PROFOOD ARMENIA 2026-ի մեկնարկը տրված է

Ներկա էի PROFOOD ARMENIA 2026-ի բացմանը և ամբողջ օրվա ընթացքում հետևում էր միջոցառման ընթացքին՝ ծանոթանալով մասնակից ընկերություններին, ոլորտային նորություններին, միջազգային հյուրերին և բիզնես համագործակցության հնարավորություններին։

Մուտքն ազատ է, այցելեք նաև հունիսի 20-ին և 21-ին՝ մինչ 20.00, պարզապես մուտքի մոտ պետք է գրանցվել:

PROFOOD ARMENIA-ն երկրորդ տարին անընդմեջ միավորում է արտադրողներին, ներմուծողներին, արտահանողներին, ռեստորանային բիզնեսի ներկայացուցիչներին, գնորդներին և ոլորտի մասնագետներին մեկ հարթակում։ Արդեն առաջին օրը ցուցահանդեսային տաղավարներում տիրում էր ակտիվ աշխատանքային մթնոլորտ․ այցելուները ծանոթանում էին սննդի և խմիչքների արտադրողների նոր առաջարկներին, իսկ ընկերությունները ներկայացնում էին իրենց արտադրանքը և զարգացման ծրագրերը։

Միջոցառման շրջանակում անցկացվում են էքսպո-ցուցադրություններ, խոհարարական մաստեր-կլասներ, HoReCa ոլորտին վերաբերող քննարկումներ, պանելային հանդիպումներ, B2B գործարար բանակցություններ, ինչպես նաև արտահանման և ներմուծման նոր հնարավորությունների ներկայացումներ։ Առաջին օրվանից արդեն մեկնարկել են համագործակցության շուրջ բազմաթիվ հանդիպումներ, որոնք խոստանում են նոր բիզնես կապեր և միջազգային գործընկերություններ։

Այս տարվա PROFOOD ARMENIA-ն առանձնանում է իր միջազգային ընդգրկմամբ։ Հայաստան են ժամանել ճանաչված խոհարարներ, ռեստորատորներ և ոլորտի հեղինակավոր ներկայացուցիչներ, ովքեր մասնակցում են քննարկումներին, վարպետաց դասերին և ներկայացնում համաշխարհային փորձը։

Առաջիկա օրերին մասնակիցներին սպասում են նաև PROCHEF ARMENIA 2026 միջազգային խոհարարական մրցույթը և ARARAT SUMMER CUP 2026 (PROFOOD x ARARAT) մրցույթը, որոնք միջոցառման ամենասպասված իրադարձություններից են։

Ցուցահանդեսի շրջանակում գործում է նաև Food Festival Zone-ը, որտեղ համախմբվել են համեղ ուտեստները, թարմ ըմպելիքները, կենդանի երաժշտությունն ու ժամանցային ծրագրերը։ Առաջին օրվա երաժշտական տրամադրությունն ապահովեց DJ Guevo (Kai)-ն, իսկ հաջորդ օրերին այցելուներին սպասում են նոր երաժշտական կատարումներ և փառատոնային մթնոլորտ։

Եթե դեռ չեք հասցրել այցելել, ապա առջևում ևս երկու հագեցած օր կա՝ նոր համտեսներով, մասնագիտական հանդիպումներով, մրցույթներով, վարպետաց դասերով և հետաքրքիր բացահայտումներով։ Այցելեք PROFOOD ARMENIA 2026 և դարձեք այս մեծ գաստրոնոմիական ու բիզնես իրադարձության մի մասը։