Լևոն Սեդրակյանը բացեց իր NEW YORK/NEW YORK Cafe, Bar & Restaurant-ը հայրենիքում

Ո՞վ է Լևոն Սեդրակյանը. Շեֆ-խոհարար, ով տասնամյակներ բնակվելով և աշխատելով ԱՄՆ-ում՝ իրականացրեց իր երազանքը և հայրենիքում բացեց իր առաջին ռեստորանը: Կողբացի 53 հասցեում բացված NEW YORK/NEW YORK Cafe, Bar & Restaurant-ում Լևոնն անձամբ է պատրաստում ուտեստներն ու հրավիրում այն գնահատելու. մենք միայն կողմ ենք:

Ամերիկյան փանքեյքերից մինչ սթեյքեր, տակոներից մինչ պաստաներ, այն ամենն, ինչ Դուք հանդիպում եք ամերիկյան ռեստորաններում՝ Շեֆ Լևոնի հեղինակային սոուսներով, ձեռագրով և պատրաստման եղանակով: NEW YORK/NEW YORK- այցեքարտը հենց Շեֆն է, Դու կարծես այցելում ես հյուր Լևոնին, գնահատում նրա "ձեռքի համը" ու զգում Քեզ ինչպես "նրա տանը":

Հյուր Լևոնին՝ այսպես եմ ես անվանել այս ռեստորանը, ուր այցելում եմ, ինչպես կայցելես քո վաղեմի ընկերոջ տուն: Մտերմիկ այս ձևաչափը դեռ այնքան տարածված չէ մեզ մոտ, բայց միանշանակ սպասված է և ակտուալ:

Լևոն Սեդրակյանը ավելի քան երեք տասնամյակ ապրելով և աշխատելով ԱՄՆ-ում ուներ երազանք՝ վերադառնալ հայրենիք և բացել իր ընտանեկան ռեստորանը, որտեղ երևանաբնակներին և հյուրերին կզարմացներ իր ուտեստներով, կներկայացներ ամերիկյան ռեստորանների ձեռագիրը: Իր առաջին ռեստորանը Լևոնը բացել է հենց Նյու Յորքի Մանհեթենում, երբ 20 տարեկան էր, որտեղից էլ և ծնվեց երևանյան ռեստորանի ձևաչափի միտքը: Իր կնոջ՝ Նազելի Հայրապետյանի հետ, 4 տարի առաջ նրանք վերջապես իրականացնում են վաղեմի երազանքը և երեխաների հետ միասին տեղափոխվում Հայաստան՝ բացելով NEW YORK/NEW YORK Cafe, Bar & Restaurant-ը: