ONE MANAGEMENT-ի շնորհանդեսը Շենեյում

ONE MANAGEMENT-ը ներկայանում է Հայաստանում և արտերկրում հյուրանոցային և ռեստորանային կառավարման 16 ծառայություններից բաղկացած հատուկ ծրագրով, որի շնորհանդեսը օրերս տեղի ունեցավ Շենեյում: Մենք ևս հյուրերի թվում էինք և ներկայացնում ենք ONE MANAGEMENT-ի շնորհանդեսը:

«Գերազանցություն գլոբալ հյուրընկալության ոլորտում: One Management-ը առաջարկում է բացառիկ գաղափարներ՝ փոքր սրճարաններից և հյուրատներից մինչև բարձրակարգ ժամանցային կենտրոնների, հյուրանոցային համալիրների և բարձրակարգ ռեստորանների կառավարման համար Հայաստանում և ամբողջ աշխարհում: Ունենալով ներկայացուցչություն տարբեր երկրներում, ինչպես նաև, հյուրընկալության ոլորտում երկար տարիների փորձ՝ One Management-ը Հայաստանում հյուրանոցային և ռեստորանային ոլորտի առաջատար օպերատորն է»,-նշում է One Management-ի հիմնադիր Էրիկ Ավետիսյանը:

ONE Management-ը տրամադրում է ամբողջական ծառայություններ՝ կյանքի կոչելու հյուրընկալության նորարարական գաղափարները՝ ընդգրկելով ամեն ինչ՝ զարգացումից և շինարարությունից մինչև շուկայավարություն, վաճառք և ինտերիերի դիզայն: Ընկերությունը նաև մասնագիտացած է բրենդինգի, աուդիտի, HR կառավարման և մենյուի ստեղծման մեջ՝ ապահովելով բացառիկ որակ և ստեղծագործականություն յուրաքանչյուր նախագծում: Փաստացի, եթե Դուք վարում եք բիզնես, կամ պատրաստվում եք ստեղծել Ձեր բիզնեսը հոռեկա ոլորտում, այսուհետ կարող եք պլանավորել ռազմավարությունը հենց ONE Management-ի հետ՝ օգտվելով նրանց 16 ծառայություններից կազմված ծրագրից:

«One Management-ը հանդես է գալիս որպես արդի և առաջատար ուժ տեղական հյուրընկալության մեջ՝ կազմակերպելով փորձառություններ, որոնք գերազանցում են սահմաններն ու սպասումները: Ընկերությունը համաշխարհային հեղափոխություն է հրահրում ոլորտում՝ մարմնավորելով հյուրընկալության իսկական ոգին: Գիշերային կյանքից մինչ միջազգային խորհրդանշական վայրեր և ավելին, խումբը նորարարությունների ջատագով է և սահմանում է նոր չափանիշներ նորագույն գաղափարներով»-հավելեց Էրիկ Ավետիսյանը:

Միջոցառումը վարում էին Սոս Ջանիբեկյանը և Լուսինե Հայրապետյանը: Երեկոյի գործընկերն էր VOGIS ապրանքանիշն իր ֆիրմային կոկտեյլներով: Հյուրերին սպասվում էր հյուրասիրություն, ONE Management-ի հատուկ ծառայությունների ծանոթացում, ինչպես նաև կենդանի կատարումներ Ռուսաստանից հրավիրված բենդի կողմից: