lifestyle

Women’s Wear Daily հեղինակավոր կայքն արդեն ներառել էր HAYELI բրենդը Paris Fashion Week Fall 2025-ի նոր և տարբերվող բրենդերի ցանկում. թողնում եմ հղումը, կարող եք կարդալ հոդվածն ԱՅՍՏԵՂ: HAYELI բրենդը ներկայացնում է բազմաբրենդային Yooto -ն. կարծում եմ՝ բացի օնլայն հարթակից, արդեն հասցրել եք այցելել  Երևան Մոլում գործող նոր սրահը, ինչպես  նաև Հյուսիսային պողոտայում գործող սրահ: Yooto-ն ներկայացնում է «Նորք Գրուպ»-ը, որը 30 տարի առաջ հիմնադրել է Նորայր Խաչատրյանը: Բացի մուլտիբրենդային Yooto-ն, ընկերությունը Հայաստանում և Արևելյան Եվրոպայում պաշտոնապես ներկայացնում է մի շարք  լյուքս դասի բրենդեր, այդ թվում՝ Burberry, Zegna, Casadei, Emporio Armani, Boss, Kenzo, Polo Ralph Lauren, Marc Jacobs, Agent Provocateur, AzatMard և այլք: Mass market-ում ներկայացված բրենդերն են OVS-ը և New Yorker-ը:

HAYELI նախագծի Co-Owner-ը և Art Director-ը նկարիչ Տիգրան Ձիթողցյանն է, իսկ բրենդի Fashion Artistic Director-ը՝ փարիզաբնակ դիզայներ Արմինե Օհանյանը:

Տիգրան Ձիթողցյան ծնվել է Երևանում, նկարել սկսել է 5 տարեկան հասակից ու 10 տարեկանում Հենրիկ Իգիթյանի առաջարկով ներկայացել է անհատական ցուցահանդեսով, որը նաև ցուցադրվել է Իսպանիայում, Ռուսաստանում, Ճապոնիայում, ԱՄՆ-ում։ 2009 թվականից հաստատվել է Նյու Յորքում, սակայն վերջին տարիներին հաճախ կարելի է հանդիպել նրան Հայաստանում, մասնավորապես Ձորաղբյուրում բացված Tigran Art Studio-ում, որը նախորդ տարվա ամենաայցելվող արվեստի կենտրոններից էր։ Հենց այստեղ էլ հանդիպելով Արմինեին՝ Տիգրանը և YooTo թիմը սկսել են վերջինիս հետ համագործակցել՝ համատեղելով Արմինեի hi-tech աշխարհայացքը նկարչի ինովացիոն գործերի հետ, ինչի արդյունքում էլ ծնվել է HAYELI-ն:

Արմինե Օհանյանը 2017 թվականից ղեկավարում է իր՝ Armine Ohanyan PARIS ապրանքանիշը և նորեկ չէ Paris Fashion Week-ում: Արմինեն մասնակցել է Փարիզի և Վանկուվերի նորաձևության շաբաթներին. նրա մասին գրել են ֆրանսիական, իտալական, բրիտանական Vogue ամսագրերը և անդրադարձել են համաշխարհային նորաձևության բլոգերներ: Իր բրենդի համար Արմինե Օհանյանը օգտագործում է եռաչափ տպագրություն և այլ նորագույն տեխնոլոգիաներ. նա միշտ հաճույք է ստացել հնաոճ արհեստագործական տեխնիկայի և տեխնոլոգիայի հակադրությունից:

HAYELI-ն միավորում է նորաձևությունն ու արվեստը՝ Ձիթողցյանի «Հայելիներ» դիմանկարների շարքը ներկայացնելով եռաչափ տպագրությամբ և նորագույն տեխնոլոգիաներով՝ ի պատասխան սոցիալական մեդիայում մեր ներկայիս մշակութային մոլուցքի: Հրաշալի էր ընտրված ցուցադրության վայրը. Տոկիոյի պալատը Փարիզի ամենահեղինակավոր ժամանակակից արվեստի կենտրոններից է:

Բեմադրությունը և երաժշտությունը Hayeli-ի առաջին ցուցադրությունը վերածեցին թատերական պերֆորմանսի, որը, վստահ եմ, վայելեցին բոլոր հյուրերը։ Ի դեպ, իմ ինստագրամյան էջում կարող եք դիտել հատուկ ռիլ, որտեղ հյուրերը և հենց հեղինակները կիսվում են իրենց տպավորություններով:

Անչափ հաճելի էր տեսնել, որ հյուրերի մի մասը ժամանել էր հենց Հայաստանից՝ ներկա լինելու ցուցադրությանը:HAYELI-ի առաջին հավաքածուն համադրում էր բնական նյութերը, ինչպես մետաքսե օրգանզան է՝ ոսպնյակավոր գործվածքներով. բոլորը ձեռագործ են՝ ստեղծված Արմինեի փարիզյան ստուդիայում:

Ինովացիոն և բարդ հավաքածուին զուգահեռ՝ ապրանքանիշը կմշակի ավելի մատչելի և առօրյա ապրանքատեսակներ, այդ թվում՝ շապիկներ, որոնք հասանելի կլինեն ավելի լայն սպառողների շրջանում: 

Շուտով հնարավորություն կունենաք գնել HAYELI-ի տեսականին yooto.online կայքում, Երևանում գործող ֆիզիկական սրահներում, իսկ մեկ տարվա ընթացքում նախատեսվում է նաև բացել HAYELI սրահ նաև ԱՄՆ-ում: