Հանրապետության գլխավոր տոնածառը և Ամանորյա տոնավաճառի մեկնարկը

Հանրապետության գլխավոր տոնածառի և քաղաքի լույսերի միացման արարողությունն այս տարի Խաչատրյանական շնչով էր՝ ընդգծելով հայ հանճարի 120-ամյակը, որ լրացավ 2023-ին։ Ամեն ինչ շքեղ էր և մասշտաբային, դե Արամ Խաչատրյանի ստեղծագործություններն էլ ավելի տոնական էին դարձնում հրապարակը: Հրավառության մասին էլ խոսք չկա, մի պահ մեր հրապարակն իրոք վերածվեց դիսնեյի հեքիաթի....

Կարեն Դավթյան
Կամո Թովմասյան

Տոնական միջոցառմանը Երևանի քաղաքապետ Տիգրան Ավինյանի հետ մասնակցեցին արցախցի փոքրիկներ՝ համախմբվելով ու միավորվելով խորհրդանշական միջավայրի շուրջ: Հանրապետության գլխավոր տոնածառի հետ միաժամանակ միացան նաև վարչական շրջանների տոնական լուսավորությունը: Բեմում էին Հայաստանի պետական սիմֆոնիկ նվագախումբը, "Բարեկամություն" անսամբլը, Swag Art School-ը, Արամ MP3-ն, Սրբուկը և DJ Jokey-ը:

Այսօր նաև հրապարակի հարևանությամբ բացվեց ամանորյա տոնավաճառը: Հաշվի առնելով ծրագրի բարեգործական ու սոցիալական բաղադրիչը՝ այս տարի 16 տաղավար անվճար տրամադրվել է Արցախից բռնի տեղահանված մեր հայրենակիցներին՝ աջակցելու և զարգացնելու ձեռնարկատիրական հմտությունները: Ի դեպ, Երևանի քաղաքապետարանի կողմից տեղադրված էր երկու անվաճար կարուսելներ երեխաների համար: Տնակներում ներկայացված էին նաև տեղական արտադրողները: Տոնավաճառը կգործի մինչ հունվարի 14-ը: