Forever Young! Մարգարիտա Գրիգորյանը նախանձելի շուքով նշեց ծննդյան տոնը

Սեպտեմբերի 11-ին Մարգարիտա Գրիգորյանը ոչ թե պարզապես նշեց ծննդյան տարեդարձը, այլ տվեց իր հինգերորդ տասնամյակի վառ մեկնարկը։

Kamo Tovmasyan

Տեսալսողական և մեդիայի ինդուստրիալ կոմիտեի նախգահ Մարգարիտա Գրիգորյանը հայաստանյան մեդիաաշխարհի այն եզակի դեմքերից է, որի շուրջը միավորվում են ամենատարբեր ոլորտների ազդեցիկ մարդիկ։ Այս անգամ էլ հրավիրյալների թիվը անցնում էր 120-ը․ շոու-բիզնեսի ճանաչված ներկայացուցիչներ, լրագրողներ, հեռուստաընկերությունների հիմնադիրներ ու ղեկավարներ, բիզնեսի առաջնորդներ և պաշտոնավոր անձինք։

Երեկոն անցկացվեց բացառիկ ձևաչափով NAG ռեստորանում՝ համադրելով բացօթյա ու փակ տարածքների մթնոլորտը։ Ամեն ինչ մանրակրկիտ մտածված էր, սակայն հյուրերին սպասվում էր նաև մի անակնկալ․ Մարգարիտան, մնալով հավատարիմ իր արտիստիկ բնավորությանը, բեմ բարձրացավ SWAG պարային խմբի տղաների հետ և ներկայացրեց հատուկ պատրաստված համար New York, New York երգի ներքո։ Այս ելույթը ոչ միայն ուրախացրեց հյուրերին, այլև ևս մեկ անգամ հաստատեց, որ նա միշտ կարողանում է զարմացնել և ոգեշնչել։

Երեկոյի քաղցր ավարտին սպասում էր տորթը՝ նույնքան նրբաճաշակ, որքան տոնի տիրուհին։ Այն պատրաստել էր մեր սիրելի Գայանեն( gayane_pastry )՝ դարձնելով համեղ արվեստի գործ։