Շոփինգը Հայաստանում 12 տարեկան է! ԴԱԼՄԱՅԻ 12-րդ տարեդարձը, խաղարկությունը և ռեբրենդինգը

Շոփինգը Հայաստանում 12 տարեկան է, դա նշանակում է, որ Հայաստանի Առաջին Մոլը՝ Դալմա Գարդեն Մոլը 12 տարեկան է։ Օրերս առաջին մոլի տարեդարձի միջոցառումն էր Դալմա Պարկինգ 2-ում՝ համերգային ծրագրի ուղեկցությամբ, տարվա ամենաշատ նվերներով խաղարկության ամփոփմամբ և ոչ միայն։ Իհարկե մենք այնտեղ էինք ու իհարկե բոլոր մանրամասները՝ միայն ԿամոԲլոգում:

Կամո Թովմասյան

Այսօրվա պես հիշում եմ Դալմա Գարդեն Մոլի բացման օրը: Վերջապես մենք ունեցանք մոլ, որտեղ առաջին անգամ Հայաստանում ներկայացված էին միջազգային մի շարք սիրված բրենդեր, կար նոր՝ բազմաֆունկցիոնալ կինոսրահ, մանկական հատված…դա հսկայական նվեր էր երևանցիների, նաև քաղաքի հյուրերի համար: Այլևս մենք ստիպված չէինք գնումներ կատարել տոնավաճառներից, կասկածելի սրահներից, ու իհարկե, Դալմայի բացումը հիմնովին փոխեց նաև երիտասարդության աշխարհայացքը, ոճը, կենսակերպը:

Տարեդարձի միջոցառման հատուկ հյուրերն էին Գարիկը և Սոնան, Lav Eli բենդը, MIMOD-ը և DJ Shant Ko-ն, իսկ միջոցառումը վարեց Ներսես Ավետիսյանը։ Տեղի ունեցավ նաև մեծ շահումներով խաղարկության ամփոփումը և Դալմայի ռեբրենդինգի ներկայացումը՝ նոր վիզուալ ինքնության բացահայտումով։ Շնորհավորում եմ բոլոր հաղթողներին, բոլոր այցելուներին, պարզապես մեզ բոլորիս՝ Դալման 12 տարի մեզ ապահովում է ժամանց, շոփինգ ու պարզապես լրացնում է մեր հանգիստը:

Այս 12 տարիների ընթացքում Դալման անգնահատելի ազդեցություն է թողել Հայաստանի ռիթեյլ ոլորտի ու շոփինգ մշակույթի վրա, ու դեռ շարունակելու է թողնել։ Դալման որոշել է մշտապես հաճելիորեն զարմացնել իր հաճախորդներին ու գործընկերներին՝ մշտական դրական փոփոխություններով ու նորություններով ու թարմություններով։ Նախորդ տարիներին Դալման տեսանելի ու ոչ տեսանելի փոփոխությունների ու թարմացումների շատ մեծ փուլ էր մտել։ Այդ փոփոխություններից ամենամեծը, թերևս, այն է, որ մոլի 12-ամյակը բոլորս միասին նշում ենք նոր վիզուալ ինքնությամբ։ Այլ կերպ ասած՝ Դալման ռեբրենդինգ է արել։ Նոր տարբերանշան և նոր մոտեցում շոփինգի մշակույթին:

Լինելով առաջին ժամանցաառևտրային համալիրը Հայաստանում, Դալման շարունակում է զարգանալ և զարգացնել ոլորտը՝ ամեն անգամ գերազանցության նոր նշաձող սահմանելով: Այս դինամիկ զարգացմանն ի պատասխան, Դալմային անհրաժեշտ էր նոր, ավելի թարմ վիզուալ ինքնություն՝ լոգոտիպ և ոճ: