EXCLUSIVE! Արման Ծառուկյանը՝ YoHealth հավելվածի միջոցառմանը Դուբայ Մոլի ftNFT Phygital Space-ում

Ինչպես գիտեք, աշխարհահռչակ MMA մարզիկ Արման Ծառուկյանը միացել է YoHealth հավելվածի թիմին՝ դառնալով YoHealth-ի նոր պաշտոնական ամբասադորը։ Ապրիլի 21-ին Դուբայի ftNFT Phygital Space-ում տեղի ունեցավ հատուկ միջոցառում՝ նվիրված այս համագործակցությանը։ Արմանը՝ առողջ ապրելակերպի հետևորդ և սպորտային ոգու մարմնավորումը, իր փորձով և էներգիայով ոգեշնչում է հազարավոր օգտատերերի ավելի առողջ և հավասարակշռված կյանք վարելու համար։ Ես մեկնել էի Դուբայ՝ հանդիպելու Արմանին և պատմելու Ձեզ միջոցառման մասին:

Հայկ Շաբանյան
Կամո Թովմասյան

Արման Ծառուկյանը հանդիպեց իր հետևորդների հետ, շփվեց նրանց հետ ջերմ մթնոլորտում, կիսվեց իր առողջ ապրելակերպի գաղտնիքներով՝ ընդգծելով ֆիզիկական ակտիվության, սննդակարգի և մենթալ կայունության կարևորությունը։ Միջոցառումն իսկական տոն դարձավ մարզիկի երկրպագուների համար՝ ոգեշնչման, խաղի և առողջության շուրջ միավորված մեկ հարթակում։

Փակ միջոցառման տոմսերը հնարավոր էր ձեռք բերել միայն 1000 քայլի դիմաց՝ YoHealth հավելվածում։ Սա YoHealth-ի նորարարական մոտեցումն է՝ առողջ ապրելակերպը խրախուսելու և դրա դիմաց իրական, արժեքավոր փորձառություններ առաջարկելու ճանապարհով։ YoHealth-ում յուրաքանչյուր քայլ կարևոր է։ Հավելվածը թույլ է տալիս հավաքված միավորները փոխանակել բոնուսների, առողջապահական ծառայությունների, անհատական խորհրդատվությունների, ինչպես նաև նման բացառիկ միջոցառումների տոմսերի հետ։ Եվ սա դեռ ամենը չէ։

Շուտով կներկայացվի նոր՝ YoVoice պլատֆորմը, որտեղ դուք կկարողանաք միավորներ վաստակել ձեր կարծիքները, արձագանքները և ձայները հայտնելու միջոցով։ Այս միավորներն էլ իրենց հերթին կարող են փոխվել նույն տեսակի յուրահատուկ բոնուսների և միջոցառումների հրավիրագրերի։ Միացիր YoHealth-ին՝ քայլելով առողջ ապրելակերպի ճանապարհով՝ Արման Ծառուկյանի օրինակով։