Գնացել էինք WHITE PARTY 2025

Նախորդ տասնամյակում հայկական ակումբային կյանքում ակտուալ էին թեմատիկ փարթիները՝ White, Latino, եթե հիշում եք, նաև բում էր go-go պարողների և topless ռուս DJ-ների։ Այժմ նոր ժամանակաշրջան է ու նոր մշակույթ։ Gen Z-ն նախընտրում է տեխնո, միլենիալները ակումբները փոխել են cocktail bar-երի հետ, իսկ ամբողջ աշխարհում էլ կա մի տենդենց՝ ակումբային մշակույթը անկում է ապրում։

Նույնիսկ Լոնդոնի Սոհոյում ակումբները փակվում են, քանի որ երիտասարդները սկսել են քիչ խմել։ Բոլոր այդ մեդիտացիաները, յոգաները, առողջ սնունդն ու ինքդ քեզ նորովի բացահայտելու գաղափարները փոխել են կյանքի չգրված օրենքները։ Դե, ինստագրամն ու տիկտոկն էլ փոխել են մեր շփման հարթակները. այժմ ծանոթանում են ոչ թե ակումբում, այլ Թինդերում։

Հիմա ֆոտոսթենդով ու Կամոբլոգով էլ չես զարմացնի. բոլորը նկարվում են իրենց iPhone-ներով ու նկարները տեղադրում միայն իրենց մշակած faceapp-ով։ Միջազգային DJ-ներով էլ չես զարմացնի, քանի որ ներկաների 70 %-ը Wizz-ով ամեն շաբաթ Եվրոպայում է։

Մտածեցի՝ ինչպես 10 տարի առաջ էի անում՝ վարձեմ սպիտակ լիմուզին ու հետևորդներիս հետ գնամ փարթի։ Բայց մի տեսակ 2025-ին սպիտակ լիմուզինով փարթի գնալը շատ խնդալու է երևի։ Ընկերներով գնացինք, պարեցինք, հիշեցինք անցյալը, լսեցինք մեր Alber Ensso-ին, Jockey-ին, հյուր՝ KATRIN KOVA-ին, վայելեցինք շոուն, էս նկարներն էլ Կամոյին եմ խնդրել ուղարկի լուսաբանեմ, թող տեսնեն, որ մենակ Ջեյ Լոյի համերգը չի, որ աշխույժությունա ստեղծում Երևանում:

GALLERY

lifestyle