Նախ՝ շատ հաճելի է, որ Հայաստանում բացվել է նոր, շատ շքեղ մոլ, այն էլ Կոտայքի մարզում: Ինչպես նկատում եք, մեքենաները կայանելու խնդիր չկա, նաև առկա էր էլեկտրոնային մեքենաների լիցքավորման կայան, դա արդեն առաջին դրական կողմն էր: Երկհարկանի շքեղ մոլը գովազդվում էր, որպես միակը և առաջինը Հայաստանում՝ ողջ տարին զեղչված տեսականիով: Այո, գրեթե բոլոր սրահներում հիմնականում զեղչված տեսականի էր առկա, չեմ ուզում ասել outlet mall, ավելի ճիշտ կլինի գրել ողջ տարին զեղչված տեսականիով առևտրի կենտրոն: Այստեղ ներկայացված էին մի շարք արդեն հայտնի և սիրված բրենդեր և սրահներ, այդ թվում L'evis, Cole Haan, Multi Textile, Lumiere Optics, Gerry Weber, Fortuna նաև նոր բրենդեր և նոր սրահներ՝ Yoko, Mikesport, իսկ VESTA սրահն էլ ամբողջովին նոր կոնցեպտով էր:
Առաջին հարկում վրացական GOODWILL սուպերմարկետների ցանցն էր ներկայացված, նաև շատ գեղեցիկ տեսարանով Coffee Cup Lavazza սրճարանը: Բուկինիսն էր այստեղ, ՀԵՐՄԻՏԱԺ սրահը, ԱԿԳ դեղատների ցանցը և Skinava սրահի կղզյակը՝ մաշկի խնամքի հրաշալի միջոցներ ձեռք բերելու համար: Բանկերից ներկայացված էին Araratbank-ը և Ardshininbank-ը: Երկրորդ հարկում առանձնացնեմ SHOE ZONE սրահը, որտեղ իմ սիրելի Sketchers-ն էր ամբողջությամբ զեղչված տեսականիով: Այցելեք OUTFIT սրահ, որտեղ հենց ամենահայնի բրենդերի զեղչված տեսականիներն էին, նաև հաճելի էր տեսնել հայկական բրենդեր այստեղ: Երկրորդ հարկում ֆուդկորտն է՝ 6 երկրների խոհանոցներով, այստեղ և Black Star Burger-ն է և ՊԱՐՏԵԶՆ իր համեղ մենյուով, իհարկե Mr. Gyros-ը, մեքսիկական ուտեստներ նախընտրողների համար Los Jalapenos-ը, սոչնի շաուրմաներով Թումանյանի շաուրման, շուտով նաև կբացվի KFC-ն: Այստեղ նաև մանկական խաղասրահն էր՝ բատուտներով և ջրային ատրակցիոնով:
Բացման հյուրերին սպասվում էր հյուրասիրություն, երաժշտական կատարումներ Hayat Project-ից, Անահիտ Հակոբյանից և DJ Harry-ից, իսկ փոքրերին սպասվում էր հանդիպում մուլտհերոսների հետ: Հյուրերի թվում հանդիպեցի Արթուր Աբրահամին, Նունե Եսայանին, բլոգեր Էվելինային, նաև քաղաքական գործիչների, դերասանների, գործարար անձանց: