GUAVA NOVA սրահի բացումը Տերյան 52 հասցեում

Սիրով եմ ներկայացնում այս սրահը, քանի որ GUAVA NOVA-ն հայկական բրենդ է, իսկ ցանկացած հայկական արտադրանք արժանի է գնահատանքի, ոգևորման և տարածման։ Հայաստանում արդեն ունենալով հինգ մասնաճյուղ՝ GUAVA NOVA-ն Տերյան 52 հասցեում բացում է իր վեցերորդ սրահը և սիրով սպասում իր այցելուներին արդեն Երևանի սրտում։

Նորաոճ լինելը չի նշանակում օգտվել միայն համաշխարհային պրեմիում դասի բրենդերից, իսկ որակյալ հագուստ ձեռք բերելը՝ միայն բարձր գին վճարել։ GUAVA NOVA-ն շարունակում է հավատարիմ մնալ իր գաղափարախոսությանը՝ ստեղծելով որակյալ, թրենդային, մատչելի և, ամենակարևորը, հայկական արտադրանք։ Նոր սրահը ստեղծվել է հենց այդ գաղափարն ավելի լայն տարածելու, հաճախորդներին և քաղաքի առօրյային հնարավորինս մոտ լինելու նպատակով։

Տերյան 52 հասցեում բացվող սրահը բրենդի զարգացման հերթական կարևոր քայլն է, որի նպատակն է հաճախորդներին ներկայացնել առավել լայն տեսականի, նորաձևության ժամանակակից լուծումներ և բարձրակարգ սպասարկում։ Բացման հյուրերը հնարավորություն ունեցան առաջինը ծանոթանալ GUAVA NOVA-ի նոր հավաքածուներին, ինչպես նաև օգտվել հատուկ առաջարկներից և անակնկալներից։