LEVON TRAVEL ընկերությունը նշեց իր 35-ամյակը

LEVON TRAVEL ընկերության հաճախորդները, գործընկերները և հիմնադիր Կարպիս Թիթիզյանի ընկերները օրերս, The Alexander, a Luxury Collection Hotel հյուրանոցում նշում էին LEVON TRAVEL-ի 35-ամյակը: Դեռևս Խորհրդային Հայաստանի պատմության ընթացքում ստեղծված առաջին հայ-ամերիկյան բիզնես նորարարությունը 35 տարի պահպանում է իր դիրքերը տուրիզմի ոլորտում և ժամանակն է արժանվույնս ողջունել LEVON TRAVEL-ի թիմին:

Սայաթ-Նովա 10, (010)-52 52 10
Levon Travel Yerevan
levontravelyerevan

Կամո Թովմասյան

Հայաստանում դժվար է գտնել բիզնեսներ, որոնք իրենց երկարակեցությամբ կարող են համեմատվել հանրապետության անկախության տարիքի հետ։ Levon Travel-ն այն եզակիներից է, որը կազմավորվել է դեռ Խորհրդային Հայաստանում՝ 1989 թվականին։ LEVON TRAVEL-ի մասին խոսելիս, կարող ենք մի քանի անգամ օգտագործել եզակի բառը․ այն ոչ միայն առաջին տուրիստական ընկերությունն էր այլև անկախ Հայաստանի պատմության մեջ առաջին համատեղ հայ-ամերիկյան վենչուրային կազմակերպությունը և իր ժամանակի բիզնես նորարարություններից մեկը։

Կարպիս (Գարբիս) Թիթիզյանը ամերիկահայ գործարար է, ով նշանակալի ներդրում է ունեցել Հայաստանի զբոսաշրջության և մշակույթի ոլորտներում։ 1989 թվականին, հայտնի դերասան Հրանտ Թոխատյանի հրավերով, նա առաջին անգամ այցելել է Հայաստան՝ նպատակ ունենալով ընդլայնել իր գործունեությունը։ Այս այցից հետո նա բացել է LEVON TRAVEL YEREVAN գրասենյակը, որը դարձել է Հայաստանի զբոսաշրջային ոլորտի առաջատարներից մեկը։ Բացի զբոսաշրջությունից, Թիթիզյանը ակտիվ է նաև մշակույթի ոլորտում։ Նա եղել է մի շարք հայ արտիստների պրոդյուսերը՝ նպաստելով նրանց միջազգային ճանաչմանը։ Կարպիս Թիթիզյանը իր գործունեությամբ կամուրջ է հանդիսանում Սփյուռքի և Հայաստանի միջև՝ նպաստելով զբոսաշրջության զարգացմանը և հայկական մշակույթի տարածմանը։

Գործակալությունը ծառայություններ է մատուցում մի քանի սերունդների և դարձել է նրանց հանգստի ու հիշարժան օրերի ուղեկիցը։ Ավելի քան 30 տարվա ընթացքում գործակալությունը շարունակել է աճել և զարգանալ՝ պահպանելով իր որակը և առաջատար դիրքեր ունենալով զբոսաշրջության ոլորտում: LEVON TRAVEL զբոսաշրջային ընկերությունը առաջարկում է ինչպես ներգնա, այնպես էլ արտագնա տուրիստական ծառայություններ՝ ընդգրկելով տարբեր ուղղություններ, այդ թվում՝ ԱՄՆ, Արաբական Միացյալ Էմիրություններ, Բուլղարիա, Եգիպտոս, Թաիլանդ, Իսպանիա, Իտալիա, Կիպրոս, Հունաստան, Մալդիվներ, Ռուսաստան, Վրաստան և Ֆրանսիա։ Գործակալության կոնցեպտը պրոֆեսիոնալ և անհատականացված մոտեցման մեջ է, որի շնորհիվ հաճախորդները դառնում են Levon Travel-ի ընկերները: