«ԲԱԽՏԻ ՏԵՐԸ» կինոկատակերգության պրեմիերան և հյուրերը

Կինոմոսկվայում քիչ առաջ տեղի ունեցավ «ԲԱԽՏԻ ՏԵՐԸ» կինոկատակերգության պրեմիերան: Կարմիր գորգին՝ ֆիլմի ողջ դերասանական կազմն էր՝ գլխավոր աստղի՝ Արփի Գաբրիելյանի գլխավորությամբ (ի դեպ, FAINA շատ շքեղ զգեստով): Պրեմիերայի առաջին ֆոտոշարքը՝ ԿամոԲլոգում, սթորիթելը՝ իմ ինստագրամյան էջում:

Կամո Թովմասյան

«Sharm Pictures» -ը և «Mitoyan production»-ը ներկայացնում են «ԲԱԽՏԻ ՏԵՐԸ» նոր, ճակատագրական կինոկատակերգությունը: Ժանետն ու Անետը երկվորյակ քույրեր են՝ հայկական հեռավոր Մացառուտ գյուղի հայտնի պայծառատես Արուսի թոռնուհիները։ Տարիներ առաջ Ժանետը հեռացել է գյուղից, իսկ Անետը մնացել է տատիկի մոտ։ Տատիկը մահանում է՝ իր շնորհը փոխանցելով թոռնուհիներից մեկին։

Ճակատագրի բերումով քույրերը ստիպված են փոխվելու տեղերով... Կյանքը կորոշի՝ արդյոք մեր բախտի պատանդնե՞րն ենք, թե՞ տերերը։ Բեմադրող ռեժիսոր՝ Գրիգ Վահրամյան, Սցենարի հեղինակներ՝ Աշոտ Աբրահամյան, Ռուբեն Ջաղինյան, Բեմադրող օպերատոր՝ Սուրեն Թադևոսյա,ն Պրոդյուսեր՝ Արման Միտոյան, Գլխավոր պրոդյուսեր՝ Ռուբեն Ջաղինյան: Գլխավոր դերերում՝ Արփի Գաբրիելյան, Լևոն Հարությունյան, Ստեփան Ղամբարյան, Սուրեն Թումասյան, Մարինե Պետրոսյան և այլք: