L’Orange Gold սրահը ներկայացրեց իր նոր Hublot corner-ը

Hublot-ը շվեյցարական շքեղ ժամացույցների արտադրող է, որը հիմնադրվել է 1980 թվականին՝ Իտալացի ձեռնարկատեր Կառլո Կրոկոյի կողմից։ Բրենդը արագ առանձնացավ ժամացույցների աշխարհում՝ առաջինը համատեղելով ոսկին և ռետինը մեկ դիզայնի մեջ, ինչը այն ժամանակ համարվում էր անսովոր և նույնիսկ հեղափոխական մոտեցում։

Hublot-ի հիմնական ինքնությունը կառուցված է ժամացույցների նորարարական դիզայնի վրա։ Առաջին մոդելը առանձնանում էր պարզ, բայց համարձակ գաղափարով՝ շքեղ ոսկյա պատյան + սպորտային ռետինե ժապավեն։ Սա ստեղծեց «Art of Fusion» գաղափարը՝ տարբեր նյութերի համադրության արվեստը, որը դարձավ բրենդի ստորագրությունը։ 2004 թվականից, երբ ղեկավարությունը ստանձնեց Ժան-Կլոդ Բիվերը, Hublot-ը սկսեց արագ զարգանալ՝ կենտրոնանալով բարձր տեխնոլոգիական մեխանիկական ժամացույցների վրա։

2008 թվականին Hublot-ը միացավ LVMH խմբին։ Այս գործընկերությունը բրենդին հնարավորություն տվեց արագ զարգանալ և ամրապնդել իր դիրքերը միջազգային շուկայում՝ պահպանելով իր ստեղծագործական ինքնությունը։ LVMH-ի կազմում Hublot-ը սկսեց ակտիվ զարգացնել իր արտադրական և դիզայներական ուղղությունը՝ ստեղծելով աշխարհահռչակ ժամացույցների հավաքածուներ, ինչպիսիք են Big Bang-ը, Classic Fusion-ը և Spirit of Big Bang-ը։ Բրենդը առանձնանում է բարձր տեխնոլոգիական նյութերի կիրառմամբ՝ կարբոն, կերամիկա, տիտան և սափիր, ինչպես նաև ժամանակակից, սպորտային և շքեղ դիզայնի համադրությամբ։

Hublot-ը Հայաստանում պաշտոնապես ներկայացված է Աբովյան 11 հասցեում գործող L’Orange Gold սրահում՝ 2009 թվականից։ L’Orange Gold սրահը ներկայացնում է նաև Cartier, Hublot և Blancpain ժամացույցներ, ինչպես նաև բացառիկ ոսկյա զարդեր՝ Crivelli, Pasquale Bruni, Mikimoto և Giorgio Visconti բրենդերից։ Սրահում կգտնեք նաև ժամացույցների և զարդերի ինքնատիպ աքսեսուարներ՝ Swiss Kubik և Scatola del Tempo ապրանքանիշերից։

Hublot-ը հայտնի է նաև մարքեթինգային ազդեցիկ համագործակցություններով համաշխարհային ճանաչում ունեցող աստղերի հետ։ Ֆուտբոլի աշխարհում Hublot-ը համագործակցել է լեգենդար և ժամանակակից աստղերի հետ։ Նրանց թվում են եղել Pelé-ն և Diego Maradona-ն, ովքեր համարվում են ֆուտբոլի պատմության ամենամեծ անուններից։ Ժամանակակից ֆուտբոլում բրենդի դեսպաններից է Kylian Mbappé-ն, ինչպես նաև մարզիչ José Mourinho-ն, աշխարհի չեմպիոն Didier Deschamps-ը և իհարկե թենիսիստ Նովակ Ջոկովիչը, ովքեր տարբեր նախագծերում ներկայացրել են Hublot-ի արժեքները։ Սպորտի այլ ոլորտներում Hublot-ը համագործակցել է նաև աշխարհի ամենաարագ մարդու՝ Usain Bolt-ի հետ, ինչպես նաև NBA-ի հայտնի խաղացողներ Dwyane Wade-ի և Pau Gasol-ի հետ։ Այս համագործակցությունները ընդգծում են բրենդի կապը արագության, ճշգրտության և բարձր կատարողականության գաղափարների հետ։ Երաժշտության և ժամանցի ոլորտում Hublot-ը նույնպես համագործակցել է համաշխարհային աստղերի հետ, որոնց թվում են Jay-Z-ն, Burna Boy-ը և DJ Snake-ը։ Նրանք ներկայացնում են բրենդի ժամանակակից, երիտասարդական և ստեղծագործական կերպարը։

Hublot բրենդի ձեռագիրն այսօր առանձնանում է բարձրակարգ մեխանիկական ժամացույցներով՝ հաճախ սեփական in-house մեխանիզմներով, հատուկ նյութերի օգտագործում (կարբոն, կերամիկա, տիտան, սափիր), սպորտային ու շքեղ դիզայնի համադրությամբ, ինչպես նաև ընդգծվում է «Big Bang», «Classic Fusion» և «Spirit of Big Bang» հավաքածուներով: Այսօր Hublot-ը համարվում է ժամանակակից շքեղության և տեխնոլոգիական փորձարկումների համադրության խորհրդանիշ՝ հատկապես իր ժամացույցներով, որոնք հաճախ օգտագործվում են ինչպես սպորտային, այնպես էլ բարձր նորաձևության ոլորտներում։

Աբովյան 11 / L’Orange Gold

010-51 60 24

FB / IG