ։

 Միջոցառումը, որը տեղի ունեցավ վերջերս Օպերայի և Բալետի ազգային ակադեմիական թատրոնի ետնաբեմում, ապա նաև -4-րդ հարկում` Blūre բրենդի փակ երեկոն էր: Հրավիրված էին միայն կանայք, սակայն վստահ եմ, նրանք էլ չէին պատկերացնում, որ «հայտնվելու են օվկիանոսում»: Տոկիոյից հետևում ու զարմանում էի, թե ինչպես է կարելի նման տարածքում ստանալ անհավանական դեկորացիաներ, վիզուալ և դետալային զարմանալի լուծումներ:

 Ինչո՞ւ եմ շեշտում Ճապոնիան, պարզապես Օսակայում ներկա էի World Expo 2025-ին, որտեղ բազմաթիվ երկրների տաղավարներում հենց նման վիզուալ էի տեսնում ու հավատացեք, այն, ինչ հիմա ես տեսնում եմ ֆոտոշարքով և վիդեոյում, իր որակով չի զիջում այստեղի միջզգային ընկերությունների ներկայացրած աշխատանքին: Բռավո: Չէ, ընկերուհիսա, գուցե դրա համար եմ այսքան գովում, բայց մյուս կողմից, դիտեք ինքներդ, մի"թե սա ֆանտաստիկ աշխատանք չէ: 

Blūre-ը ժամանակակից ոսկյա զարդերի ապրանքանիշ է, որը միավորում է համարձակ դիզայնն ու կանացիությունը։ Օվկիանոսի առեղծվածով ներշնչված՝ զարդերը պատմում են անհատականության և նրբագեղության մասին։ Մեկ տարվա ընթացքում ապրանքանիշը ներկայացրել է հինգ հավաքածու՝ Knots, Allure, Seacut, Wave, Mystic: Այսօր Blūre-ը հասանելի է Chronograph Armenia, Chronograph Georgia խանութ սրահներում, նաև շուտով ներկայացված կլինի Բելառուսում։ Blūre-ի առաքելությունը մնում է անփոփոխ՝ ստեղծել զարդեր, որոնք խոսում են ոճի և անհատականության մասին։ «Blūre» բրենդի «Under the Sea» թեմայով միջոցառումը ոչ միայն գեղագիտական արտահայտություն էր, այլև խորապես կապված էր բրենդի ինքնության՝ նրա DNA-ի հետ։ Ջրի խորքերը խորհրդանշում էին բրենդի էության այն շերտերը, որոնք ընդգծում են խորություն, խորհրդավորություն և բացառիկություն՝ ցույց տալով, թե ինչպես կարող է գաղափարական հիմքը ձևավորել տեսողական և բովանդակային ամբողջություն։