EXCLUSIVE! Մեյ Մասկը ներկայացրեց YoHealth-ը՝ Dubai AI Week 2025-ի ընթացում

Աշխարհահռչակ մոդել, սննդաբան և հանրային խոսնակ Մեյ Մասկը (Իլոն Մասկի մայրը) հանդիսացավ YoHealth թվային պլատֆորմի հատուկ ներկայացուցիչը Dubai AI Week 2025 միջոցառման ընթացքում։ Նա հանդես եկավ ելույթով՝ ներկայացնելով հավելվածի ներուժը առողջ ապրելակերպի և արհեստական բանականության (AI) համադրման ոլորտում։ Ես մեկնել էի Դուբայ՝ ներկայացնելու Ձեզ այս բացառիկ միջոցառումը:

Հայկ Շաբանյան
Կամո Թովմասյան

Բացի Մեյ Մասկը YoHealth քննարկմանն առաջին անգամ որպես խոսնակ ներկայացավ YoHealth-ի համահիմնադիր Վիգեն Բադալյանը, ինչպես նաև նախկին պրոֆեսիոնալ ֆուտբոլիստ, այժմ մարզական մեկնաբան և վերլուծաբան՝ Պատրիս Էվրան։ YoHealth հավելվածը հայկական նորարարական պլատֆորմ է, որը խրախուսում է առողջ ապրելակերպը՝ քայլերը վերածելով պարգևների։ Այն հասանելի է ինչպես Android, այնպես էլ iOS սարքերի համար։ Հավելվածը հաշվում է ձեր քայլերը և թույլ է տալիս դրանք փոխանակել նվերների, զեղչերի կամ նույնիսկ կրիպտոարժույթի՝ FTN-ի հետ։ Օգտատերերը կարող են մասնակցել ամենօրյա, շաբաթական և ամսական մարտահրավերների՝ մրցելով ընկերների հետ։ Բիզնեսները կարող են ներկայացնել իրենց բրենդները հավելվածում՝ առաջարկելով հատուկ առաջադրանքներ օգտատերերին։ Ներբեռնել հավելվածը կարող եք ԱՅՍՏԵՂ:

Մեյ Մասկը կանադա-ամերիկյան մոդել և սննդաբան է, ով հայտնի է իր երկարամյա մոդելային կարիերայով և նաև որպես Իլոն Մասկի մայրը։ Նա դարձել է ոգեշնչող կերպար՝ հատկապես իր տարիքային սահմանները հաղթահարելով մոդելային ոլորտում։ Հեղինակել է "A Woman Makes a Plan" գիրքը, որտեղ կիսվում է կյանքի փորձով, դժվարություններով և հաջողության հասնելու ուղիներով։ Հաճախ ելույթ է ունենում միջազգային հարթակներում՝ խոսելով կանանց իրավունքների, տարիքային ստերեոտիպերի հաղթահարման և ինքնահավանության մասին։

Dubai AI Week-ը տարածաշրջանի խոշորագույն արհեստական բանականությանը նվիրված միջազգային միջոցառումն է, որը միավորում է տեխնոլոգիական ընկերություններ, նորարարական ստարտափներ, ներդրողներ, պետական ու մասնավոր հատվածի ներկայացուցիչներ՝ քննարկելու AI-ի ներկան, ապագան և դրա կիրառումները իրական կյանքում։

Միջոցառման մասնակցում էին նաև առաջատար ընկերություններ, ինչպես՝

• Google DeepMind՝ ներկայացնելով իրենց վերջին AI մոդելները.

• Microsoft AI՝ կենտրոնանալով արհեստական բանականության տվյալների վերլուծության վրա.

• NVIDIA՝ ներկայացնելով AI-ի արագացված համակարգչային լուծումներ.

• OpenAI՝ ելույթով GPT-ների կիրառման մասին և հոգեկան բարեկեցության ոլորտներում.

YoHealth-ի մասնակցությունն AI Week-ին ամրապնդեց դիրքերը որպես առաջատար խաղացող՝ AI-ի և առողջապահության հատման կետում։ Սա ևս մեկ քայլ է դեպի առողջ ապագա՝ տեխնոլոգիական առաջընթացի շնորհիվ։

«Ես հավատում եմ, որ առողջ ապրելակերպը պետք է լինի յուրաքանչյուրի հասանելիության ներքո, և YoHealth-ը հենց դա է անում՝ արհեստական բանականության միջոցով հասանելի դարձնելով անհատականացված խնամքը», – նշեց Մեյ Մասկը։ Վիդեո տարբերակը՝ ԱՅՍՏԵՂ: