GROHE-ի ևս մեկ նոր պաշտոնական մոնոբրենդային շոու-ռումի բացումը

Շոու-ռումի առաջին հարկում առաջին անգամ Հայաստանում ներկայացված է GROHE SPA ենթաբրենդը: GROHE SPA հավաքածուն նախատեսված է բացառիկ հաճախորդների համար, որոնք փնտրում են պրեմիում դասի եզակի ապրանքներ՝ նորարարական տեխնոլոգիաներով և բարձր որակով:

Սայաթ-Նովա 37/65

FB / IG

GROHE SPA-ն առաջարկում է անհատականացման լայն հնարավորություններ՝ շնորհիվ խառնիչների բռնակների գույների և նյութերի բազմազանության: Caesarstone հայտնի ընկերության հետ համագործակցությամբ ստեղծվել են քարե բռնակներ, որոնք շքեղ տեսք ունեն և ընդգծում են սանհանգույցի սեփականատիրոջ նրբաճաշակությունը: GROHE SPA հավաքածուները համապատասխանում են տարբեր ոճերի՝ դիզայնի գեղագիտությունը տատանվում է մինիմալիզմից մինչև դասական և հիմնված է երեք հիմնական սկզբունքների վրա.
Բացառիկություն՝ պրեմիում նախագծերի համար
Փորձառություն՝ 5 զգայարանների համար
Նոր շքեղություն՝ անհատականացված լուծումներ

Reginoks ընկերությունը Հայաստանում GROHE ապրանքանիշի ներկայացուցիչն է արդեն ավելի քան 20 տարի: GROHE-ն համաշխարհային առաջատար է սանհանգույցի և խոհանոցային սարքավորումների համապարփակ լուծումների ոլորտում: 2003 թվականից GROHE-ն նվաճել է ավելի քան 600 մրցանակ դիզայնի ոլորտում: GROHE-ի արտադրական գլոբալ ցանցը ներառում է 5 գործարան՝ 3 Գերմանիայում, 1 Պորտուգալիայում և 1 Թայլանդում: «Pure Freude an Wasser» (թարգմանաբար՝ «Վայելք ջրից»)՝ ընկերության կարգախոսն է, որը հիմնված է չորս հիմնական սկզբունքների վրա՝ բարձր որակ, նորարարական տեխնոլոգիաներ, առաջադեմ դիզայն և բնապահպանության հանդեպ հոգատարություն: Reginoks ընկերությունը հիմնադրվել է 2001 թվականին Լևոն Հարությունյանի կողմից և հետագայում դարձել ընտանեկան բիզնես: 2003 թվականից սկսած՝ ընկերությունը GROHE ապրանքանիշի պաշտոնական դիստրիբյուտորն է Հայաստանում: GROHE շոու-ռումի մեծ բացմանը ներկա էին Reginoks ընկերության հիմնադիր Լևոն Հարությունյանը, գործադիր տնօրեն Դավիթ Հարությունյանը, GROHE ընկերության Կենտրոնական Ասիայի, Կովկասի և Մոնղոլիայի գլխավոր տնօրեն Անաստասիա Բոյկոն, GROHE-ի նախագծային բիզնեսի ղեկավար Սալթանատ Ժումագալին, ինչպես նաև GROHE-ի նախագծային բիզնեսի մենեջերներ Լևան Լոմթաձեն և Նատալյա Գրեկովան:

Բացման պաշտոնական արարողությունից հետո հյուրերը տեղափոխվեցին «Ալեքսանդր» շքեղ հյուրանոց, որտեղ afterparty-ի շրջանակներում տեղի ունեցավ GROHE DESIGN AWARDS 2024 միջազգային մրցույթի հայ հաղթողների պարգևատրման արարողությունը:

Մրցույթում ընդգրկված էին երկու անվանակարգ՝ առևտրային օբյեկտ և բնակելի օբյեկտ: Յուրաքանչյուր անվանակարգում հեղինակավոր ժյուրին ընտրել է երեք հաղթողների, որոնք արժանացել են հետևյալ արժեքավոր մրցանակներին. 1-ին տեղ՝ ճամփորդություն դեպի Ճապոնիա, 2-րդ տեղ՝ GROHE BLUE HOME ջրի ֆիլտրացիայի և գազավորման համակարգ, 3-րդ տեղ՝ GROHE Rainshower System SmartControl Duo 360 ցնցուղային համակարգ: Հաճելի է նշել, որ «Բնակելի օբյեկտ» անվանակարգում 1-ին և 3-րդ տեղերը զբաղեցրել են դիզայն ստուդիաները Հայաստանից:

Ալեքսանդր հյուրանոցում հյուրերը մասնակցեցին նաև բույրերի պատրաստման վարպետության դասին: Հյուրերը վայելեցին նաև եզակի գինու կազինոյի փորձառությունը, Կարինե Առուստամյանի և նրա խմբի ելույթներին, ինչպես նաև DJ Ալեն Հերցի երաժշտական կատարումներին: Հյուրանոցից դուրս, բացօթյա տարածքում, հյուրերը հնարավորություն ունեցան հետևելու ժինգյալով հաց պատրաստման վարպետության դասին: Երեկոն լի էր ժամանցային ծրագրերով, համեղ ուտեստներով և խմիչքներով, որոնք ապահովեցին անմոռանալի ժամանց հյուրերի համար:

Ի դեպ, GROHE SPA-ում օգտագործված են Caesarstone հանրահայտ ընկերության քարերը և Grohe SPA-ն տալիս է անհատականցման լայն հնարավորություններ։ Հավաքածուն ներկայացված էր երեք գաղափարներով. Մարմար՝ կայունություն, հավերժական գեղեցկություն և նրբություն: Մետաղ՝ ճշգրտություն, ուժ և նորարարություն: Ջուր՝ հոսանք, շարժում և բարեկեցություն: