Ալյոնա Կոննովայի MOMENT of WHITE հայկական բրենդի առաջին ցուցադրությունը և հյուրերը

MOMENT of WHITE-ը բացելով իր ստուդիա-ատելյեի դռները Երևանում՝ թարմ շունչ է բերում հարսանյաց նորաձևության աշխարհ: Հատուկ ուշադրություն է դարձվում զգեստների ոչ միայն արտաքին, այլև ներքին զարդարանքի վրա: Կարերը և զգեստների ներսի հատվածները վերջնամշակվում և հարդարվում են ձեռքով, որը իրականացվում է կուտյուրային մեթոդների կիրառությամբ: Ալյոնա Կոննովայի դիզայնի և կոնստրուկցիայի նախկին փորձը թույլ է տալիս ստեղծել շքեղ սիլուետներ, որոնք ընդգծում են հարսնացուի անհատականությունը:

Զգեստի ստեղծման ընթացքում հարսնացուի հետ միասին քննարկվում նրա կյանքի այն արժեքավոր «պահերը», որոնք նա կցանկանար պսակադրության օրը իր հետ տանել իր տնից, իր անցյալից դեպի նոր կյանք: Այդ «պահերը կարվում են» զգեստի ներքին հարդարման մեջ: Դա կարող է լինել օր.`ասեղնագործած կարևոր արտահայտություն կամ ամսաթիվ, ինչպես նաև աստառի համար հնարավոր անհատական տպագրության մշակում և այլն: Հիմնական գաղափարը հարսնացուի ներաշխարհի և հանդերձանքի միջև հատուկ տարածություն և վիճակ պահպանելն է, ուստի հատուկ ուշադրություն է դարձվում զգեստի մշակմանը, այս գաղտնիքը թողնելով միայն հարնացուին։

Հավաքածուն ներառում է նաև հարսանյաց վերարկու-զգեստ՝ հետևի մասում շքեղ շղարշով՝ կարված հեղուկ-ոսկի կոչվող կտորից, այնուհետև այն կարելի է փոխարինել մինիով՝ Hubert Givenchy-ի ոգով, երբ նա ստեղծագործել էր Օդրի Հեփբերնի համար: Կամ կարող եք ընտրել այլ տեսք և հայտնվել բաճկոնով կամ կորսետի մեջ՝ հստակ և զուսպ սիլուետով՝ ոգեշնչված Cristobal Balenciaga-ի կուտյուրային էսթետիկայից, ում վարպետության և ճարտարապետական ձևի գաղտնիքները Ալյոնան սովորել է Իսպանիայի Museo Cristóbal Balenciaga-ի առընթեր դասընթցներին: MOMENT of WHITE ապրանքանիշը ձգտում է օգնել յուրաքանչյուր հարսնացուի իր յուրահատուկ օրն իրեն զգալ ամենագեղեցիկ և ինքնավստահ աղջիկը: Հարսանյաց զգեստներն արդեն հասանելի են Երևանի ստուդիա-ատելիեում դիտելու և պատվիրելու համար, ինչպես նաև առցանց խորհրդատվության ձևաչափով։

MOMENT of WHITE-ի ստեղծումը Հայաստանում, որպես հայկական ապրանքատեսակ կարիք ուներ լրջագույն աջակցության, և ինչպես դիզայները նշեց իր խոսքում այս խնդիրը իր լուծումը գտավ տիկին Գևորկյան Մարետայի նամակից ապա և զանգից հետո: Այս նախաձեռնությունը մաս է կազմում մեծ ծրագրի, որը շատ ավելի լայն է և բազմաշերտ: Ալյոնա Կոննովայի և Մարետա Գևորկյանի միջև համագործակցությունը առաջին հերթին, իհարկե միտված է MOMENT of WHITE-ը, որպես հայկական լյուքս դասի բրենդ, դարձնել ճանաչելի ամբողջ աշխարհում: Դրա հետ զուգահեռ, հաշվի առնելով նորաձևության ոլորտում Ալյոնայի ահռելի գիտելիքներն ու փորձը նախատեսվում է մշակել դասընթացների ծրագիր, որի շրջանակներում նա իր գիտելիքները կփոխանցի Հայաստանի երիտասարդ մասնագետներին: Այս համագործակցությունը կարող է շատ վառ օրինակ ծառայել այն մարդկանց համար, ովքեր ցանկանում են տեղափոխվել Հայաստան իրենց մասնագիտական փորձն ու գիտելիքները ներդնել մեր երկրում և ստեղծել նոր ընկերություններ տարբեր ոլորտներում: