GRAND OST ՌԵՍՏՈՐԱՆԻ ԲԱՑՈՒՄԸ ՀԱՆՐԱՊԵՏՈՒԹՅԱՆ ՀՐԱՊԱՐԱԿՈՒՄ

OST ցանց Լևոն Մանասարյանի կողմից հիմնադրվել է 2003թ.-ին: Առաջին՝ Մաշտոցի 20 հասցեում բացված OST-ում փորձարկվեց մեծ չափսով պանրով լահմաջոն, որն արդյունքում դարձավ հենց OST-ի այցեքարտը. վստահ եմ բոլորդ եք փորձել ու սիրել այն: Ես սիրում եմ այցելել Սարյանի OST-ը, որը բացվել է 2016թ.-ին, այն ավելի fast + wine ձևաչափով է՝ միշտ թարմ տնական ուտեստներ:

Հենց այնպես չէ OST-ը հենց ընտանեկան ցանց համարվում այսօր: Տարիների ընթացքում այն իրոք դարձավ ընտանեկան բիզնես՝ ներկայանալով արդեն երևանյան մոլերում՝ Megamall, Erebuni Mall, Prospect Mall: Այս տարի կարծես ժամանակն էր ամփոփել 20 տարիների հաջող աշխատանքը և ներկայանալ արդեն ընտանեկան բարձրակարգ ռեստորանի ձևաչափով և GRAND OST ռեստորանը դարձավ Լևոն Մանասարյանի և նրա ընտանիքի նվերը բոլոր երևանցիներին և քաղաքի հյուրերին:

Հանրապետության հրապարակում (հենց անմիջապես շատրվանների հարևանությամբ) OST-ը ներկայացնում է իր նոր՝ GRAND OST ռեստորանը, որն ինչպես ասացի բարձրակարգ ընտանեկան ռեստորան է: Ողջ աշխարհում ճանապարհորդելով՝ Դուք անկասկած առաջինն այցելում եք տվյալ քաղաքի կենտրոնական հրապարակում գործող սրճարան կամ ռեստորան:

GRAND OST-ը փաստացի հենց մեր կենտրոնական հրապարակի գլխավոր ռեստորանն է, որով և զբոսաշրջիկները ծանոթանալու են հայկական հյուրընկալության հետ: Այն նաև երևանաբնակներիս համար է, հատկապես երեկոյան ժամերին արդեն իսկ բացօթյա հատվածում հետևում եմ հյուրերի, ովքեր վայելում են դեպի հրապարակ բացվող տեսարանը, երաժշտությունը, մարդկանց անցուդարձը:

OST-ը տարբեր հասցեներում գործելով և ֆաստֆուդային, և գինետնային ձևաչափով, այս նոր նախագծով արդեն ներկայանում է, որպես բարձրակարգ ռեստորան, ինչին տրամադրում է և գտնվելու վայրը, և առաքելությունը՝ ներկայացնել մեր երևանյան մթնոլորտը, բարձրակարգ սպասարկումը, համն ու հոտը արժանավույնս:

Շեֆ Խոհարար Նիկոլայ Զոնովը հրավիրվել է Մոսկվայից, որտեղ վերջինս աշխատելով մոսկովյան ամենահեղինակավոր նախագծերում՝ ստեղծել է հատուկ խոհանոց հենց հայկական ձեռագրով ու մեր քիմքին հաճելի: Միջերկրական խոհանոցը համադրելով հայկական համերով՝ Զոնովը մենյուում ներկայացնում է հեղինակային ուտեստներ, բայց նշեմ, որ OST-ի այցեքարտ ուտեստները պահպանվել են նաև GRAND OST-ի մենյուում:

GRAND OST-ը գործում է առավոյան 09.00-ից մինչ կեսգիշեր: Ռեստորանային ամբողջ տարածքը հյուրընկալում է մոտ 118 հյուր: Փակ հատվածը նախատեսված է 68, բացօթյա հատվածը՝ 40 այցելուի համար: Շատ հարմար էր նաև առանձնասրահն իր առանձին օդափոխության համակարգով, որտեղ դուք կարող եք նշել Ձեր տոները 10 հյուրով:

GRAND OST-ը շաբաթվա նշված օրերին կունենա նաև հատուկ երաժշտական կենդանի ծրագրեր, որոնց հետևելու համար կարող եք միանալ GRAND OST-ի սոցիալական էջերին: Ես արդեն իսկ դարձել եմ ռեստորանի մշտական այցելուն՝ ցերեկային ժամերին այստեղ կազմակերպելով հանդիպումներս, իսկ երեկոյան ժամերին՝ բացօթյա հատվածում վայելելով շատրվանների շոուն:

Հանրապետության հրապարակ

Կառավարության տուն 2, փողոց 1

095-33 30 00

FB / IG