Elise Boghossian-ի «Light & Hope» բարեգործական գալա ընթրիքը

Մշակութային և բարեգործական նախաձեռնությունների կազմակերպիչ Elise Boghossian-ը օրերս, Արմենիա Մարիոթ հյուրանոցում կազմակերպել էր «Light & Hope» բարեգործական գալա ընթրիք նվիրված հայ երեխաներին, որի բացառիկ դեսպանն էր աշխարհահռչակ հայազգի պարֆյումեր Ֆրանսիս Քուրքջյանը: Միջոցառման հատուկ հյուրերն էին Անդրեն, Աստրիդ Սիրանոսյանը, Արփին և այլք:

Հայկ Շաբանյան
Կամո Թովմասյան

Ժամանակակից աշխարհում, որտեղ պատերազմներն ու հումանիտար ճգնաժամերը շարունակում են ազդել միլիոնավոր մարդկանց կյանքի վրա, կան անհատներ, որոնք իրենց կյանքը նվիրում են ուրիշներին օգնելու գործին։ Այդպիսի բացառիկ մարդկանցից մեկն է Elise Boghossian, ֆրանսահայ մարդասիրական գործիչ, ով հանդիսանում է Elise Care կազմակերպության հիմնադիրն ու նախագահը։

Հասկանալով, որ աշխարհի բազմաթիվ տարածաշրջաններում մարդիկ զրկված են նույնիսկ տարրական բժշկական օգնությունից, նա հիմնեց Elise Care կազմակերպությունը։ Այս նախաձեռնության նպատակն է աջակցել պատերազմներից, բռնություններից և աղետներից տուժած մարդկանց՝ ապահովելով նրանց առողջապահական և հոգեբանական օգնություն։ Էլիս Բողոսյանի գործունեությունը չի սահմանափակվում մեկ երկրով։ Նրա կազմակերպությունը ծրագրեր է իրականացնում տարբեր ճգնաժամային գոտիներում, այդ թվում՝ Հայաստան և Արցախ, Մերձավոր Արևելքի երկրներ (Սիրիա, Լիբանան, Իրաք), Աֆրիկայի որոշ տարածաշրջաններ: Այս երկրներում նա և իր թիմը աջակցում են հազարավոր մարդկանց՝ օգնելով հաղթահարել պատերազմի և բռնության հետևանքները։

Elise Care-ի գործունեությունը առանձնանում է իր համապարփակ մոտեցմամբ․ ֆիզիկական բուժում, հոգեբանական աջակցություն, ցավի կառավարման նորարարական մեթոդներ: Այս մոտեցումը թույլ է տալիս ոչ միայն բուժել մարդկանց, այլ նաև օգնել նրանց վերականգնել կյանքի որակը։ Elise Boghossian-ը այն մարդկանցից է, ովքեր իրենց աշխատանքով ապացուցում են, որ մարդասիրությունը սահմաններ չունի։ Նրա հիմնադրած Elise Care կազմակերպությունը դարձել է հույսի աղբյուր հազարավոր մարդկանց համար՝ աշխարհի տարբեր անկյուններում։

www.elisecare.org

FB / IG