«ՀԱՅ ՄԱՅՐԵՐ» բարեգործական Գալա ընթրիք 2024-ը և հյուրերը

2012 թվականից ի վեր «ՀԱՅ ՄԱՅՐԵՐ» բարեգործական ՀԿ-ը Մանկական Ուղեղային կաթվածով հաշմանդամություն ունեցող երեխաների և նրանց ընտանիքների կողքին է: Նրանց շնորհիվ հաշմանդամություն ունեցող տարեկան 700 երեխաներ ստանում են վերականգնողական բուժում «ԵՐԱԶԻ ՏՈՒՆ» ներառական և վերականգնողական կենտրոններում:

Այս տարիների ընթացքում արդեն իսկ մատուցվել է ավելի քան 9259 կուրս վերականգնողական թերապիա, երեխաներին նվիրել են 920 հատուկ գույք և մարզասարք, նրանց ֆինանսական աջակցությամբ իրականացվել է 13 վիրահատություն, 431 հաշմանդամություն ունեցող երեխաների մայրեր, ինչպես նաև զոհված հերոսների ընտանիքի անդամ-կանայք ստացել են մասնագիտություններ ու անհրաժեշտ պարագաներ և արդեն կարողանում են ինքնուրույն աշխատել ու հոգալ իրենց ընտանիքների կարիքները: «ՀԱՅ ՄԱՅՐԵՐ» բարեգործական ՀԿ-ն նաև մշտապես եղել է արցախցի մեր հայրենակիցների կողքին:

Երեկոյի ընթացքում իրականացրեցին բարեգործական աճուրդ, որի ընթացքում հավաքագրված ամբողջ գումարն ուղղվելու է հաշմանդամություն ունեցող երեխաների վերականգնողական բուժմանը 2025 թվականի ընթացքում: Աճուրդում ներկայացվեցին Էմիլ Գրիգորյան բրենդի ոսկյա յուրահատուկ մետաղադրամը, Nissi ընկերության Սիրո յուրահատուկ խորհրդանիշ զարդը, Lune ընկերությունից «Балет Маскарад» հավաքածուն, նկարչուհիներ Լուսինե Դանիելյանի և Նելլի Նազարյանի (Nelli Iziil) բացառիկ կտավները, LaGalleria ընկերության կողմից տրամադրված Stefano Ricci իտալական բրենդի Ամանորի խաղալիքները և Spainsive store ընկերության կողմից տրամադրված Etro բրենդի ամենահարմար ու ամենամոդայիկ պայուսակը:

Այս տարի նաև անակնկալ նվերներ ունեին հյուրերը, երեկոյի ընթացքում իրականացվեց խաղարկություն և ներկաները շահեցին յուրահատուկ նվերներ, ինչի համար «ՀԱՅ ՄԱՅՐԵՐԸ» շնորհակալություն է հայտնում DF project-ին, Սիր Քոչարին, Status Showroom-ին, Ma Cherie-ին, Lamiri-ին, Silveron-ին և LXR by Kristy-ին: Իսկ Sorridi ստոմոտոլոգիական կլինիկան 10 մայրերի նվիրեց կլինիկայի նվեր-քարտերից:

Շնորհակալ ենք բոլորին կարևոր ներդրման համար: Հյուրերը բարձրակարգ երաժշտությանը զուգահեռ վայելեցին Նոր Արենի գինին, իսկ բոլոր նրանք, ովքեր մասնակցեցին աճուրդին և իրենց կատարումներով զարդարեցին երեկոն ստացան նվեր-գինիներ Նոր Արենիի կողմից: Սրահի ձևավորման համար հատուկ շնորհակալությկուն Marmelada ընկերությանը: