lifestyle

Ապահովություն և հարմարավետություն․ այսօր վստահաբար կարող ենք ասել, որ հնարավոր է բազմապրոֆիլ հզոր բժշկական կենտրոնում ստեղծել փոքր էսթետիկ կենտրոն՝ իր առանձնակի գրավչությամբ և հարմարավետությամբ: Բացման արարողությանը առողջապահության նախարար Անահիտ Ավանեսյանը ընդգծեց, որ բժշկական ծառայությունները պետք է լինեն անվտանգ, բարձրորակ և համապատասխան միջազգային ստանդարտներին։ 

«Աստղիկ» ԲԿ-ն հետևողականորեն իրականացնում է այդ սկզբունքները՝ դեռևս 2022թ-ից ներդնելով JCI ստանդարտները, որոնք համարվում են աշխարհում պացիենտի անվտանգության լավագույն համակարգերից մեկը։

Դանիել Վարուժան 28

(011) 66 77 88

www.mcastghik.com

ՖԵՅՍԲՈՒՔ / ԻՆՍՏԱԳՐԱՄ

Վերաբացված բաժանմունքը հիվանդանոցի շարունակական զարգացման կարևոր փուլերից մեկն է։ Այն կնպաստի ոչ միայն կենտրոնի հեղինակության բարձրացմանը, այլև մեր քաղաքացիների առողջության պահպանմանը և բարելավմանը։ «Աստղիկ» ԲԿ-ն շարունակաբար զարգանում է՝ նպատակ ունենալով ապահովել լավագույն պայմաններն ու ծառայությունները մեր հանրության համար։

«Աստղիկ» ԲԿ-ում յուրաքանչյուր պացիենտ մինչև վիրահատությունը անցնում է մանրակրկիտ հետազոտություն․ գնահատվում են բոլոր հնարավոր ռիսկերը, իսկ անհրաժեշտության դեպքում իրականացվում է նախնական բուժում։ Այս մոտեցումը գրեթե զրոյի է հավասարեցնում հետվիրահատական բարդությունների վտանգը։

«Աստղիկ» բժշկական կենտրոնը, հանդիսանալով «Մալաթիա» հիվանդանոցի իրավահաջորդը, չնայած իր կեսդարյա պատկառելի տարիքին՝ այսօր արդեն ներկայանում է նորովի և քայլում է ժամանակին համընթաց։ 2012թ.-ին գերմանացի ճարտարապետների նախագծով սկսվեց կառուցվել «Աստղիկ» բժշկական կենտրոնը, կատարվեց շուրջ 30 մլն եվրոյի ներդրում, կենտրոնը հագեցվեց ժամանակակից հզոր սարքավորումներով, որոնցից շատերը եզակի են ոչ միայն հանրապետությունում, այլև ամբողջ տարածաշրջանում։ Նախկին 5 բաժանմունքի փոխարեն ներկայում բժշկական կենտրոնն ունի արդեն 55 բաժանմունք և ավելի քան 1800 աշխատատեղ։ Վերազինումից և մասնագիտական թիմի համալրումից հետո կենտրոնի ղեկավարությունը ստանձնեց միջազգային սերտիֆիկացման գործընթացները՝ ստանալով նախ ISO։9001 ապա JCI․ ՈՐԱԿԻ ՈՍԿԵ ՍՏԱՆԴԱՐՏ միջազգային հավաստագրերը։

«Աստղիկ» ԲԿ-ն համաշխարհային չափանիշներին համապատասխան կառուցված բացառիկ կենտրոն է, և սա վերաբերում է ամեն ինչին՝ օդափոխությանը, սեփական թթվածնային համակարգին, վիրահատարանների հարդարմանը, սարքավորումներին, լույսերին, անվտանգության համակարգին, բուժքույրերին կանչելու համակարգին։ ԲԿ-ն ունի թթվածնի կենտրոնական մատակարարման համակարգ։ Կենտրոնն ունի 21 վիրասրահ, որից յուրաքանչյուրն ունի առանձին օդափոխման համակարգ, վիրասրահ մտնող օդը մաքրվում է սեփական օդազտիչների միջոցով՝ ապահովելով 95.5 տոկոս վարակազերծում։

«Աստղիկ» ԲԿ-ն առանձնանում է իր պրոֆեսիոնալ բուժանձնակազմով, որն ակտիվ համագործակցում է ՌԴ-ի, Եվրոպայի և ԱՄՆ-ի առաջատար կլինիկաների հետ, որտեղ կենտրոնի մասնագետները պարբերաբար վերապատրաստվում են։ Կենտրոնն ակտիվ համագործակցում է նաև ՀՀ մարզերի բուժկենտրոնների հետ՝ ոչ միայն տեղում բարեգործական այցեր կազմակերպելով, այլև տեղի մասնագետների հետ սեմինարներ, գիտաժողովներ և փորձի փոխանակում իրականացնելով։ Դրանով հանդերձ կենտրոնի գնային քաղաքականությունը չի փոխվել և բկ-ում ծառայությունների արժեքը շարունակում է մնալ նույնը, այսինքն՝ միջինից էլ ցածր։